Ezekiel 14:5 - O Debleskro Lab 2024 (Sinte-Manouche)

⁵ Yaake krau, te krenn i Israelitarya pengre djia pale mange pre, yon, kay moukan miro drom oun mangenn vavar deblen an.

O Debleskro Drom 2021 (Sinte)

⁵ Jaake krau, te krenn i Israelitarja pengre djia pale mange pre, jon, kai mukan miro drom un mangenn wawar deblen an.

Ezekiel 14:5 Referans Kwoze

Jesaja 1:4

T'menge djal djoungelo, t'mer čilače menshe, kay anan yaake boud doosh ap t'mende! T'mer han bede, čave, kay molenn či! T'mer moukan o baro Debles, kamenn či bouder te djinell o Israeleskro Deblestar, kay kokres o Devel hi, oun sikran leske t'maro doumo.

Zakarie 11:8

Oun an yek čon krom me, te hounte djan penge kol triin vavar bakrengre. Me nay dikom len bouder gar glan i yaka. Oun yon his rhoyedo ap mande.

Hebrearja 3:12

Mire phrala, denn yak ap t'mare djia, te moukell kek t'mendar peskro patsepen, oun kamell o djido Deblestar bouder či te djinell.

Kolossarja 1:21

Ninna t'men anas o Devel pash peste. Glan i rah tsiro djivan t'mer dour lestar, kran čilačo koova, oun kaman o Debles gar.

Efesarja 4:18

O Deblestar kamenn le či te djinell. Lengro dji hi har i bar. Yaake djan le ap i čilačo drom, oun prindjrenn ko djipen gar, hoy o Devel della.

Galatarja 6:7

Ma patsenn, te krenn nay o Debleha, har t'mer kamenna! T'mer te krenn lačo koova, lenn t'mer lačo koova pale pale. T'mer te krenn čilačo koova, lenn t'mer čilačo koova pale pale.

Remarja 8:7

Koon kamell yaake te djivell, har yob kamella, kova kamell gar o Debles. Yob shounell gar ap kova, hoy o Devel penella. Yob nay krell les vitar gar.

Remarja 1:30

oun rakrenn rhorhepen pral lende. Yon praasenn o Debles oun i menshen, oun hadenn pen pre oun hi sharedo. Yon rodenn, har te krenn le o čilačepen. Yon shounenn gar ap pengro dadeste oun ap pengri date.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

Hosea 10:2

Lengre djia hi pherdo rhorhepen. Kanna vell lengri doosh pral lende. Lengre altare venn khetne phagedo, oun kol pre-čidde bare barra venn tele dino.

Jeremia 2:5

Kova penell o baro Devel: Havo djoungelo koova hatsan t'mare phoure ap mande, kay djan yon mandar krik, oun mangan figuren an, kay kek devel hi. Oun yaake djan le tele.

Jeremia 17:10

Me, o baro Devel prindjrau o mensheskro dji, oun dikau dour dren an kova, hoy an leste hi, oun dau hakeneste pal kova, hoy yob kras.