Ester 9:25 - O Debleskro Lab 2024 (Sinte-Manouche)

²⁵ An ko liil his ninna tardo, har i Ester pash o baro rayeste djas oun har kova an i liil penas, te vell o Hamaneha ko čilačo koova kerdo, hoy yob kamas i biboldentsa te krell. Oun yaake vas o Haman oun peskre čave ap i bare kashta pre bladedo.

O Debleskro Drom 2021 (Sinte)

²⁵ An ko liil his ninna tardo, har i Ester pash o baro rajeste djas un har kowa an i liil penas, te well o Hamaneha ko tchilatcho koowa kerdo, hoi job kamas i biboldentsa te krell. Un jaake was o Haman un peskre tchawe ap i bare kashta pre bladedo.

Ester 9:25 Referans Kwoze

Debleskri gili 7:16

Yob hadas i rheb vin, hoy djas dour tele, oun peras palle kokres dren, – an koy rheb, hoy yob i vavareske vi-hadas.

Mateo 21:44

Koon ap kava bar perella, kova merella. Ap koneste kava bar perella, koles dell ko bar khetne.”

Debleskri gili 141:10

Mouk len lauteren kokres te perell an pengri netsa, hoy yon mange vi-čivan, oun man mouk te nashap mange!

Debleskri gili 140:9

De kol čilačen gar, hoy yon kamenna! Kova, hoy yon pen glan lan, mouk gar te djal, te hadenn le pen gar!

Ester 7:5

Kote poučas o baro ray Ahasveros i ranyatar Ester: “Koon hi kova? Oun kay hi lo, koles an o shero vas, te krell lo sau koova?”

Ester 3:6

An leskre yaka his kova gar doha, te taprell lo peske o Mordekay kokres. Yob kamas ninna leskre menshen te marell. Har shounas lo, kay o Mordekay i biboldo hi, rodas lo, har nay marell lo i tsele bibolden, kay djivenn an kol themma, kay o Ahasveros o baro ray hi.

Ester 7:4

Mer vam bikedo, me oun mire menshe, te vas mer maredo, yaake te ačell kek mendar djido. Te vams mer kokres bikedo, morsha oun djouvya, te vas ginle boudepangre, kroms miro mouy gar pre. Kova vals gar phares doha, te vap koleha pash o baro rayeste.”

Debleskri gili 140:8

Baro Devel, miro ray, tou hal o zorelo ap miri rig. Tou rikreh tire vasta pral mande an o kourepaskro tsiro.

Jesaja 22:25

Ko saster phagell vin oun perell tele. Oun ko tselo koova, hoy o saster hidjras, phagell khetne. Kova penell o baro Devel.

1. Samuel 25:39

Oun har o David shounas, te meras o Nabal, penas lo: “Sharedo vell o baro Devel, kay i ladj, hoy o Nabal ap mande anas, ap leste pale anas. Oun man, peskro boudepaskres, rikras lo pale, te krap i čilačo koova. Oun ko čilačo koova, hoy o Nabal kras, moukas o baro Devel ap leskro shero pale te perell.” Oun o David bičras morshen pash i Abigayil, oun moukas lake te penell, te kamell lo lat te romedinerell.

1. Rajengro liil 8:32

palle shoun an o bolepen, oun kre o čačepen vin pral tire boudepangre. Kre te vell o čilačepen, hoy yek kras, ap leskro shero. Oun ko vavares, kay an o čačepen his, de les leskro čačepen, te vell diklo, kek doosh hi ap leste.

Ester 7:10

Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

Debleskri gili 7:17

Koy bibarht, hoy kamas lo ap i vavareste te anell, vas ap leskro shero pale. Ko čilačo koova, hoy kamas lo i vavareske te krell, peras ap leste pale.

Debleskri gili 94:23

Yob moukell lengro midjak koova ap lende pale te perell, oun dran lengro čilačepen marell lo len. Ava, maro baro Devel marell len!

Gosewe laba 5:22

O čilačo koova pandell koles, kay kova krella. Leskri doosh hi har shelle, hoy les pandenn.

Gosewe laba 26:27

Kova, kay i vavareske i grouba vin hadas, kova perell kokres dren. Oun yek, kay vitsrell i bar, ap koleste perell lo pale tele.

Obadja 1:15

O dives vell sik, kay vell miri rholi pral i tsele themma ap kay phoub, penell o baro Devel. Yaake har tou kral, yaake vell touke kerdo. Kova hoy tou kral, vell ap tiro shero pale.