Biblia Todo Logo
Bib sou entènèt

- Piblisite -




Ezekiel 11:5 - O Debleskro Lab 2024 (Sinte-Manouche)

5 Oun o dourho o baro Deblestar vas ap mande, oun penas ap mande: Pen i menshenge an Israel: Kava penell o baro Devel: Djinau t'maro rakepen. Oun kova, hoy an t'maro shero trouyel djal, prindjrau me ninna.

Gade chapit la Kopi

O Debleskro Drom 2021 (Sinte)

5 Un o ducho o baro Deblestar was ap mande, un penas ap mande: Pen i menshenge an Israel: Kawa penell o baro Dewel: Djinau tumaro rakepen. Un kowa, hoi an tumaro shero trujel djal, prindjrau me ninna.

Gade chapit la Kopi




Ezekiel 11:5
33 Referans Kwoze  

Me, o baro Devel prindjrau o mensheskro dji, oun dikau dour dren an kova, hoy an leste hi, oun dau hakeneste pal kova, hoy yob kras.


Oun har yob mantsa rakras, vas o Debleskri zoor an mande, oun hadas man pre. Oun kova, kay mantsa rakras, penas:


Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.


O Devel dikella lauter. Či an mende hi khatedo glan leskre yaka. Lauter hi pre čakedo glan leste. Oun leske hounte penas mer halauter, hoy kram.


Pen leske: Kava penell o baro Devel, maro ray: Tou Farao, baro ray pral Egiptia, kanna sikrau les touke! Tou hal har i baro čilačo firho čiddo an tire bare lengste panya, oun peneh: “Ko baro lengsto pani hi miro. Mange krom les.”


Tou mensho, pen ap o rayeste pral o foro Tirus: Kava penell o baro Devel, maro ray: Tiro dji hadas pes oun penas: “Me hom i devel! Oun hom beshdo ap i debleskri beshepaskri mashkral dren an baro pani!” Ninna te kreh, har te vals i devel, hal či har i mensho!


An o shobto bersh, ap o pančto dives an o shobto čon homs beshdo an miro kheer. Oun i phoureder kolendar, kay van dran o them Youda pandles anlo an o them Babilonia, his glan mande beshdo. Kote peras i zoor o baro Deblestar, miro rayestar, ap mande.


Ap ko tsiro kay rakrau pale touha, krau me tiro mouy pre. Oun tou peness palle ap lende: Kava penell o baro Devel, maro ray … Koon kamell te shounell, kova shounell ap toute. Koon kamell gar te shounell, kova shounell gar ap toute. Yon hi menshe, kay moukenn pen či te penell.


Kote vas i zoor o Deblestar an mande dren, oun čivas man ap mire herya. Oun o baro Devel penas ap mande: Tou mensho, dja an tiro kheer oun pande tout dren!


Dja pash i menshende dran tiro them, kay pandles krik anlo van an o them Babilonia! Rake ap lende oun pen lenge, hoy me o baro Devel, lengro ray, kamell lenge te penell! Nay vell, te shounenn le. Nay vell, te shounenn le gar.


Pen lenge mire laba! Nay vell, te shounenn le, nay vell, te shounenn le gar. Yon hi menshe, kay moukenn pen či te penell.


Mire yaka dikenn halauter, hoy yon krenna. Yon nay khatrenn pen gar glan mande. Lengri doosh hi glan mire yaka tardo.


De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!


T'mer penan: “Mer kram vin o merepah oun o moulengro themeha, te vas menge či. Ninna te venn i lourde dran vavar themma har i baro zorelo pani pral mende, venn le gar zorleder har mer.” T'mer patsenn, te nay khatrenn t'men pal t'mare rhorhene laba oun pal ko rhorhepen, hoy kran.


Kova kral tou, oun me penom kek lab. Koy rikral tou man har yek, kay hi yaake har tou. Me sikrau tout koy doosh, hoy anal ap toute, oun anau touke tiro čilačo koova glan tire yaka.


Baro Devel, tou hal o baro čačepaskro ray pral i menshende dran i tsele themma. De man miro čačepen! Tou djineh, me hom tardo an o čačepen oun kek doosh hi ap mande.


Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.


Har van le pash Gibea, van Debleskre rakepangre ap o drom pash lende. Oun o Debleskro dourho vas pral leste, yaake te rakras lo lentsa khetne o Debleskro rakepen vin.


Oun o baro Debleskro dourho vell pral toute, oun tou rakreh lentsa khetne o Debleskro rakepen vin. Oun kote veh tou i vavar mensho.


I čip hi har i yag. Lat hi i zoor, te krell li boud čilačo koova. I čip nay krell o tselo menshes djoungeles oun čilačes. Koy yag, hoy i čip krell, rhačrell o tselo djipen, oun vell o bengestar.


Har me, o Petro, lentsa rakrom, peras o Debleskro Dourho ap lende. Kova his yaake har pash mende an o foro Yerusalem, har o Debleskro Dourho ap mende peras.


Har o Petro yaake rakras, peras o Debleskro Dourho ap lauterende, kay les shounan.


O Yezous poučas lestar o triinto kopo: “Simon, tou, o Yohanneskro čavo, kameh tou man o djiyestar?” Koy vas o Petreske ropaske pral kova, kay yob triin kope poučas: Kameh tou man o djiyestar? Oun yob penas: “Ray, tou djineh halauter. Tou djineh, kay me tout kamau o djiyestar.” Penas o Yezous: “De mire bakren te rhal!


O Yezous hayvas, hoy an lengro shero trouyel djas oun penas ap lende: “Hoske djal kova an t'maro shero trouyel?


Koy penom: Baro Devel, tou ray pral o bolepen oun i phoub, djineh, hoy an o mensheskro dji oun shero glan djala. Tou hal i čačepaskro, kay djal pal o čačepen. An tire vasta dau miro koova. Mouk man dikell, har tou len ko čilačepen pale deh, hoy yon kamenn mange te krell.


Hoy vas t'menge an o shero? T'mer penenn: “Mer kamah har i menshe an vavar themma te vell! Mer kamah deblen dran kasht oun bar an te mangell.” Me o baro Devel, t'maro ray, penau: Savo koova te vell kek tsireske! Me dau man sovel pash miro djipen, te ačap i zorelo ray pral t'mende – i ray i zorelo vasteha, oun i pre-hadedi moussyah, oun i baro rholyah.


Swiv nou:

Piblisite


Piblisite