Ester 7:9 - O Debleskro Lab 2024 (Sinte-Manouche)

⁹ Oun yek o pralstunendar, o Harbona, penas: “Ake, kote pash o Hamaneskro kheer hi o kasht tardo, hoy hi i paash-sheel moussya baro, koles o Haman moukas pre te čivell o Mordekayeske. Kava hi ko morsh, kay o baro rayeske penas, kay morshen glan his, te marenn le les.” Kote penas o baro ray: “Bladenn les koy pre!”

O Debleskro Drom 2021 (Sinte)

⁹ Un jek o pralstunendar, o Harbona, penas: “Ake, kote pash o Hamaneskro kheer hi o kasht tardo, hoi hi i paash-sheel mussja baro, koles o Haman mukas pre te tchiwell o Mordekajeske. Kawa hi ko mursh, kai o baro rajeske penas, kai murshen glan his, te marenn le les.” Kote penas o baro rai: “Bladenn les koi pre!”

Ester 7:9 Referans Kwoze

Ester 5:14

Kote penas leskri romni Seresh oun leskre tsele mala ap leste: “Mouk i kasht pre te čivell, hoy hi i paash-sheel (50) moussya bares! Oun taysarlakro pen ap o baro rayeste, te moukell lo o Mordekayes ap ko kasht pre te bladell. Oun palle dja leha barhteles pash o rhapen.” Oun kol laba his o Hamaneske lačes, oun yob moukas savo kasht pre te čivell.

Ester 1:10

Oun ap o eftato dives his o baro rayeskro dji barhteles boud molyatar. Oun yob kamas i rayenge oun i tsele menshenge peskri romyat, i rani Vasti, te sikrell, kay yaake shoukar his. Oun yob rakras kol efta pralstunentsa, kay ninna pral o djouvyengro kheer penepaske hi: o Mehouman, o Biseta, o Harbona, o Bigta, o Abagta, o Setar oun o Karkas. Lenge penas lo, te anenn le i rani, oun te hidjrell li peskro shereskro sonakay.

Debleskri gili 141:10

Mouk len lauteren kokres te perell an pengri netsa, hoy yon mange vi-čivan, oun man mouk te nashap mange!

Debleskri gili 35:8

Mouk i bibarht pral lende te vell yaake sik har i dap! Mou perenn le an koy netsa, hoy yon čivan mange. Mou perenn le an koy rheb, hoy yon hadan mange vin!

Daniel 6:24

Kote stas o baro rayeskro dji i barhtyatar. Oun yob penas, te lenn le o Danieles vin dran koy grouba. Oun o Daniel vas vin lino, oun kek doukepen vas ap leste hatslo, doleske kay rikras yob zoreles ap peskro Debleste.

Daniel 6:7

Kote nashan kol raya oun kol pralstoune sik pash o baro rayeste oun penan ap leste: “Tou baro ray Darius, te djivess hako tsireske!

Debleskri gili 73:19

Ap yek kopo hi le bouder gar koy. Lengro merepen nay vals gar djoungleder!

Ester 9:25

An ko liil his ninna tardo, har i Ester pash o baro rayeste djas oun har kova an i liil penas, te vell o Hamaneha ko čilačo koova kerdo, hoy yob kamas i biboldentsa te krell. Oun yaake vas o Haman oun peskre čave ap i bare kashta pre bladedo.

Ester 6:14

Oun har yon gomme leha rakran, van o baro rayeskre boudepangre oun anan les sik pash o rhapen, hoy i Ester lenge kras.

Ester 6:2

Oun koy hatsas pes dren činlo, har kaman kol douy morsha, o Bigtan oun o Teresh, o baro rayes moulo te dell. Kol douy his pralstoune, kay dan yak glan o voudar o baro rayeskro kherestar. Ninna his kote činlo, kay o Mordekay kova vin hatsas oun an-sikras.

1. Samuel 17:51

Oun yob nashas pash o Goliat, las leskro rharo dran koleskri possita vin, oun das leske ko rhareha o shero tele. Har i Filistarya dikan, te hi lengro zorleder morsh moulo, nashan le penge.

2. Rajengro liil 9:32

Yob dikas pral pash i vorhni oun das gole: “Koon hi ap miri rig?” Koy dikan douy, triin pralstoune boudepangre ap leste tele.

Ester 8:7

Kote penas o baro ray Ahasveros ap i rani Ester oun ap o Mordekay, ko biboldo: “Djinenn, o Hamaneskro kheer dom i Esterate, te vell lo lakro. Oun les moukom ap ko kasht pre te bladell doleske, kay kamas lo i bibolden te marell.

Ester 9:14

Oun o baro ray penas, te vell kova yaake kerdo. Oun ko lab vas činlo oun prindjedo kerdo an o foro Susa. Oun kol deesh moule čave o Hamanestar van ap kashta pre pandlo.