Ester 3:1 - O Debleskro Lab 2024 (Sinte-Manouche)

¹ Pal i tsiro hadas o baro ray Ahasveros i morshes pral i tsele pralstunende, kay pash leste hi. Ko morsh kharas Haman. Leskro dad his o Hammedata i menshendar Agag.

O Debleskro Drom 2021 (Sinte)

¹ Pal i tsiro hadas o baro rai Ahasveros i murshes pral i tsele pralstunende, kai pash leste hi. Ko mursh kharas Haman. Leskro dad his o Hammedata i menshendar Agag.

Ester 3:1 Referans Kwoze

4. Mose 24:7

An o Israeleskro them hi boud pani, oun leskri phoub, kay o djob oun o gib bares venna, hi boudeder har doha pani. Leskro baro ray vell bareder har o Agag. Oun leskro them oun leskre menshe venn zorleder har i vavar menshe troul lende.

Daniel 6:2

Oun an leskre yaka his lačo, te čivas lo 120 (sheel-te-biish) pralstunen pral i tsele themma, kay yob o ray his.

Ester 5:11

Glan lende phourdas pes o Haman pre oun penas lenge, har baro leskro bravlepen hi, oun kitse morsh čave les hi, oun har hadas les o baro ray oun čivas les pral i tsele pralstunende oun pral i tsele rayeskre boudepangre.

Ester 3:10

O baro ray las peskri goustri o goushto tele. Oun das koy goustri an o Hamaneskro vast, kay kamas i bibolden te marell. Koleskro dad his o Hammedata kol menshendar Agag.

1. Samuel 15:33

O Samuel penas: “Har tiro rharo i djouvyenge lengre čaven maras, yaake vell kova, te hi tiri dat gomme kek čavo bouder.” Oun o Samuel das o Agag an kotya, glan o baro Debleste an o foro Gilgal.

1. Mose 41:40

Tou vess ray pral miro baro kheer. I tsele menshe an miro them hounte krenn kova, hoy tou peneh. Me kokres hom bareder har tou oun ačau baro ray pral o them Egiptia.”

Gosewe laba 29:2

Te hi boud menshe koy, kay an o čačepen tardo hi, palle hi i tsele menshe barhtelo. Te hi i čilačo o ray pral lende, palle hi i tsele menshenge ropaske.

Debleskri gili 12:8

Tou, mo baro Devel, rikreh tiro lab, oun rikreh tiro vast pral mende hako tsiro, te nay krenn kol menshe menge kek čilačepen,

Ester 8:3

Oun i Ester rakras i vavar kopo o baro rayeha, oun vitsras pes glan leskre herya tele, oun rovas ap leste oun mangas lestar, te vell ko čilačepen gar pral i biboldende, hoy kamas o Haman i menshendar Agag, pral lende te anell.

Ester 7:6

Oun i Ester penas: “Kova, kay lell men palla oun kamell men te marell, kava hi ko čilačo morsh Haman!” Kote tapras o Haman i daar glan o baro rayeste oun i ranyate.

Ester 1:14

Mank lende his o Karshena, o Shetar, o Admata, o Tarsis, o Meres, o Marsena, oun o Memukan. Kol efta his i raya pral i themma Persia oun Media. Oun pal o baro rayeste his yon i pralstoune an o tselo them. Ap lende rakras lo, te kamell lo čomone te djinell.

Esra 7:14

O baro ray oun leskre efta goseve morsha bičrenn tout, te djas an o them Youda oun an o foro Yerusalem, te dikess, har rikrenn pen i menshe kote ap tiro Debleskro lab, hoy an tiro vast hi.

1. Samuel 15:8

Oun yob las o baro rayes pral o Amalek, o Agag, djides pandlo. I tsele menshen moukas lo o rhareha moulo te dell.

1. Mose 41:55

Har i bok ninna an o them Egiptia vas, dan i Egiptarya gole ap o baro rayeste, te dell yob len te rhal. Koy penas o baro ray ap lende: “Djan pash o Yosefeste! Krenn, hoy yob t'menge penella!”

Sikepaskro 10:6

I dineleske denn le peskri beshepaskri kote, kay i pralstoune beshenna, oun i bravele hounte beshenn pen ap i telstoune beshepangre.