Ezekiel 11:12 - O Debleskro Lab 2024 (Sinte-Manouche)

¹² Oun t'mer dikenn oun hayvenn, te hom me o baro Devel. T'mer kran gar kova, hoy t'mendar kamom. Oun rikran gar ap mire čačepaskre laba. Na-a, t'mer djivan pal i čačepangre laba kol menshendar, kay an i themma troul t'mende djivenna.

O Debleskro Drom 2021 (Sinte)

¹² Un tumer dikenn un haiwenn, te hom me o baro Dewel. Tumer kran gar kowa, hoi tumendar kamom. Un rikran gar ap mire tchatchepaskre laba. Na-a, tumer djiwan pal i tchatchepangre laba kol menshendar, kai an i themma trul tumende djiwenna.

Ezekiel 11:12 Referans Kwoze

Ezekiel 8:10

Oun me djom dren an i isema oun dikom boud djoungele figure an i massurya dren dino: sapa oun vavar djoungele firhe, kolen i menshe dran o kheer Israel an-mangenn.

Ezekiel 8:16

Oun yob anas man dren ap koy tikni platsa glan o baro Debleskro kheer. Oun glan o voudar o kherestar mashkral i glanstouni halla oun i sasterni rhačepaskri his 25 (biish-te-panč) morsha tardo. Kolla rissran pengre dume khatar o baro Debleskro kheer, oun dikan ap koy rig, kay o kham pre djal. Oun yon moukan pen ap i phoub te perell, oun mangan o kham an.

Ezekiel 8:14

Oun yob anas man pash o voudar ap i nordetikri rig glan o baro Debleskro kheer. Kote his djouvya beshdo. Oun kolla rovan pral o merepen ko deblestar, kay kharell Tammus.

Daniel 9:10

oun shounam gar ap kova, hoy tou, maro baro Devel, menge penal, oun djam gar ap tiro drom, hoy sikran men tire rakepangre, kay touke boudran oun menge tire laba penan.

Ezekiel 20:24

doleske, kay djivan le gar pal miro čačepen oun kran gar, hoy lendar kamom, oun boudran ap o Debleskro dives, oun nashan kol rhorhene deblenge palla, kolen lengre phoure an-mangan.

Ezekiel 20:21

Oun ninna lengre čave moukan pen či mandar te penell, oun kran gar hoy lendar kamom, oun djivan gar pal miro čačepen. Mire čačepaskre laba hi kolla, kolentsa i mensho djido ačell, te rikrell lo pes ap lende. Oun yon kran savo koova ap o Debleskro dives, hoy hounte krans le gar. Oun yaake vom gar sharedo. Kote kamom miri rholi pral lende vin te čorell. Kote an o moulo tato them kamom miri tseli rholi ap lende vin te moukell.

Ezekiel 20:16

Kova vals i phagi doleske, kay dan le či ap mire čačepaskre laba, oun kran gar, hoy lendar kamom, oun rikran gar o Debleskro dives dren. Na-a, pengre rhorhene deblen nashan le palla!

Ezekiel 18:9

Yob krell, hoy lestar kamau, oun djivell pal miro čačepen. Savo menshes hi kek doosh ap peste. Yob ačell djido. Kova penau me, o baro Devel, t'maro ray.

Ezekiel 11:21

Kolla, kay pandan pengro dji ap i rhorhene deblen oun djoungele figuren, kolenge anau lengro čilačepen ap lengre sherya pale. Kava penell o baro Devel, maro ray.

Jeremia 10:2

Kova penell o baro Devel: Ma djan i dromma, hoy i menshe an vavar themma djana! Yon darenn glan o sikepen, hoy krenn i momlia ap o bolepen. T'mer hounte darenn kova gar.

Jeremia 6:16

O baro Devel penas lenge: Ačenn tardo ap ko drom, kay t'mer djan! Dikenn oun poučenn pal i phoure dromma! Hatsenn vin, havo drom anell t'menge lačepen! Oun djan kava drom! Palle vell shoukapen an t'mare djia. Yon penan: Kova kamah mer gar te krell.

Debleskri gili 78:10

Yon rikran pen gar ap o Debleskre laba, hoy yob lentsa vin kras, oun kaman gar ap leskro drom te djal.

Nehemia 9:34

Mare bare raya oun pralstoune, mare rashaya oun phoure, kolla djan gar ap tiro drom, oun shounan gar tire laba, hoy sikrenn, har te djivenn le.

