Ezekiel 15:6 - O Debleskro Lab 2024 (Sinte-Manouche)

⁶ Doleske penell o baro Devel, maro ray: Yaake har krom, te hi o drakengro kasht či vavareske moldo, har te vell lo rhačedo, yaake krau ninna kolentsa, kay djivenn an o foro Yerusalem.

O Debleskro Drom 2021 (Sinte)

⁶ Doleske penell o baro Dewel, maro rai: Jaake har krom, te hi o drakengro kasht tchi wawareske moldo, har te well lo chatchedo, jaake krau ninna kolentsa, kai djiwenn an o foro Jerusalem.

Ezekiel 15:6 Referans Kwoze

Zakarie 1:6

Kol laba, hoy yon, mire boudepangre, t'mare phourenge penan, tapran len. Koy moukan le pengro čilačo drom, oun penan: Kova, hoy o baro Devel, ko ray pral o bolepen oun i phoub, mentsa kras, hi i phagi maro čilačo djipaske oun ko čilačo koova, hoy kram, yaake har penas lo.

Ezekiel 15:2

Tou, mensho, pen mange: Hi o kasht i drakengro roukestar feteder har o vavar kasht dran o veesh?

Jeremia 25:18

Kolla his i menshe pengre bare rayentsa oun pralstunentsa an o foro Yerusalem oun an kol vavar forya an o them Youda. Yon hounte piyenn, te venn le khetne dino oun paash kerdo, yaake te denn i vavar menshe i vasta khetne pral o shero oun rakrenn lendar har praasede menshendar.

Jeremia 21:7

Oun koy pal dau me o Sedekya, ko baro rayes pral Youda, an kol vasta o baro rayestar pral Babilonia, o Neboukadnezar, ninna leskre pralstunen oun kol menshen kate an kava foro, kolla, kay gar meran ap o nasslepen, an o kourepen oun i bokatar. Kova penau me, o baro Devel. Me dau t'men an i vasta kolendar, kay kamenn t'men te marell. O Neboukadnezar moukell t'men lauteren o rhareha moulo te dell, oun les khaytell kova gar, oun yob krell peskro dji t'menge pandlo.

Jeremia 7:20

Doleske penell o baro Devel, maro ray: Miri bari rholi vell pral kava foro, pral i menshende oun pral i firhende, pral kol rouka an o veesh oun pral ko djob an kava them. Miri rholi hi har i yag, hoy kek nay krell vin.

Jeremia 4:7

I marepaskro, hoy marell i menshen an boud themma, stas pre. Har i levo, hoy vell dran o veesh, kras lo pes ap o drom, te dell yob t'maro them paash oun rhačrell t'mare forya yaake, kay nay djivell kek koy dren.

Ezekiel 15:4

Na-a, i drakengro kasht vell an i yag vitsedo, te vell lo rhačedo. Te rhačras o glanstouno kotar oun o palstouno kotar lestar oun kova mashkral hi an-rhačedo, hi lo gomme čomone moldo?

Ezekiel 15:5

Na-a! Har his ko kasht gomme tseles, nay kras kek čomone lestar. Kanna, kay hi lo rhačedo, hi lo boudeder či-moldo.

Ezekiel 15:7

Me dikau čilačes ap lende, oun dau len pengri phagi: Bis kanna van le dran i yag vin. Kanna vell i yag pral lende, oun rhačrenn len pre. Koy pre dikenn oun hayvenn t'mer, te hom me o baro Devel.

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.