Ezekiel 12:10 - O Debleskro Lab 2024 (Sinte-Manouche)

¹⁰ Pen lenge: O baro Devel, miro ray, rakras mantsa. Kova hoy lo mange penas, te penap t'menge doureder, hi i pralstunenge an o foro Yerusalem oun i tsele Israelenge, kay kote djivenn.

O Debleskro Drom 2021 (Sinte)

¹⁰ Pen lenge: O baro Dewel, miro rai, rakras mantsa. Kowa hoi lo mange penas, te penap tumenge dureder, hi i pralstunenge an o foro Jerusalem un i tsele Israelenge, kai kote djiwenn.

Ezekiel 12:10 Referans Kwoze

Jesaja 13:1

Kava hi, hoy sikras o Devel o Yesayes pral o foro Babilon. O Yesaya hi o čavo o morshestar Amoz.

2. Rajengro liil 9:25

O Yehou penas ap peskro lourdeste, o Bidkar: “Le les pre oun vitse les ap ko kotar them, hoy his ko morshes Nabot dran Yesreel! Mange vas an o shero, hoy o baro Devel ap o Yorameskro dad, o Ahab, penas, har ouleram mer douy ap i vourdin pal leste.

Maleachi 1:1

Kava hi o lab, hoy penas o baro Devel ap peskro rakepaskro, o Malachie, te penell yob kova doureder ap i Israelitarya.

Ezekiel 7:27

O baro ray rovell, oun i pralstoune darenn pengro djipaske. Hakeno an o them trissell i daryatar. Me krau lentsa pal kova har yon kran. Oun yaake har kran yon o čačepen vin pral i vavarende, yaake krau me o čačepen vin pral lende. Palle dikenn oun hayvenn le, te hom me o baro Devel.

Jeremia 38:18

Te djah tou gar vin pash o pralstunende o baro rayestar dran o them Babilonia, palle dau kava foro an lengro vast. Oun yon rhačrenn kava fores pre. Oun tou nay nasheh vitar gar lendar krik.

Jeremia 24:8

O baro ray Sedekya dran o them Youda oun kol pralstoune, kay leske boudrenn, oun kol tsele menshe, kay pral ačan an o foro Yerusalem oun an o them Youda, ninna kolla, kay nashan penge an o them Egiptia, kolentsa lauterentsa krau me yaake har kol djoungele faygentsa, hoy yaake djoungele hi, te nay rhal len kek. Kova penau me, o baro Devel.

Jeremia 21:7

Oun koy pal dau me o Sedekya, ko baro rayes pral Youda, an kol vasta o baro rayestar pral Babilonia, o Neboukadnezar, ninna leskre pralstunen oun kol menshen kate an kava foro, kolla, kay gar meran ap o nasslepen, an o kourepen oun i bokatar. Kova penau me, o baro Devel. Me dau t'men an i vasta kolendar, kay kamenn t'men te marell. O Neboukadnezar moukell t'men lauteren o rhareha moulo te dell, oun les khaytell kova gar, oun yob krell peskro dji t'menge pandlo.

Jesaja 14:28

Kava hi, hoy sikras o Devel o Yesayes an ko bersh, kay o baro ray Ahas meras.

Ezekiel 12:3

Tou mensho, le tire koola khetne, har te vals yek, kay hounte djal an o pandepen. Oun kre tout pral o dives ap o drom, te nay dikenn kova halauter. Glan lengre yaka djas tou kote vin, kay khere hals, oun djas ap i vavar platsa. Yaake te nay vals, te djal lenge i yaka pre – kolenge, kay moukenn pen či te penell.

Ezekiel 21:30

Tou čilačo ray pral Israel, tou pale-čiddo! Tiro dives vas! Tiri doosh hi yaake baro, te vas ko tsiro, kay leh tiri phagi.