Ester 9:18 - O Debleskro Lab 2024 (Sinte-Manouche)

¹⁸ Kol bibolde, kay an o foro Susa djivan, kolla djan an o marepen ap o 13. (deesh-te-triinto) oun ap o 14. (deesh-te-starto) dives an ko čon. Oun ap o 15. (deesh-te-pančto) dives kran le či. Oun kran lestar i dives, kay krenn le či oun venn khetne, rhan oun piyenn oun hi barhtelo.

O Debleskro Drom 2021 (Sinte)

¹⁸ Kol bibolde, kai an o foro Susa djiwan, kolla djan an o marepen ap o 13. (deesh-te-triinto) un ap o 14. (deesh-te-starto) diwes an ko tchon. Un ap o 15. (deesh-te-pantchto) diwes kran le tchi. Un kran lestar i diwes, kai krenn le tchi un wenn khetne, chan un pijenn un hi bachtelo.

Ester 9:18 Referans Kwoze

Ester 9:21

An kol lila his činlo, te vell o 14. oun o 15. dives an o čon Adar i baro dives. Koles hounte rikrenn le hako bersh,

Ester 9:15

Oun i bibolde an o foro Susa van ap o 14. (deesh-te-starto) dives an o čon Adar gomme yek kopo khetne, oun dan an Susa 300 (triin-sheel) morshen moulo. Lengro koova čoran le penge gar.

Ester 9:13

I Ester penas: “Te hi miro rayeske mishto, palle mouk i bibolden taysar an o foro Susa gomme yek kopo pal ko lab te krell, hoy kava diveske činlo his. Oun kol deesh čave o Hamanestar venn ap deesh bare kashta pre bladedo.”

Ester 9:1

Oun palle vas o 13. (deesh-te-triinto) dives an o 12. (deesh-te-douyto) čon. Kova hi o čon Adar. Ap ko dives hounte vals kerdo pal o baro rayeskro činlo lab. Oun i menshe, kay i bibolden gar kaman, patsan, te nay marans le i bibolden ap ko dives. Kanna vas kova vavarčandes: I bibolde van zorleder har i vavar menshe,

Ester 9:11

Ap ko dives vas o baro rayeske penlo, kitse moule das an o rayeskro zorelo kheer an o foro Susa.

Ester 8:11

Oun an kol lila his činlo: O baro rayeske hi mishto, te venn i bibolde khetne an hako foro, kay djivenn le, te kourenn le pengro djipaske, oun marenn kolen, kay ap lende djan, ninna lengre čaven oun djouvyen, yaake te ačell lendar kek djido. Oun lauter, hoy kolenge his, nay lenn le penge, te vell lengro.

Ester 9:2

oun van khetne an pengre forya an i tsele themma, kay o Ahasveros baro ray hi, te djan le ap kolende pre, kay lengri bibarht kaman. Oun kek nay ačas tardo glan lende. Oun i bari daar glan lende peras ap i menshende an i tsele themma.