Ester 4:4 - O Debleskro Lab 2024 (Sinte-Manouche)

⁴ Oun i djouvya, kay i Esterake boudrenn oun kol pralstoune, kay lake koy hi, van pash late oun penan lake kava koova. Oun kote tapras i rani bari daar. Oun yoy bičras ripya pash o Mordekay, te rivell lo len an, oun te čivell lo o gono pestar tele. Oun yob kamas gar.

O Debleskro Drom 2021 (Sinte)

⁴ Un i djuwja, kai i Esterake budrenn un kol pralstune, kai lake koi hi, wan pash late un penan lake kau koowa. Un kote tapras i rani bari daar. Un joi bitchras ripja pash o Mordekai, te riwell lo len an, un te tchiwell lo o gono pestar tele. Un job kamas gar.

Ester 4:4 Referans Kwoze

Debleskri gili 77:2

Me dau gole ap miro Debleste, dau bari gole ap leste. Ava, ap o Debleste dau gole, bis te shounell lo man.

Jeremia 31:15

Kova penell o baro Devel: I gole oun zorelo ropen vell shounlo an o foro Rama: I Rachel rovell pral peskre čaven: Yon hi moulo. Oun yoy kamell kek shoukar laba te shounell.

Jesaja 56:3

Oun i vi-themari, kay djal ap o baro Debleskro drom, kova hounte penell gar: O baro Devel čivell man pale peskre menshendar. Oun ko morsh, kay yaake činlo hi ap peskro mass, te lell lo bouder kek čave, hounte penell gar: Me hom i moulo rouk!

Ester 1:12

Har penan kol efta morsha i ranyake Vasti, hoy o baro ray latar kamell, kamas li gar pash leste te vell. Kote tapras i bari rholi i baro rayes.

2. Rajengro liil 9:32

Yob dikas pral pash i vorhni oun das gole: “Koon hi ap miri rig?” Koy dikan douy, triin pralstoune boudepangre ap leste tele.

1. Samuel 8:15

Ninna lell lo o deshto kotar t'maro djobestar oun t'mare drakendar oun playsrell kolentsa kolen, kay boudrenn an leskro kheer, ninna vavar pralstoune boudepangren.

1. Mose 37:35

Oun leskre tsele čave oun ča van pash leste, te rakrenn le leha lačes. Oun yob kamas gar, te vell leskri douk krik lino. “Na-a” penas yob, “miro dji rovella, bis te merau oun vau pash miro čaveste.” Yaake rovas leskro dad pral o Yosefeste.

Bičepangre 8:27

Koy stas lo pre oun djas kote. Ap ko drom his ninna i morsh dran o them Etiopia. Ap kava tsiro his i bari rani i rayetsa pral o them Etiopia. Oun ko morsh his i pralstouno an lakro them oun das garda ap lakro tselo bravlepen. Kova vas an o foro Yerusalem, te mangell yob o Debles an.

Ester 4:3

Oun an hako them, kay o liil o baro rayestar vas, his baro ropen mank i bibolde. Oun boud kaman bouder či te rhal, rovan oun rivan pen an gone oun čivan yagakri čik ap pende.

Ester 4:5

Kote moukas i Ester i morshes te kharell. Kova kharas Hatak oun his i pralstouno, koles o baro ray late das, te vell lo lake koy. Oun koles bičras li pash o Mordekay te poučell lo lestar, hoske yob yaake krell.