Ezekiel 16:3 - O Debleskro Lab 2024 (Sinte-Manouche)

³ Pen lenge: Kava penell o baro Devel, maro ray: O them Kanaan hi o them, dran koleste tire phoure van, oun kay tou boldo val. Tiro dad his i Amorari, tiri day i menshendar Het.

O Debleskro Drom 2021 (Sinte)

³ Pen lenge: Kawa penell o baro Dewel, maro rai: O them Kanaan hi o them, dran koleste tire phure wan, un kai tu boldo wal. Tiro dad his i Amorari, tiri dai i menshendar Het.

Ezekiel 16:3 Referans Kwoze

Ezekiel 16:45

Tou hal i čay tiri datar, koya peskro romeske oun peskre čavenge o doumo sikras. Oun tou hal i pheen tiri phenyatar, kay peskro romeske oun peskre čavenge o doumo sikras. T'mari day his i menshendar Het oun t'maro dad his i Amorari.

5. Mose 20:17

Moulo dino hounte venn le halauter: i Hetarya, i Amorarya, i Kanaanitarya, i Perisarya, i Hivarya oun i Yebousarya. Yaake penas t'menge t'maro baro Devel, te hounte krenn.

Johanni 8:44

T'maro dad hi o beng. Oun t'mer krenna, hoy t'maro dad ninna kamella. Yob hi yek, kay marell i menshen hako tsiro. Oun yob hi gar an o čačepen tardo. O čačepen hi gar an leste. Te rakrell yob o rhorhepen, vell kova dran leste. Yob hi i rhorheno, oun anas o rhorhepen ap kay phoub.

Nehemia 9:7

Tou hal o baro Devel, o Devel, kay o Abrames vin rodas, oun anal les vin dran o foro Our dran o them Kaldea, oun dal les o lab Abraham.

Louka 3:7

Boud menshe djan pash o Yohanneste, te moukan le pen lestar te taufrell. Yob penas lenge: “T'mer han sapa! T'mer nay nashenn gar glan o Debleskri rholi krik, hoy vella pral i menshende.

Ezekiel 21:30

Tou čilačo ray pral Israel, tou pale-čiddo! Tiro dives vas! Tiri doosh hi yaake baro, te vas ko tsiro, kay leh tiri phagi.

Jesaja 1:10

T'mer raya dran Sodom, shounenn o lab o baro Deblestar! T'mer menshe dran Gomorra, shounenn, hoy kamell maro Devel t'menge te penell!

1. Rajengro liil 21:26

Leskro djoungleder koova his, te nashas lo i moule deblenge palla, yaake har kran kova i Amorarya, kolen tradas o baro Devel glan i Israelitaryen krik.

1. Mose 15:16

Oun pal star menshengro phourepen venna tire menshe kate pale. Koy doosh kolendar, kay kanna kate djivenn – kolla hi i Amorarya – hi kanna gar bares doha, te tradap len vin.”

1. Johanni 3:10

Hakeno, kay gar kova krella, hoy hi čačo glan o Debleskre yaka, kova hi gar o Deblestar. Vitar gar hi kova o Deblestar, kay peskro phrales gar o djiyestar kamella. Ap kova dikell hakeno, koon o Debleskre čave hi, oun koon o bengeskre čave hi.

Esra 9:1

Har kova halauter kerdo his, van i pralstoune pash mande oun penan: “I menshe dran Israel, i rashaya oun i Levitarya rikran pen gar pale i vavar menshendar, kay djivenn an kava them: kol Kanaanitarya, Hetarya, Perisarya, Yebousarya, Ammonarya, Moabarya, Egiptarya oun Amorarya. i Israelitarya krenn yaake djoungelo koova har kolla.

5. Mose 7:1

T'maro baro Devel anell t'men an ko them, hoy t'maro vell. Oun yob tradell boud menshen glan t'mende vin: I Hetarya oun i Girgasharya oun i Amorarya oun i Kanaanitarya oun i Perisarya oun i Hivarya oun i Yebousarya. Kolla hi efta natsyone, kay hi bareder oun zorleder har t'mer.

1. Mose 11:29

O Abram romedineras i Saray. Oun o Nahor romedineras i Milka, kolakro dad o Haran his. Koles his kol douy ča, i Milka oun i Yiska.

Efesarja 2:3

His i tsiro, kay djivam mer halauter har yon, oun kram o čilačepen, hoy an mende hi. Mer kram, hoy mer kamam, oun hoy menge an o shero vas. Oun o Debleskri rholi his ninna pral mende har pral kol vavar menshende.

Mateo 11:24

Me penau t'menge: Ap ko dives, kay rakrell o Devel o čačepen pral i tsele menshende vin, lenn t'mer i bareder phagi, har kol menshe an o foro Sodom.

Mateo 3:7

Ninna boud Farisarya oun Sadducarya van pash leste, te moukenn le pen lestar te taufrell. Har yob kolen dikas, penas lo ap lende: “T'mer čilače sapa! T'mer nay nashenn gar krik glan o Debleskri rholi, hoy vella pral i menshende.

2. Rajengro liil 21:11

O Manasse, ko baro ray pral o them Youda, kras baro čilačepen, hoy djoungleder hi har lauter, hoy i Amorarya kran, kay glan leste djivan. Oun yob anas ninna i menshen dran o them Youda ap i čilačo drom peskre tsele moule deblentsa.

Josua 24:14

Oun o Yosua penas doureder: “Pash halauter, hoy krenn, rikrenn t'menge o baro Debles glan i yaka! Mangenn les an i djoudjo oun čačo djiyeha! Čivenn i rhorhene deblen krik, kolen t'mare phoure an-mangan, har his le ap i vavar rig o panyestar Eufrat oun an o them Egiptia. Mangenn kokres o baro Debles an!

1. Mose 11:25

Koy pal, har o Tera boldo vas, djivas o Nahor 119 (sheel-te-deesh-te-enya) bersha. Oun lestar van čave oun ča bolde.

Josua 13:4

oun ko tselo them, kay i Kanaanitarya djivenn, foun o foro Meara, kay i Sidonarya djivenn, bis pash o foro Afek oun bis ap ko them Amor;

Jesaja 43:27

Tiro phouro dad, kolendar t'mer lauter van, ninna kova las doosh ap peste, oun tire rakepangre phagan mantsa.

Ezekiel 16:2

Tou mensho, rike i menshenge an o foro Yerusalem glan i yaka, havo djoungelo koova yon kran!

Ezekiel 16:4

Ap ko dives, har tou boldo val, his kova yaake: Kek činas koy dori tele, kolah ap tiri date pandlo hals. Vitar kek thovas tout an pani tele, oun makas tout o loneha tele. Kek čivas pherne troul toute.