Ezekiel 16:6 - O Debleskro Lab 2024 (Sinte-Manouche)

⁶ Kote djom me kote miro drom, kay tou čiddo hals. Oun me dikom tout, har tou ratles koy čiddo hals. Oun me penom ap toute: Tou ačess djido! Ava, ap toute penom: Tou djivess,

O Debleskro Drom 2021 (Sinte)

⁶ Kote djom me kote miro drom, kai tu tchiddo hals. Un me dikom tut, har tu ratles koi tchiddo hals. Un me penom ap tute: Tu atchess djido! Awa, ap tute penom: Tu djiwess,

Ezekiel 16:6 Referans Kwoze

Johanni 5:25

Čačepah, me penau t'menge: Ko tsiro vella oun hi kanna kay, kay i moule shounenn i gole o Debleskro čavestar. Oun kolla, kay shounenn, kay dell yob gole, kolla djivenna.

Bičepangre 7:34

Me dikom, har mire menshe rhan dava an o them Egiptia. Oun me shounom lengri gole oun lengro ropen, oun vom dran o bolepen tele, te lap len dran kava them vin. Oun me kamau, te djas tou an o them Egiptia.

Mateo 5:13

T'mer han o loon ap kay phoub. Te nashras o loon peskri zoor, hi lo bouder gar mishto. Oun tou nay kreh bouder či, te vell lo pale londo. Ko loon molell či bouder. Tou nay vitsreh les toutar. Oun i menshe stakrenn les khetne.

Micha 7:10

Kolla, kay rikrenn man tele oun poučenn mandar kay hi tiro baro Devel, yon hounte dikenn kova, oun hounte ladjenn. Oun mire yaka dikenn, har le khetne stakedo venna, har čik ap i drom.

Jesaja 51:23

Me dau les kanna an o vast kolendar, kay tiro djipen yaake phares kran, kolla, kay ap toute penan: “Vitse tout tele, te djap pral toute vergel!” Oun tou kral tiro doumo yaake, te hals yek i phoubyah, oun hals lenge har o drom, pral koleste yon pral vergel djan.

5. Mose 9:4

Pal kova, kay tradas len t'maro baro Devel glan t'mende vin, ma penenn: Dran maro čačo djipen anas men o baro Devel an kava them, te las le menge dren. Na-a, dran o čilačo djipen kol menshendar tradas len o baro Devel vin glan t'mende.

Remarja 9:15

Yob penas ap o Moseste: Me hom lačes koleske, ap koleste me kamau te vap lačes. Oun man hi i baro dji koleske, ap koleste man i baro dji hi.

Debleskro tsiro 14:20

Vin glan o foro van kol drake an koy bari piri stakedo. Oun o rat nashas koy vin, yaake boud, te djas o rat o grayenge pash lengre mouya, oun nashas triin-sheel (300) kilometarya dour.

Hebrearja 10:29

Te his kova yaake koleha, kay kras gar, hoy o Mose penas, kitse zorleder vell o Debleskri rholi pral koleste, kay o Debleskro čaves pestar stakrella, oun krella, har te vals o Yezous Kristeskro rat či moldo. Oun kava rat lals peskri doosh krik, oun krals les erligo glan o Debleste. O Debleskro Dourho his leske lačes, oun yob doukras les.

Jesaja 14:19

Tou hal an i čik vitsedo, har i kotar kasht krik vitsedo hi. Tout hi kek mouleskro kheer, hal rido har kolla, kay van maredo o rhareha, hal vitsedo lentsa an i barrengri phoub oun khetne stakedo.

Ezekiel 16:5

Kekes khaytal tou, te krals lo savo koova ap toute dran kamlepen. Na-a, tou val čiddo mouklo vin ap i phoub. Yaake his ap ko dives, har tou boldo val. Kek kamas tout.

Ezekiel 16:7

oun vess baro! Tou val har i shoukar blouma. Oun val baro oun i oun shoukar djouvel. Tire čoučya van baro oun tire balla lengsto. Nango hals.

Ezekiel 16:22

Oun pash ko tselo djoungelo koova, hoy tou kral, oun har i loubni djival, bistral ko tsiro, kay terno hals, oun nango hals oun ratles čiddo hals.