Ezekiel 20:12 - O Debleskro Lab 2024 (Sinte-Manouche)

¹² Ninna čivom o dives dren, hoy mange hi, kay hounte boudrenn le gar. Ko dives his o sikepen koleske, hoy vin kram. Yaake kamom, te djinenn i Israelitarya, kay me, o baro Devel, rodom len mange vin, te venn le mire menshe.

O Debleskro Drom 2021 (Sinte)

¹² Ninna tchiwom o diwes dren, hoi mange hi, kai hunte budrenn le gar. Ko diwes his o sikepen koleske, hoi win kram. Jaake kamom, te djinenn i Israelitarja, kai me, o baro Dewel, rodom len mange win, te wenn le mire menshe.

Ezekiel 20:12 Referans Kwoze

Ezekiel 20:20

Oun rikrenn o Debleskro dives dren, te krenn kek boudi ap leste. Ko dives hi i sikepen koleske, hoy vin kram, te djinenn t'mer, te hom me, o baro Devel, t'maro Devel.

Ezekiel 37:28

Miro kheer ačell mashkral lende hako tsireske. Palle dikenn oun hayvenn i menshe an i vavar themma, te rodom me o baro Devel, i Israelitaryen mange vin, te venn le mire menshe.

1. Tessalonikarja 5:23

O Devel kras i drom, te vas pash leste. Lestar mangau, te krell lo t'maro tselo djipen djoudjo glan leste, te rikrell lo t'men an peskre vasta, yaake te hatsell lo kek doosh ap t'mende ap ko dives, kay vell maro ray, o Yezous Kristo, pale.

3. Mose 21:23

Pash ko voudar dran than, hoy glan koy kouč isema hi, nay djal lo gar, vitar gar pash o Debleskri rhačepaskri, te krell lo o Debleskro kheer gar pale-čiddo. Me hom o baro Devel, oun rodom kava kheer vin, te hi lo mange.

Nehemia 9:14

Oun tou sikral len, har te rikrenn le o dives, hoy touke hi. Kova hi o Debleskro dives. Oun an vavar laba, hoy penas lenge o Mose, koles tiro vast his, sikral tou len, hoy tou lendar kameh oun har nay djan le tire dromma.

3. Mose 25:4

O eftato bersh hi i Debleskro bersh, kay i phoub nay lell nevi zoor. Kava bersh hi o baro Debleske. Ap tiro kotar phoub vitsress či vin, oun činess gar tire drakengre rouka.

3. Mose 23:39

Ap o 15. (deesh-te-pančto) dives an o eftato čon, an ko tsiro, har anan halauter dren, hoy ap t'mari phoub bares vas, krenn efta divessa i festo o baro Debleske. O ersto dives oun o orhtato dives hi i dives, kay krenn kek boudi.

3. Mose 23:32

Kava dives hi i baro dives t'menge, kay hounte krenn kek boudi, oun rhan či foun rati ap o enyato dives bis te vell pale rati ap o vavar dives.

3. Mose 23:24

Pen ap i Israelitarya: Ko ersto dives an o eftato čon hounte vell t'men savo dives, kay boudrenn gar. Ap ko dives phourdenn an i phourdepangre, oun avenn khetne glan o baro Debleste.

3. Mose 23:3

Rikrenn o Debleskro dives! Shob divessa boudrenn, ap o eftato dives krenn kek boudi! Ko dives hi o baro Debleske. Ap leste avenn khetne glan leste! Ap kava dives krenn kek boudi, kay t'mer ninna djivenna!

3. Mose 21:15

Kova hounte krell lo, te lell lo gar čave, kay pale-čiddo vans. Me hom o baro Devel, oun rodom les mange vin, te vell lo miro rashay.

3. Mose 21:8

T'mer Israelitarya, i rashay hi t'menge i Debleskro morsh! Yob rhačrell glan mande o rhapen, hoy mange anlo vell. Doleske vell lo t'menge i morsh, koles vi-rodom, te boudrell lo mange. Me hom o baro Devel. Kek vavar hi har me. Oun t'men rodom mange vin, te venn mire menshe.

3. Mose 20:8

Krenn, hoy me t'mendar kamau! Rikrenn t'men ap kova! Me, o baro Devel, rodom t'men vin, te venn mire menshe.

2. Mose 35:2

Shob divessa krenn t'mari boudi! O eftato dives hi o Debleskro dives. Ap ko dives krenn či! Ko dives hi o baro Debleske. Koon ap kava dives boudrella, hounte merella.

2. Mose 16:29

Dom me, o baro Devel, t'men gar o Debleskro dives? Doleske dau me t'men ap o shobto dives doha maro, te nay rhan les douy divessa. Yaake ačell hakeno t'mendar khere. Kek moukell ap o eftato dives i platsa, kay lo khere hi.”

1. Mose 2:3

Oun o Devel penas: “Ko eftato dives hi i baro dives mange. Ko dives hi miro.” Ap o eftato dives his leskri boudi halauter kerdo, oun yob boudras bouder gar.

Judas 1:1

Me, o Youdas, činau kava liil ap t'mende, kolen o Devel peske vin rodas. Yob hi t'maro dad oun kamell t'men o djiyestar. Oun o Yezous Kristo dell garda ap t'mende. Me hom o Yezous Kristeskro boudepaskro oun o Yakobeskro phraal.

Kolossarja 2:16

Ma shounenn ap kolende, kay penenn t'menge: “Hi gar mishto, te rhan oun piyenn t'mer kava te kova!” Ma shounenn ap lende, te penenn le t'menge, te denn yak ap bare divessa an o čon oun an o bersh, ninna ap o dives, kay i bibolde gar boudrenna.

Jesaja 56:2

Mishto djal ko mensheske, kay djivell yaake, oun rikrell pes zoreles ap mire laba: kova, kay rikrell o Debleskro dives dren oun boudrell gar ap leste; oun kova, kay rikrell peskro vast pale, te krell lo čilačo koova.

Jeremia 17:22

Oun hidjrenn či ap o Debleskro dives dran t'mare khera. Oun boudrenn gar! Ko dives hi o Debleske. Rikrenn les yaake dren, har me kova t'mare phourenge penom.

Ezekiel 20:26

Oun har moukan le pengre phoureder morsh čaven i rhorhene deblenge te rhačrell, rakrom pral lende vin: “T'mer han mange pale-čiddo.” Yaake kamom len bari daar te krell, te hayvenn le, te hom me o baro Devel.

Ezekiel 44:24

Te vell i čingepen glan lende anlo, hi yon i čačepangre morsha oun hounte penenn o čačepen vin, oun hounte djan pal mire čačepaskre laba. Oun yon hounte krenn, te venn mire bare divessa ap o čačo tsiro yaake dren rikedo, har me penom, te vell kova kerdo. Ninna denn le yak, te vell o Debleskro dives dren rikedo.