Ezekiel 11:22 - O Debleskro Lab 2024 (Sinte-Manouche)

²² Oun kol bolepangre hadan pengre čirklengre moussya, oun khetne lentsa hadan pen kol rade. Oun o raylepen o Israeleskro Deblestar his pral lende.

O Debleskro Drom 2021 (Sinte)

²² Un kol bolepangre hadan pengre tchirklengre mussja, un khetne lentsa hadan pen kol rade. Un o railepen o Israeleskro Deblestar his pral lende.

Ezekiel 11:22 Referans Kwoze

Ezekiel 10:19

Oun kol bolepangre kran pengre čirklengre moussya bourhlo, oun hadan pen pre i phoubyatar glan mire yaka. Oun har djan le vin, his kol rade ap lengre rigya. Oun i bolepangre čivan pen pash ko voudar o baro Debleskro kherestar, hoy ap koy rig hi, kay o kham pre djal. Oun o raylepen o Israeleskro Deblestar his pral lende.

Ezekiel 1:28

har i brishineskro bogo, hoy vell diklo ap o bolepen pal i brishin. Yaake sikras pes o baro Devel an peskro raylepen mange. Oun har les dikom, moukom man glan leste ap i phoub te perell. Oun me shounom yekes, kay rakras.

Ezekiel 9:3

Oun o raylepen o Israeleskro Deblestar, kay his pral kol star bolepangren, kay kharan Keroubim, hadas pes foun kotar, oun djas pash o kheer, kote kay o voudar hi. Oun o baro Devel das ap ko morsheste gole, koleskre koola dran layntikro than his, oun koles i činepaskri ap peskri rig his,

Ezekiel 10:4

Oun o baro Debleskro raylepen, hoy his pral kol bolepangren, hadas pes foun kotar, oun djas pash o kheer, kote kay o voudar hi. Oun o tselo kheer vas pherdo foun koy folka, oun i glanstouni platsa his pherdo o baro Debleskro raylepen.

Ezekiel 43:2

Oun kote dikom, har vas o raylepen o Israeleskro Deblestar foun kotar, kay o kham pre djal. Khetne ko raylepen vas i gole, har i gole, hoy bare panya denn. Oun dran o raylepen vas i momeli ap o tselo them.