Ezekiel 11:21 - O Debleskro Lab 2024 (Sinte-Manouche)

²¹ Kolla, kay pandan pengro dji ap i rhorhene deblen oun djoungele figuren, kolenge anau lengro čilačepen ap lengre sherya pale. Kava penell o baro Devel, maro ray.

O Debleskro Drom 2021 (Sinte)

²¹ Kolla, kai pandan pengro dji ap i chochene deblen un djungele figuren, kolenge anau lengro tchilatchepen ap lengre sherja pale. Kawa penell o baro Dewel, maro rai.

Ezekiel 11:21 Referans Kwoze

Ezekiel 9:10

Doleske dikau me kek kamlepah ap lende, oun yon khaytenn man gar. Lengro čilačepen anau ap lengre sherya pale.

Sikepaskro 11:9

Terno morsh, mouk tiro dji te givell an tire terne bersha! Ab barhtelo yaake rah, har terno hal. Kre, hoy tiro dji touke penella oun tire yakentsa mishto hi; oun biste gar, te vell i dives, kay rakrell o Devel o čačepen vin pral toute oun halauter, hoy kral.

Ezekiel 22:31

Doleske čorau miri rholi vin pral lende. Miri tati rholi vell pral lende har i yag, oun yon merenn. Yaake anau lengro čilačepen pale ap lengro shero. Kova penell o baro Devel, maro ray.

Ezekiel 11:18

Te venn le kote khere, vitsrenn le kol tsele rhorhene deblen oun djoungele figuren vin dran o them.

Jeremia 1:16

Oun me dau i menshen an Youda i phagi lengro čilačepaske, hoy yon kran. Yon djan krik mandar oun anan firhen vavar deblenge oun mangan kol figuren an, hoy le pengre vastentsa kran.

Judas 1:19

An lengro shero hi phoubyakro koova. Oun an lengro dji hi gar o Debleskro Dourho. Kolla anenn čingepen oun krenn, te rikrenn i patsle bouder gar khetne.

Ezekiel 20:38

Kolen, kay mantsa phagan oun mandar tele peran, čivau ap i rig. Ninna te lau len vin dran kol themma, kay le vi-themarya his, vell kek lendar an o them Israel. Palle dikenn oun hayvenn t'mer, te hom me o baro Devel.

Ezekiel 20:31

Bis ap kava dives rhačrenn t'mer firhen kol rhorhene deblenge, oun krenn t'men yaake pale-čiddo. Ninna rhačrenn lenge t'mare čave. Oun me moukap man t'mendar dran o kheer Israel, te poučell? Pash miro djipen, penell o baro Devel, maro ray, dau man sovel, te moukau man gar t'mendar te poučell!

Ezekiel 16:43

Tou bistral, hoy touke krom, har terno hals. Oun rhoyral man ko tselo koveha, hoy kral. Boud djoungelo koova kral, oun koy pashel kral vi-ladjedo koova. Doleske anau kova lauter, hoy kral, ap tiro shero pale, penell o baro Devel, maro ray.

Jeremia 17:9

Koon nay prindjrell o mensheskro dji? Či hi yaake čilačo oun rhorheno har o mensheskro dji.

Jeremia 2:20

O baro Devel penell: Hako tsiro hadal tout pral mande, oun kamal mange gar palla te djal. Tou penal: Me kamau kek ray pral mande. Oun čival tout koy har i loubni ap i berga tel hako zenelo rouk.

Jeremia 16:11

Palle hounte peness tou lenge: T'mare phoure djan mandar krik, oun nashan vavar deblenge palla. Yon vitsran pen tele glan lende oun mangan len an. Man moukan le oun rikran pen gar ap kol laba, hoy lenge penom.

Jeremia 16:18

Yon lenn mandar pengri tseli phagi lengri doshake oun ko čilačepaske, hoy yon kran. Me moukau lenge či. Yon kran miro them pengre moule deblentsa pale-čiddo. Ko them, hoy mange vin rodom, hi pherdo ko koveha, hoy djoungelo glan mire yaka hi.

Ezekiel 7:4

Me dikau bouder gar lačes ap toute. Man khayteh tou gar. Ko djoungelo koova, hoy kral, vell ap tiro shero pale. Oun tou leh tiri phagi. Oun t'mer dikenn oun hayvenn palle, te hom me o baro Devel.

Ezekiel 20:16

Kova vals i phagi doleske, kay dan le či ap mire čačepaskre laba, oun kran gar, hoy lendar kamom, oun rikran gar o Debleskro dives dren. Na-a, pengre rhorhene deblen nashan le palla!

Ezekiel 7:3

Israel, kanna vell miri rholi pral toute, oun tou djah tele. Me rakrau o čačepen pral toute vin, oun tou leh tiri phagi. Ko tselo djoungelo koova, hoy kral, anau ap tiro shero pale.

Ezekiel 7:8

Sik čorau miri rholi pral t'mende vin. Oun djau rholyah t'mentsa trouyel, bis te miri rholi trouyel hi. Me rakrau o čačepen pral t'mende vin, oun t'mer lenn t'mari phagi. Ko tselo djoungelo koova, hoy kran, anau ap t'mare sherya pale.

Ezekiel 14:3

Tou, mensho, kal morsha rikran ap pengre rhorhene deblen, oun čivan len pre glan pende, kolen, kay anenn len ap o čilačo drom. Hoske moukap man savendar te poučell?