Ezekiel 16:13 - O Debleskro Lab 2024 (Sinte-Manouche)

¹³ Oun yaake val tou shoukar kerdo o sonakayeha oun roupeha. Oun tire koola his dran kouč layntikro than oun dran phar. Oun tout his rayle ripya kerdo an shoukar soubyakri boudi. Oun tou rhal o rhapen dran lačo yarro, gvin oun djet. Oun tou hals i shoukapen oun val i rayetsa.

O Debleskro Drom 2021 (Sinte)

¹³ Un jaake wal tu shukar kerdo o sonakajeha un rupeha. Un tire koola his dran kutch laintikro than un dran phar. Un tut his raile ripja kerdo an shukar subjakri budi. Un tu chal o chapen dran latcho jarro, gwin un djet. Un tu hals i shukapen un wal i rajetsa.

Ezekiel 16:13 Referans Kwoze

Debleskri gili 50:2

Ap i berga Sion, an o shoukeder foro, sikras pes o Devel an peskro raylepen.

Debleskri gili 48:2

O baro Devel, zorelo hi lo! Maro Devel, moldo hi lo, te sharas les an peskro foro, hoy hi pral ap koy berga, kay yob djivella.

Hosea 2:5

Te krell li kova gar, palle rivau lat vin, te hi li nanges čiddo, har ap ko dives, kay li boldo vas. Oun krau, te vell o them i moulo them, kay kek pani hi, kay hounte merell li i troushatar.

Ezekiel 16:19

Oun kova hoy dom me tout te rhal, ko lačo yarro, djet oun gvin čival tou glan lende, te dikenn le lačes ap toute. Ava, yaake dour djal tou, penell o baro Devel, maro ray.

Ropaskre gilja 2:15

Halauter, kay djan ap o drom, oun dikenn tout, denn i vasta khetne pral o shero, denn shol, oun čivenn o shero ap i rig, oun san pral kova, hoy toutar pral ačas, Yerusalem: “Hi kava kau foro, pral koleste penlo vas: Kek foro hi shoukeder har kava! I tseli phoub dikell barhteles ap leste.”

Jeremia 13:20

Yerusalem, dik hoy vella! Kourepangre venna kotar, kay norden hi! Hoy vell kanna dran kol forya an Youda? Tou hals lenge har i bakrengro, oun i menshe koy dren har tire bakre, kolentsa sharal tout.

Jesaja 64:11

Baro Devel, kameh tout pash kava lauter kanna gomme pale rikrell? Kameh tou či penell, oun mari ladj gomme doureder oun bareder te krell?

Debleskri gili 147:14

Kek kourepen vell an t'maro them, oun o lačeder djob dell lo t'men te rhal.

Debleskri gili 81:16

Kolla, kay pen ap o baro Debleste rhoyrenn, hounte vitsrens pen tele glan leste. Lengri phagi ačals hako tsireske.

Esra 5:11

Oun kova hi, hoy yon menge penan: “Mer ham i boudepangre o Deblestar, kay kras o bolepen oun i phoub, oun čivah kava kheer pale pre, kay glan boud bersha kate tardo his, oun koles i baro zorelo ray dran o them Israel moukas pre te čivell. Yaake his ko kheer shoukar koy tardo.

Esra 4:20

Ninna his zorele bare raya an o foro Yerusalem, kay his i raya pral halauter, hoy ap i vavar rig o panyestar Eufrat djivella, yaake kay vas lenge hounte themeskre love dino, ninna foreskre love oun vavar koova.

2. Samuel 8:15

Yaake his o David baro ray pral o tselo them Israel, oun kras, te lell hakeno peskro čačepen.

1. Samuel 12:12

Har t'mer dikan, te djal o ray pral i Ammonarya, o Nahash vin, te kourell lo pes t'mentsa, penan t'mer mange: “Mer kamah i baro rayes pral mende”, har te vals o baro Devel gar t'maro baro ray.

1. Samuel 10:1

Oun o Samuel las o khoro, kay o kouč djet dren hi, oun čoras les pral o Sauleskro shero. Oun yob čoumras les oun penas: “Ko djet sikrella, te čivas tout o baro Devel pral peskre menshende, te vess lengro ray.

5. Mose 8:8

An kava them vell gib oun djob bares, ninna drake, fayge, granatikre phabya. Djeteskre rouka oun gvin dell kote ninna.

1. Mose 17:6

Me dau tout yaake boud čaven, kay pal toute venna, te venn lendar natsyone. Ninna bare raya venna toutar.

Ezekiel 16:10

Oun me rivom tout an rayle ripya, kay shoukar koova dren sido his, oun čivom kirrha dran lačo ledera ap tire pire, oun i pandepen dran kouč layntikro than ap tiro shero. Oun i baya dran phar čivom troul toute.

Ezekiel 16:17

Oun tou lal ko kouč koova dran sonakay oun roup, hoy me tout dom, oun kral touke figure lestar, oun mangal len an, oun rhorhral man yaake lentsa.

Ezekiel 23:40

Ninna bičran le bičepangre pash vavar morshende, te venn yon dran dour themma pash lende. Oun, ava, yon van! Oun lenge thovan t'men, oun kran t'mare yaka shoukar, oun čivan sonakay ap t'mende.

Ezekiel 27:16

Tout hi boud koova bikepaske. I Edomarya, kay toutar ginan, dan tout koleske: kouč lolo than, kotya than kerdo an shoukar soubyengri boudi, lačo layntikro than, shoukar kouč zenele oun lole barra, hoy van hatslo an i phoub oun an o pani.

Hiob 29:6

har dan mire groumya oun bouzya boudeder har doha thoud, oun mire djeteskre rouka yaake boud djet dan, te nashas lo har pani vin dran o bar, kay van i djeteskre drake tiknes kerdo!