Ezekiel 13:13 - O Debleskro Lab 2024 (Sinte-Manouche)

¹³ Kava penell o baro Devel, maro ray: An miri tati rholi moukau me i zorelo dourho vin te phagell, oun i zorelo brishin te vell, oun brishineskre barra te perell, te vell i massouri paash dino.

O Debleskro Drom 2021 (Sinte)

¹³ Kawa penell o baro Dewel, maro rai: An miri tati choli mukau me i sorelo ducho win te phagell, un i sorelo brishin te well, un brishineskre barra te perell, te well i massuri paash dino.

Ezekiel 13:13 Referans Kwoze

Jesaja 30:30

Palle moukell o baro Devel peskri bari zoreli gole te shounell, oun i menshe dikenna, har leskri moussi tele dell an i rholi. Kote hi yag, hoy troul peste rhal, oun baro zorelo brishin, oun i zorelo phourdepen oun brishineskre barra.

Debleskro tsiro 16:21

Oun das brishin har bare barra. Kolla his yaake pharo har i mensho, oun peran tele dran o bolepen ap i menshende. Har i menshe savi bari phagi lan, praasan le o Debles.

Debleskro tsiro 11:19

Oun o Debleskro kheer an o bolepen vas pre kerdo. Oun an o Debleskro kheer dikom me ko sonakaskro morhton, hoy sikrella, kay o Devel o maal peskre menshendar hi. Oun i yag das karye dran o bolepen pre te tele. Oun o bolepen das bari gole, har koy gole, hoy o bolepen della, te dell baro brishin oun te djal yag tele dran o bolepen. Oun i phoub trissas, oun das brishin har bare barra.

Debleskri gili 148:8

yag, brishineskre barra, gib oun yagakro dourho, oun o zorelo phourdepen, hoy krell, hoy yob penell.

Debleskro tsiro 8:7

Oun o glanstouno phourdas an peskri phourdepaskri. Koy das brishin, hoy his har barra, oun yag o rateha mashkral ap i phoub. Oun o triinto kotar i tseli phoubyatar rhačras, oun o triinto kotar i tsele roukendar rhačras, ninna o tselo zenlepen.

Haggai 2:17

Me rikrom o brishin pale, t'maro djob meras tele, brishineskre barra moukom ap t'mari harhetikri phoub te perell. Pal ko tselo koova van t'mer gar pale pash mande, oun mangan t'men gar tele pash mande.

Jona 1:4

Kote moukas o baro Devel i zorelo phourdepen pral o baro pani te vell, hoy yaake zorelo his, te kamas ko shiffo khetne te phagell.

Jeremia 23:19

Shounenn: O baro Debleskri rholi vell yaake pral t'mende, har i baro dourho pral i phoub phourdell. I zorelo phourdepen djal tele ap i sherya i čilačendar.

Debleskri gili 107:25

Yob rakras, oun i zorelo dourho phourdas, hoy o pani pral oun tele das.

Debleskri gili 105:32

Har dikan i Egiptarya ap brishin, bičras lo lenge barrengro brishin an lengro them, ninna yag, hoy pral oun tele djas ap o bolepen.

3. Mose 26:28

palle djau me an rholi ap t'mende, oun dau t'men i phagi hoy hi efta kope phareder har kaya, hoy bis kanna ap t'mende vas.

Hiob 38:22

Val tou yaake dour, kay garau o gib pre? Dikal, kay rikrau i brishineskre barra i tsireske hoy vella?

Ezekiel 1:4

Oun me dikom i baro zorelo phourdepen, hoy vas foun kotar kay norden hi, oun tradas i bari folka glan peste. Oun yag vas vin, hoy pre oun tele djas. Oun o bolepen koy trouyel his shoukar har o kham. Oun mashkral dren his čomone, hoy dikas vin har sonakay, hoy an i yag thodo vell.

Ezekiel 13:12

Koy perell koy massouri khetne. Palle poučenn le t'mendar: Kay hi ko shoukar parnepen, hoy makan ap koy massouri?

Hiob 38:23

Kolla rikrau pale ko tsireske, kay douka, kourepen oun marepen venna.

Ropaskre gilja 2:1

Ah, o baro Debleskri rholi hi čiddo ap o foro Sion har i kali rati! Yerusalem, hoy sharedo vas bis an o bolepen, vas tele vitsedo ap i phoub. Ap ko dives, kay leskri rholi pral i berga Sion vas, his leske či, te his o foro i banko peskre pirenge.

Ropaskre gilja 2:3

An peskri zoreli rholi phagas lo halauter tele, hoy o themes Israel zorelo kras. Har i lourde dran vavar themma van, tserdas lo peskro čačo vast mendar pale. Oun o Yakobeskro them kras lo paash, yaake har i bari yag halauter pre rhačrella.

Ropaskre gilja 2:4

Yob rikras peskro bogo, oun las i faylo an peskro čačo vast, har yek, kay kourell pes mentsa. Oun har i kourepaskro maras lo halauteren, kay menge kamlo oun kouč his. Oun leskri rholi vas pral mende har i zoreli yag.