Ezekiel 13:15 - O Debleskro Lab 2024 (Sinte-Manouche)

¹⁵ Te vas miri tseli rholi ap koy massouri oun ap kolende, kay kran lat parno, penau ap t'mende: Koy massouri hi bouder gar koy, vitar gar kolla, kay lat parnes makan.

O Debleskro Drom 2021 (Sinte)

¹⁵ Te was miri tseli choli ap koi massuri un ap kolende, kai kran lat parno, penau ap tumende: Koi massuri hi buder gar koi, witar gar kolla, kai lat parnes makan.

Ezekiel 13:15 Referans Kwoze

Jesaja 30:13

Kay doosh hi har i phagepen an i kheer. Ko kheer hi bouder gar zoreles tardo, oun ap yek kopo perell lo khetne. Oun kek patsas te vell kova yaake.

Debleskri gili 62:3

Yob hi mange har i baro zorelo kheer ap i barreskri berga, kay man khatrau, oun yob ap mande yak della, yaake te perap gar.

Nehemia 4:3

Kote mangam maro Debles an, oun čivam morshen pre, kay yak hounte dan ap o dives oun an i rat, kaana yon vans.

2. Mose 2:3

Har khatras li les nay bouder gar, kras yoy i tikni korba, makas i korba mit čomone dren, kay djal kek pani dren, oun čivas lakro ternepen koy dren, las koy korba, čivas les mank ko baro panyeskro khass pash o pani Nil.

Hiob 13:4

T'mer čakrenn o čačepen o rhorhepah, han dramangre, kay či-moldo hi, – t'mer halauter.

Ezekiel 13:14

Yaake phagau koy massouri tele, hoy t'mer parnes makan. Me moukau lat trouyel te vitsrell, te venn lakre telstoune barra diklo. Te perell li khetne, perenn i barra ap t'mende, oun t'mer merenn. Oun t'mer dikenn oun hayvenn, te hom me o baro Devel.

Ezekiel 13:16

Kolla hi i rakepangre an o them Israel, kay dan glan, te vals len i lab o Deblestar oun penan i menshenge an Yerusalem glan-vi “lauter hi mishto”, ninna te hi či mishto. Kova penau me, o baro Devel, t'maro ray.

Jeremia 14:15

Kova hi, hoy me, o baro Devel, krau ap kol rakepangre, kay penenn, te rakrenn le an miro lab, ninna te bičrom len gar. Yon penenn ninna, te vell kek kourepen oun kek bok an kava them. Save rakepangre hounte merenn an o kourepen oun i bokatar.