Esra 9:7

Ko tsirestar, kay mare phoure djivan, bis ap kava dives anam mer boud doosh ap mende, oun dran maro djounglepen dal men, mare rayen oun rashayen an i vavar rayengre vasta, kay an i themma troul mende djivenn. O rhareha maran le men, an o stilepen vitsran le men, oun yon čoran men vin, oun anan ladj ap mende, yaake har ninna kava dives hi.

2. Familjakro liil 36:14

Ninna i tsele pralstoune an o them Youda oun i rashaya oun i menshe an o them kran pengri doosh gomme bareder pengro djipah: Yon djivan pal ko djoungelo koova, hoy i menshe an i vavar themma kran, oun kran o baro Debleskro kheer pale-čiddo, ko kheer, hoy yob vi-rodas, te djivell lo kote an o foro Yerusalem.

2. Familjakro liil 28:3

oun rhačras soungepaskro koova an i tala, hoy kharell Ben-Hinnom. Ninna rhačras lo peskre čaven i rhorhene deblenge. Yaake kras lo savo djoungelo koova, har i menshe an vavar themma kran, – save menshe har kolla, kay o baro Devel glan i Israelende dran o them tradas.

2. Familjakro liil 13:9

T'mer tradan i rashayen o baro Deblestar – kolla hi o Aroneskre čave, – ninna i Levitaryen dran t'mende krik, oun kran t'menge neve rashaya, har krenn i menshe an vavar themma. Hakeno, kay vas, oun les his hi terni morsh groumni oun efta bakre pash peste, kova nay vas i rashay t'mare figurenge, kay kek devel hi.

2. Rajengro liil 21:22

Oun yob moukas o baro Debles, ko Debles, koles leskre phoure an-mangan, oun djas gar ap o baro Debleskro drom.

2. Rajengro liil 21:2

Oun yob kras, hoy his čilačo glan o baro Debleskre yaka: ko emligo djoungelo koova, har kol vavar menshe kran, kolen o baro Devel glan o Israel vin tradas dran o them.

2. Rajengro liil 18:12

Kova lauter vas pral i Israelitarya doleske, kay yon gar shounan ap i laba lengro baro Deblestar, oun rikran pen gar ap kova, hoy yob lentsa vin kras; oun ap halauter, hoy o Mose, o baro Debleskro boudepaskro lenge penas, yon shounan gar koy pre, oun djivan gar koy pal.

2. Rajengro liil 16:3

Na-a, yob djas ap kol dromma, kay kol bare raya dran o them Israel ninna djan. Ninna moukas lo peskro čaves an i yag te rhačrell, yaake har kova kol menshe kran, kay o baro Debles gar prindjrenn oun savo djoungelo koova krenn. Kolen tradas o baro Devel glan i Israelitarya dran o them vin, te nay djivenn i Israelitarya koy dren.

1. Rajengro liil 11:33

O Salomo moukas man, oun mangas i Astarte an, kay debletsa, hoy i Sidonarya an-mangenn. Ninna mangas lo o Kemosh an, ko devel, hoy i Moabarya an-mangenn, oun o Milkom, ko devel, hoy i Ammonarya an-mangenn. Yob djas gar ap mire dromma oun kras gar, hoy mishto hi glan mire yaka. Pal mire laba oun miro čačepen djivas lo gar, har kova leskro dad, o David kras.

3. Mose 26:40

Palle penenn yon, te his lengri doosh oun i doosh lengre phourendar, te rikran le gar ap mande oun sikran mange o doumo.

3. Mose 18:3

Ma djivenn yaake har i Egiptarya, an kolengro them djivan, vitar gar har kolla an o them Kanaan, kote kay t'men anau. Ma djivenn pal lengro koova.

Ezekiel 18:8

Te patsas lo love vin, lell lo peske gar boudeder love pale. Yob rikrell peskro vast pale, te krell lo kek čilačepen. Oun an i čingepen dell lo yak, te lell hakeno peskro čačepen.

2. Rajengro liil 21:9

I menshe an o them Youda shounan gar ap o baro Debleste. Oun o Manasse anas len ap o čilačo drom; oun yon djivan čilačeder har kol vavar menshe, kolen o baro Devel glan o Israel krik tradas.

Nehemia 9:33

Tou hal an o čačepen tardo, har anal kova lauter pral mende. Kova, hoy tou kral, his mishto, ninna te djivam mer yaake, har te vals men kek Devel.

Ezekiel 5:6

I menshe an Yerusalem moukan pen či mandar te penell, oun shounan gar ap mande. Yon van čilačeder har kol themma, kay troul lende hi. Mire čačepaskre laba vitsran le pal pende, oun djivan gar yaake har lendar kamom.