Ezekiel 18:11 - O Debleskro Lab 2024 (Sinte-Manouche)

¹¹ hoy leskro dad gar kras. Oun rhal ko massestar, hoy i rhorhene deblen dino vas, oun djal i vavareskri romyah,

O Debleskro Drom 2021 (Sinte)

¹¹ hoi leskro dad gar kras. Un chal ko massestar, hoi i chochene deblen dino was, un djal i wawareskri romjah,

Ezekiel 18:11 Referans Kwoze

Debleskro tsiro 22:14

Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.

1. Johanni 3:22

Oun lauter, hoy mer lestar mangah, kova lah mer, te rikrah men ap kova, hoy yob menge penas, oun djivah yaake, har yob kamella.

Jakobo 2:17

Čačepah, te krenn t'mer kek lačo koova, hi t'maro patsepen moulo.

Filiparja 4:9

Oun djivenn yaake, har me t'menge penom oun sikrom, yaake har t'mer kova mandar shounan oun ap mande dikan! Oun o Devel, kay kras i drom, te nay djivah an o lačepen khetne, hi t'mentsa!

Johanni 15:14

Te krenn t'mer, hoy me t'menge penom, han mire mala.

Johanni 13:17

T'mer djinenn kova kanna halauter. Te krenn t'mer kova, han barhtelo.

Louka 11:28

Koy penas lo: “Barhtele hi kolla, kay ap o Debleskro lab shounenna, oun kova ninna krenna, hoy o Devel penella.”

Ezekiel 18:15

Yob mangell gar kol rhorhene deblen an, hoy i Israelitarya an-mangenn, oun rhal gar o massestar, hoy lenge dino vas. I vavareskri romyah djal lo gar.

1. Rajengro liil 13:22

Tou djal pale pale oun rhal maro oun piyal pani kote, kay me touke penom: Ma rha maro oun ma pi pani! Doleske veh tou gar paskedo pash tire phourende.”

1. Rajengro liil 13:8

“Na-a”, penas o Debleskro morsh, “ninna te deh man o paash tiro bravlepastar, vau me gar touha, oun rhau kek maro oun piyau kek pani kate.

1. Korintarja 6:9

T'mer hounte djinenn, kolla, kay čilačo koova krenna, venn gar pash o Debleste an o bolepen, oun lenn gar ko lačo koova, hoy o Debles peskre čavenge hi. Ma rhorhenn t'men kokres! Kolla, kay vi-ladjedo koova krenna, venn gar pash o Debleste an o bolepen, vitar gar kolla, kay mangenn vavar koova an har o Debles, vitar gar kol morsha, kay rhorhenn pengri romyat i vavar djouvyah, vitar gar kol djouvya, kay rhorhenn pengro romes i vavar morsheha, vitar gar kol morsha, kay krenn vi-ladjedo koova vavar morshentsa oun čaventsa,

Ezekiel 18:10

Hoy djal, te vell leske i morsh čavo boldo? Oun kova hi i či-moldo, kay dell i vavares moulo, oun krell ko tselo koova,

Ezekiel 22:11

Ko yek sovell i vavareskri romyah, oun ko vavar sovell peskro čaveskri romyah oun krell lat yaake pale-čiddo. Pale i vavar taprell zoryah peskri phenyat an, ko čat peskro dadestar.