Ezekiel 20:11 - O Debleskro Lab 2024 (Sinte-Manouche)

¹¹ Oun kote penom lenge, hoy lendar kamau, har te djivenn le pal miro čačepen. Miro čačepen hi kova, koleha i mensho djido ačell, te rikrell lo pes ap leste.

O Debleskro Drom 2021 (Sinte)

¹¹ Un kote penom lenge, hoi lendar kamau, har te djiwenn le pal miro tchatchepen. Miro tchatchepen hi kowa, koleha i mensho djido atchell, te rikrell lo pes ap leste.

Ezekiel 20:11 Referans Kwoze

Remarja 10:5

Kova, kay rikrell pes ap o Moseskre laba, te vell lo čačo glan o Debleste, hounte krell kova, hoy kote činlo hi. O Mose činas an peskre lila: Ko mensho lell o djipen o Deblestar, kay krell, hoy kote činlo hi.

5. Mose 4:8

Kek vavar bari natsyona della, kay i menshen save lače oun čače laba hi, hoy lende sikrenn har te djivenn le, har kal laba, hoy me kava dives glan t'mende čivau.

3. Mose 18:5

Doleske krenn, hoy me t'mendar kamau, oun djivenn pal miro čačepen. I mensho, kay rikrell pes ap kova, koles hi čačepah o djipen. Me hom o baro Devel.

Galatarja 3:12

Te rikrell yek pes ap o Moseskre laba, hi kova gar ko emligo, har te patsals lo ap o Yezous Kristeste. Pral o Moseskre laba hi činlo: Koon krell hako koova, hoy o Moseskre laba penenna, kova djivella.

Louka 10:28

Penas o Yezous leske: “Tiro hi čačo. Kre lauter yaake, oun tou djiveh!”

Ezekiel 20:13

Ninna an o moulo tato them moukan pen i Israelitarya či mandar te penell. Yon djivan gar yaake, har lendar kamom. Oun ap mire čačepaskre laba dan le či. Oun mire čačepaskre laba hi kolla, kolentsa o mensho djido ačell, te rikrell lo pes ap lende. Oun yon kran boud koova ap o Debleskro dives, hoy hounte krans le gar, oun yaake vom gar sharedo. Kote kamom miri rholi pral lende vin te čorell, te hounte merans le lauter an o moulo tato them.

Remarja 3:2

Ava, kova hi lenge boud moldo. Yon lan o Debleskre laba an lengre vasta.

Ezekiel 20:21

Oun ninna lengre čave moukan pen či mandar te penell, oun kran gar hoy lendar kamom, oun djivan gar pal miro čačepen. Mire čačepaskre laba hi kolla, kolentsa i mensho djido ačell, te rikrell lo pes ap lende. Oun yon kran savo koova ap o Debleskro dives, hoy hounte krans le gar. Oun yaake vom gar sharedo. Kote kamom miri rholi pral lende vin te čorell. Kote an o moulo tato them kamom miri tseli rholi ap lende vin te moukell.

5. Mose 4:1

Kanna shoun, Israel, hoy t'maro baro Devel t'mendar kamell. Denn yak ap leskre čačepaskre laba, hoy me t'men sikrau. Rikrenn t'men ap kova, te ačenn djido, oun te venn dren an ko them, te nay lenn les t'menge dren, ko them, ap koleste t'maro baro Devel t'mare phourenge pes sovel das, te dell lo les lende.

Ezekiel 33:15

oun dell koleste kova pale, hoy lo koleske las, har lo leske čomone patsas, oun dell ninna kova pale, hoy lo čoras, oun djivell kanna pal kol laba, hoy o djipen anenn, oun krell bouder gar o čilačepen – palle djivell lo! Yob merell gar!

5. Mose 4:5

Dikenn, me sikrom t'mende, hoy o baro Devel t'mendar kamella, leskre tsele čačepaskre laba, yaake har miro baro Devel mange penas, te krenn t'mer an o them, an kova t'mer venna oun les t'menge dren lenna.

5. Mose 30:19

Kava dives dau gole ap o bolepen oun ap i phoub, te dikenn le: O djipen oun o merepen čivom me glan t'mende, o Debleskri barht oun i bibarht. Yaake rodenn t'menge o djipen vin, te ačenn djido, t'mer oun kolla, kay t'mendar venna.

Gosewe laba 6:23

Kova, hoy tiro dad oun tiri day touke pashel anan, hi har i momeli ap tiro drom. Te denn le tout trad, rikrenn le tout ap o drom, hoy o djipen anell.

Ezekiel 18:9

Yob krell, hoy lestar kamau, oun djivell pal miro čačepen. Savo menshes hi kek doosh ap peste. Yob ačell djido. Kova penau me, o baro Devel, t'maro ray.

Ezekiel 33:16

Ko tselo čilačepen, hoy lo kras, vell bistedo. Kanna djivell lo an o čačepen. Doleske ačell lo djido.