Ezekiel 18:6 - O Debleskro Lab 2024 (Sinte-Manouche)

⁶ kova rhal či ko massestar, hoy i rhorhene deblenge dino vas. Yob mangell gar i rhorhene deblen an, kolen i Israelitarya an-mangenn, oun djal gar i vavareskri romyah, oun sovell gar i djouvyah an ko tsiro, kay lat peskro koova hi.

O Debleskro Drom 2021 (Sinte)

⁶ kowa chal tchi ko massestar, hoi i chochene deblenge dino was. Job mangell gar i chochene deblen an, kolen i Israelitarja an-mangenn, un djal gar i wawareskri romjah, un sowell gar i djuwjah an ko tsiro, kai lat peskro koowa hi.

Ezekiel 18:6 Referans Kwoze

Ezekiel 18:15

Yob mangell gar kol rhorhene deblen an, hoy i Israelitarya an-mangenn, oun rhal gar o massestar, hoy lenge dino vas. I vavareskri romyah djal lo gar.

5. Mose 4:19

Te hadenn t'mare yaka pre pash o bolepen oun dikenn o kham oun o moonto oun i tsele bolepangre momlia, ma moukenn t'men kolendar krik te tserdenn, te čivenn t'men tele glan lende oun mangenn len an. T'maro baro Devel das len i menshenge an i vavar themma ap i phoub.

Ezekiel 20:24

doleske, kay djivan le gar pal miro čačepen oun kran gar, hoy lendar kamom, oun boudran ap o Debleskro dives, oun nashan kol rhorhene deblenge palla, kolen lengre phoure an-mangan.

Ezekiel 6:13

Palle hi i moulo-dine čiddo mashkral pengre rhorhene deblende, oun troul lengre rhačepangre trouyel ap haki tikni oun bari berga, oun tel hako baro rouk boud patyentsa, oun tel hake vavar zenele rouka, kay mangan le pengre rhorhene deblen an, oun rhačran lenge lačo soungepaskro koova. Oun t'mer dikenn oun hayvenn, te hom me o baro Devel.

4. Mose 25:2

Kolla kaman, te venn i Israelitarya lentsa, te anenn yon firhen pengre deblenge. Oun i Israelitarya van lentsa oun rhan ko massestar oun mangan kolengre deblen an.

3. Mose 20:18

Te sovell i morsh i djouvyah, kolat peskri djouvyakro koova hi, krenn pen kol douy pale-čiddo, oun nay djivenn bouder gar mank pengre menshende.

3. Mose 20:10

Te sovell yek i romyah i vavarestar, hounte venn kol douy maredo.

Hebrearja 13:4

Kolla, kay romedino hi, hounte bistrenn gar, te hi yon romedino. O rom hounte vell gar khetne i vavar djouvyah, oun i romni hounte vell gar khetne i vavar morsheha. Djinenn, o Devel dell i phagi kol morshende, kay rhorhenn pengri romyat, oun kol djouvyende, kay rhorhenn pengro romes, ninna lauterende, kay loubrenn trouyel.

1. Korintarja 10:20

Kova, hoy i menshe kol deblen dran kasht oun bar denna, anenn yon i bengenge, gar o Debleske. Oun me kamau gar, te venn t'mer i bengentsa khetne.

Mateo 5:28

Me penau t'menge: Koon ap i vavareskri romyate dikella, te sovell lo lah, kova rhorhras peskri romyat an peskro dji.

Ezekiel 20:28

Har me len an o them anom, kolestar man sovel dom, te dap les lende, mangan le vavar deblen an. Hako kopo, kay dikan le i tikni berga oder i baro rouk boud patyentsa, rhačran le firhen i rhorhene deblenge, oun kran man rhoyedo koleha, hoy le lenge anan. Yon rhačran soungepaskro koova lenge, oun čoran mool vin lenge.

Ezekiel 20:7

Oun me penom ap lende: Hakeno t'mendar hounte vitsrell kol djoungele figuren krik, hoy lo an-mangell. Rikrenn t'men pale kol rhorhene deblendar, kolen i Egiptarya an-mangenn, te venn t'mer gar pale-čiddo! Me, o baro Devel, hom t'maro Devel.

Debleskri gili 121:1

I gili te givell ap o drom an Yerusalem. Me dikau pre ap i berge. Kay vell kova, kay vell mange ap i rig?

2. Mose 34:15

Ma avenn mala kol vavar menshenge an o them! Yon mangenn pengre deblen dran kasht oun bar an, oun marenn firhen lenge. Te vans t'mer lengre mala, nay djals, te djan lentsa oun rhan ko rhapen, hoy yon anan lengre deblen.

Gosewe laba 6:29

Yaake djal koleske, kay pash i romyate i vavarestar djal. Hakeno, kay lat an-taprell, lell peskri phagi.

Ezekiel 18:5

I morsh, kay djivell an o čačepen oun krell, hoy mishto oun čačo hi,