Ezekiel 19:6 - O Debleskro Lab 2024 (Sinte-Manouche)

⁶ Kova djivas mank i vavar leve, vas i zorelo terno levo, oun djinas, har te dandrell lo firhen moulo, oun ninna menshen rhas lo.

O Debleskro Drom 2021 (Sinte)

⁶ Kowa djiwas mank i wawar lewe, was i sorelo terno lewo, un djinas, har te dandrell lo viechen mulo, un ninna menshen chas lo.

Ezekiel 19:6 Referans Kwoze

2. Familjakro liil 36:9

Deesh-te-orhta (18) bersh his o Yoyakin, har lo baro ray vas. Oun yob his baro ray triin čonna oun deesh divessa, oun djivas an ko tsiro an o foro Yerusalem. Oun yob kras, hoy djoungeles his glan o baro Debleskre yaka.

2. Familjakro liil 36:5

Har vas o Yoyakim baro ray, his lo 25 (biish-te-panč) bersh phouro. Oun yob his 11 (deesh-te-yek) bersh baro ray an o foro Yerusalem. Oun yob kras, hoy čilačo his glan i yaka o baro Deblestar, kay leskro Devel his.

2. Rajengro liil 24:9

Oun o Yoyakin kras, hoy djoungeles his an o baro Debleskre yaka, yaake har leskro dad ninna kras.

Ezekiel 19:5

Oun i day louras, te vell lo pale. Har dikas li, te louras li čičeske, oun yob bouder gar pale vas, kote las li i vavares peskre čavendar oun tserdas les baro.

Ezekiel 19:7

An forya oun zorele khera phagas lo dren, oun kras len paash; mouklo ačenn le čiddo. Oun i menshe an ko them daran oun trissan, har das lo gole.

Ezekiel 34:4

Kolenge, kay len kek zoor bouder his, van t'mer gar ap i rig, te venn le pale zoreles. Oun kolla, kay nasselo his, kran t'mer gar sasto. Oun kolla, kay phagan pen i heri, lenge čivan kek diklo troul koy doukedi heri. Oun kolla, kay nashran pen, anan t'mer gar pale. Oun kolla, kay nashedo his, rodan t'mer gar. Oun čilače zoryah hans i raya pral lende.