Ester 3:5 - O Debleskro Lab 2024 (Sinte-Manouche)

⁵ Oun har o Haman dikas, te vitsrell o Mordekay pes gar glan leste tele, tapras les i bari rholi.

O Debleskro Drom 2021 (Sinte)

⁵ Un har o Haman dikas, te witsrell o Mordekai pes gar glan leste tele, tapras les i bari choli.

Ester 3:5 Referans Kwoze

Daniel 3:19

Kote vas o Neboukadnezar yaake pherdi rholi, te vas leskro mouy lolo i rholyatar pral o Shadrak, o Meshak oun o Abed-Nego. Oun yob penas zoreles, te vell o bob efta kope yaake tateder kerdo, har glan ko tsiro.

Ester 5:9

Har o Haman ko dives dran o kheer djas, his lo barhtelo oun peskro dji sanas. Koy dikas lo o Mordekayes beshdo an o baro voudar glan o baro rayeskro kheer. Oun kova stas gar pre, oun vitsras pes gar glan leste tele. Koy tapras o Hamanes i bari rholi pral o Mordekay.

Gosewe laba 21:24

Ko baro-mouyeskro, kay dikell tele ap i vavarende, vell pre-phourdo kharedo. Yob patsell, te nay krell lo lauter oun kek les pale rikrell.

Ester 3:2

Oun o baro ray penas, te djan i tsele pralstoune, kay an o baro voudar glan leskro kheer hi, ap i phoub glan o Haman oun parkrenn les. Oun yaake kran le. Kokres o Mordekay kamas gar, oun djas gar glan leste tele ap i phoub.

Gosewe laba 19:19

Kova, kay dran i bari rholi čomone kras, mouk les peskri phagi te lell. Veh tou ap leskri rig, hounte kress tou kova pale te pale.

Gosewe laba 12:16

Koon peskri rholi sik sikrell, hi dinelo. Koon krell, har te shounals lo o praasepen gar, kova hi gosevo.

Hiob 5:2

Koon rhoyrell pes pral halauter, hi dinelo. Leskri rholi tassrell les. Koon peskri rholi gar pale rikrell, hi narvelo. Yob merell ap peskri rholi.

Ester 1:12

Har penan kol efta morsha i ranyake Vasti, hoy o baro ray latar kamell, kamas li gar pash leste te vell. Kote tapras i bari rholi i baro rayes.

Ester 3:4

Oun yaake poučan le les hako dives. Oun yob penas lenge: “Me hom i biboldo oun nay vitsrau man gar tele glan o Haman.” Oun har yob gar ap lende shounas, djan le koy oun penan kova o Hamaneske. Yon kaman te dikell, hoy o Haman penell, te djinals lo, hoy o Mordekay kras.

Sikepaskro 10:6

I dineleske denn le peskri beshepaskri kote, kay i pralstoune beshenna, oun i bravele hounte beshenn pen ap i telstoune beshepangre.

Debleskri gili 37:12

O čilačo kamell midjak koova te krell ap koleste, kay an o čačepen tardo hi, oun sikrell leske i danda.