Ezekiel 12:11 - O Debleskro Lab 2024 (Sinte-Manouche)

¹¹ Ap kova, hoy krom, nay dikenn le, har lenge djal. Me hom lenge i sikepen: Yon hounte djan penge oun venn pandles krik anlo.

O Debleskro Drom 2021 (Sinte)

¹¹ Ap kowa, hoi krom, nai dikenn le, har lenge djal. Me hom lenge i sikepen: Jon hunte djan penge un wenn pandles krik anlo.

Ezekiel 12:11 Referans Kwoze

Jeremia 52:15

Oun kol menshe, kay pral ačan an o foro Yerusalem, kolen anas o Nebouzaradan pandles an o them Babilonia. Mank lende his čorvele, ninna kolla, kay dan pen an o vast o baro rayestar pral o them Babilonia, oun save, kay pral ačan kol boudepangre menshendar, kay glan i tsiro koy djivan.

Jeremia 15:2

Oun te poučenn yon toutar: Kay djas mer, pen lenge: O baro Devel penell: Ap koneste o merepen vella, ap koleste vell lo. Koon moulo dino vella i rhareha, kova vell moulo dino. Pral koneste i bok vella, kova merella i bokatar. Koon pandlo vella, kova vell pandlo.

Ezekiel 12:6

Glan lengre yaka le halauter ap tiri phik! Oun har tamlo vas, dja vin! Oun čip i diklo troul tire yaka, yaake te dikess gar o them, hoy moukeh. Kamau, te vess i sikepen i Israelenge, hoy sikrell lende, har dau len trad.

Ezekiel 4:3

Oun le touke i bobeskro saster, oun čip les pre mank toute oun o foro, har te vals lo i massouri! Oun palle dik ap o foro, oun kre yaake, har te pandals les dren. Kova hi i sikepen i Israelenge, hoy sikrell lende, hoy pral lende vella.

Ezekiel 12:3

Tou mensho, le tire koola khetne, har te vals yek, kay hounte djal an o pandepen. Oun kre tout pral o dives ap o drom, te nay dikenn kova halauter. Glan lengre yaka djas tou kote vin, kay khere hals, oun djas ap i vavar platsa. Yaake te nay vals, te djal lenge i yaka pre – kolenge, kay moukenn pen či te penell.

Zakarie 3:8

Shoun kanna, Yeshoua, tou baro rashay: Tou oun tire phrala, kay glan toute beshdo hi, t'mer han i sikepen, hoy o baro Devel kamell te krell an o tsiro, hoy vella: Me bičrau miro boudepaskres, kay kharell nevo rouk.

2. Rajengro liil 25:7

Oun leskre morsh čaven maran le kote glan leskre yaka. Oun leske van i yaka vin dino. Oun yon pandan les sasterne shellentsa oun anan les an o them Babilonia.

2. Rajengro liil 25:11

Oun kol menshen, kay pral ačan an o foro Yerusalem, anas o Nebousaradan pandles krik an o them Babilonia, ninna kolla, kay dan pen an o vast o baro rayestar pral o them Babilonia, khetne kolentsa, kay pral ačan kol boudendar, kay glan i tsiro koy djivan.

Jeremia 10:17

Le tiro koova khetne, Yerusalem! I lourde hi troul toute tardo ap hake rigya.

Ezekiel 4:1

Tou, mensho, le i bar dran rhačedi čik, oun čip les glan toute, čin dren, har o foro Yerusalem vin dikell!