Ester 3:2 - O Debleskro Lab 2024 (Sinte-Manouche)

² Oun o baro ray penas, te djan i tsele pralstoune, kay an o baro voudar glan leskro kheer hi, ap i phoub glan o Haman oun parkrenn les. Oun yaake kran le. Kokres o Mordekay kamas gar, oun djas gar glan leste tele ap i phoub.

O Debleskro Drom 2021 (Sinte)

² Un o baro rai penas, te djan i tsele pralstune, kai an o baro wudar glan leskro kheer hi, ap i phub glan o Haman un parkrenn les. Un jaake kran le. Kokres o Mordekai kamas gar, un djas gar glan leste tele ap i phub.

Ester 3:2 Referans Kwoze

Filiparja 2:10

Oun hakeno an o bolepen oun ap i phoub oun tel i phoub hounte perell glan leste tele ap i čanga.

Debleskri gili 15:4

Kova, kay hadell gar kolen, kay kova krenna, hoy o baro Devel gar kamella, Na-a, yob hadell kolen, kay o baro Debleha djivenna. Yob krell, ap hoy yob pes sovel das, ninna te vell kova leske phares.

Ester 5:9

Har o Haman ko dives dran o kheer djas, his lo barhtelo oun peskro dji sanas. Koy dikas lo o Mordekayes beshdo an o baro voudar glan o baro rayeskro kheer. Oun kova stas gar pre, oun vitsras pes gar glan leste tele. Koy tapras o Hamanes i bari rholi pral o Mordekay.

Ester 3:5

Oun har o Haman dikas, te vitsrell o Mordekay pes gar glan leste tele, tapras les i bari rholi.

Ester 3:1

Pal i tsiro hadas o baro ray Ahasveros i morshes pral i tsele pralstunende, kay pash leste hi. Ko morsh kharas Haman. Leskro dad his o Hammedata i menshendar Agag.

Ester 2:21

An kol divessa har o Mordekay an ko baro voudar glan o baro rayeskro kheer beshdo his, van douy boudepangre an i bari rholi. Kolla dan yak ap i voudya oun kharan Bigtan oun Teresh. Oun yon lan penge glan, te denn le o baro rayes Ahasveros moulo.

Ester 2:19

His an ko tsiro, har i douyto kopo terne ča khetne anlo van o baro rayeske. Koy his o Mordekay beshdo an o baro voudar glan o baro rayeskro kheer.

1. Samuel 15:3

Doleske dja kanna an o kourepen oun koure tout i Amalekarya, oun de len halauter moulo: morsha oun djouvya, čave oun ternepen, groumya oun bakre, khamele oun bourike.”

5. Mose 25:19

Ap ko tsiro, kay lan t'mer ko them dren, hoy t'maro baro Devel t'men dell, oun t'mer bouder gar an o kourepen han kolentsa, kay troul t'mende djivenn, palle denn kol tsele Amalekaryen moulo, yaake te ačell či lendar pral, hoy sikrell, te his i tsiro, kay djivan le. Oun kova bistrenn gar!

2. Mose 17:16

Oun o Mose penas: “Kova vas, har hadom mire vasta pre ap o baro Debleste. An ko tsiro, hoy vella, dell o baro Devel i Amalekarya pale te pale.”

2. Mose 17:14

Palle penas o baro Devel ap o Moseste: “Čin kava pre, te bistrenn le kova gar! Oun rake les o Yosua an o dji, te bistrell lo kava kourepen gar. Oun pen leske ninna, te kamau me te marap i tsele Amalekarya yaake, te venn le hakenestar bistedo ap kay phoub.”

1. Mose 41:43

Oun moukas les te oulerell ap o douyto vourdin. Glan leste dan le vin gole: “Vitsrenn t'men tele glan leste!” Yaake das o baro ray o tselo them Egiptia an o Yosefeskre vasta.

Ester 2:5

Oun an o zorelo kheer an Susa djivas i biboldo. Kova kharas Mordekay. Leskro dad his o Yayr, oun leskro papo his o Shimi. Koleskro dad his o Kish. Kova his i Benyaminari.

Ester 3:3

Kote poučan lestar i vavar pralstoune, kay an o voudar glan o baro rayeskro kheer his: “Hoske kreh tou kova gar, hoy o baro ray penas?”

Daniel 2:49

Oun o Daniel mangas o baro rayestar, te venn o Shadrak oun o Meshak oun o Abed-Nego i moskre pral i forya an o them Babilonia. Oun kova vas yaake. O Daniel ačas an o baro rayeskro kheer.