Biblia Todo Logo
Bib sou entènèt

- Piblisite -




Ezekiel 12:16 - O Debleskro Lab 2024 (Sinte-Manouche)

16 O rharo, i bok oun i pharo nasslepen marenn boud lendar. Gar boud lendar moukau djido. Kolla nay penenn kol menshenge, pash lende yon djivenn, havo djoungelo koova i Israelitarya kran. Yaake dikenn oun hayvenn kolla ninna, te hom me o baro Devel.

Gade chapit la Kopi

O Debleskro Drom 2021 (Sinte)

16 O charo, i bok un i pharo nasslepen marenn bud lendar. Gar bud lendar mukau djido. Kolla nai penenn kol menshenge, pash lende jon djiwenn, hawo djungelo koowa i Israelitarja kran. Jaake dikenn un haiwenn kolla ninna, te hom me o baro Dewel.

Gade chapit la Kopi




Ezekiel 12:16
28 Referans Kwoze  

O baro Devel penas: Ninna te vell kay tseli phoub har i moulo them, kamau gar lauter paash te krell.


Te moukals o baro Devel, ko ray pral o bolepen oun i phoub, gar mendar pral, djals menge har i foryenge Sodom oun Gomorra.


Pral i Israelitarya rakras o Debleskro rakepaskro, o Yesaya, kol laba: Ninna te vans i Israelitarya yaake boud har i tikne barra pash o baro pani, kol boudendar ačella yek vast pherdo pral, oun vell dran o Debleskri rholi vin.


Te krals o Devel o čilačo tsiro gar tikneder, palle vals kek mensho dran o čilačo tsiro vin. Kolen, kay o Devel peske vin rodas, kolenge krell lo o čilačo tsiro tikneder.


Tikno hi ko voudar oun gar bourhlo hi ko drom, kay i menshe hatsenn o djipen. Oun gar boud hi kolla, kay ap ko drom djana.


Oun palle vell t'menge an o shero, har čilačo kova his, hoy kran oun har djivan. Oun ko tselo čilačo koova, hoy kran, oun har i rhorhene deblen an-mangan, vell t'menge čadepaske.


Me, o baro Devel, hom pash t'mende, te vap ap t'mari rig. Kol natsyone, mank kolende tradom t'men, kolla hounte djan tele. T'mer djan gar tele. T'mende dau i phagi har t'menge mishto hi. Kek daventsa nay moukau t'men gar. Vals gar mishto, te dap t'men kek phagi.


I menshentsa an i themma djal yaake har an ko tsiro vin dikell, kay van i drake i djeteskre roukendar oun i molyakre roukendar tele dino. Oun kokres i vast pherdo ačenn ap i rouka.


Ninna te vans i Israelitarya yaake boud har i santa pash o baro pani, gar boud lendar ačenn pral, oun venn pale pale ap o Debleskro drom. O merepen vell boudenge. Kova hi i vi-kerdo koova. Yaake vell o čačepen kerdo.


I tsele veshendar ačell kokres i vast pherde rouka pral. Har boud kolla hi, nay činell i tikno čavo pre.


Ninna te ačell o deshto kotar gomme koy, djal lenge har i tikne kashta, kay venn dran i tele-dino rouk. I yag rhačrell len pre. Ko telstouno kotar o roukestar ačell. Oun dran leste vell nevo djipen, hoy hi o Debleske koy.


Oun me dau tout boud čaven, kay pal toute venna, – yaake boud har i čik ap i phoub. Kek mensho nay djinell, har boud čik ap i phoub hi. Yaake djinell nay kek, kitse menshe toutar venna.


Glan o foro hi kol lourde, kay kamenn i Israelitaryen te marell. An o foro hi i pharo nasslepen oun bok. Koon vin glan o foro hi, kova vell o rhareha maredo. Oun koon an o foro dren hi, merell ap o pharo nasslepen oun i bokatar.


Palle, te tradom len an vavar themma oun mank vavar menshende, dikenn oun hayvenn le, te hom me o baro Devel.


Oun o baro Devel penas ap mande:


Oun kanna penell o baro Devel, maro ray: Ap ko tsiro, kay bičrau star phare dava pral ko foro Yerusalem – kourepen, bok, divye firhe oun pharo nasslepen, – te merenn i menshe oun firhe koy dren,


An havo them, kay le ninna van, vas lendar penlo: “I menshe o baro Deblestar hi kalla, oun hounte djan penge dran leskro them.” Yaake anan le ladj ap miro lačo lab.


Ma de len moulo, te bistrenn kova mire menshe gar! Trade len tiri zoryah, te nashenn le kate te kote! Stake len tele, tou, kay rikreh tiro vast pral mende.


Swiv nou:

Piblisite


Piblisite