Ezekiel 10:19 - O Debleskro Lab 2024 (Sinte-Manouche)

¹⁹ Oun kol bolepangre kran pengre čirklengre moussya bourhlo, oun hadan pen pre i phoubyatar glan mire yaka. Oun har djan le vin, his kol rade ap lengre rigya. Oun i bolepangre čivan pen pash ko voudar o baro Debleskro kherestar, hoy ap koy rig hi, kay o kham pre djal. Oun o raylepen o Israeleskro Deblestar his pral lende.

O Debleskro Drom 2021 (Sinte)

¹⁹ Un kol bolepangre kran pengre tchirklengre mussja buchlo, un hadan pen pre i phubjatar glan mire jaka. Un har djan le win, his kol rade ap lengre rigja. Un i bolepangre tchiwan pen pash ko wudar o baro Debleskro kherestar, hoi ap koi rig hi, kai o kham pre djal. Un o railepen o Israeleskro Deblestar his pral lende.

Ezekiel 10:19 Referans Kwoze

Ezekiel 43:4

Oun o baro Debleskro raylepen vas an o baro voudar, hoy kote hi, kay o kham pre djal, oun djas an o kheer dren.

Ezekiel 11:1

Oun o dourho hadas man pre oun anas man glan o baro Debleskro kheer, pash ko baro voudar, hoy kote hi, kay o kham pre djala. Oun glan ko baro voudar his 25 (biish-te-panč) morsha. Oun me dikom mashkral lende o Yazania, koleskro dad o Assour his, oun o Pelatya, koleskro dad o Benaya his. Kolla his pralstoune pral i menshende.

Ezekiel 10:1

Oun me dikom ap ko bolepen, hoy his pral i sherya foun i bolepangre, oun dikom čomone yaake blaueto har ko kouč blaueto bar, hoy kharell Safiro. Kova dikas vin har i rayeskri beshepaskri.

Ezekiel 8:16

Oun yob anas man dren ap koy tikni platsa glan o baro Debleskro kheer. Oun glan o voudar o kherestar mashkral i glanstouni halla oun i sasterni rhačepaskri his 25 (biish-te-panč) morsha tardo. Kolla rissran pengre dume khatar o baro Debleskro kheer, oun dikan ap koy rig, kay o kham pre djal. Oun yon moukan pen ap i phoub te perell, oun mangan o kham an.

Ezekiel 43:1

Oun o morsh anas man pale pash ko baro voudar, hoy ap koy rig hi, kay o kham pre djal.

Ezekiel 43:2

Oun kote dikom, har vas o raylepen o Israeleskro Deblestar foun kotar, kay o kham pre djal. Khetne ko raylepen vas i gole, har i gole, hoy bare panya denn. Oun dran o raylepen vas i momeli ap o tselo them.