Ester 2:15 - O Debleskro Lab 2024 (Sinte-Manouche)

¹⁵ Ko tsiro vas, te djal i Ester pash o baro rayeste. Lakro dad his o Abihayil oun lakro kako o Mordekay, kay lat pash peste las, har vell li leskri čay. Oun yoy kamas či boudeder peha te lell, har o Hegay, ko pralstouno pral i djouvyende, lake penas. Oun an i yaka lauterendar, kay dikan lat, his li shoukar.

O Debleskro Drom 2021 (Sinte)

¹⁵ Ko tsiro was, te djal i Ester pash o baro rajeste. Lakro dad his o Abichajil un lakro kako o Mordekai, kai lat pash peste las, har well li leskri tchai. Un joi kamas tchi budeder peha te lell, har o Hegai, ko pralstuno pral i djuwjende, lake penas. Un an i jaka lauterendar, kai dikan lat, his li shukar.

Ester 2:15 Referans Kwoze

Kamlepaskri gili 6:9

Yek kokres hi miri tauba, miri goudli. Lakri dat hi kek vavar čay. Lake hi li i lačeder čay. I vavar ča dikan lat oun penan: Har barhteli hi li! O baro rayeskre romya oun vavar djouvya dikan lat oun sharan lakro shoukapen.

Ester 2:3

Oun biče morshen an i tsele themma, kay baro ray hal, te anenn le i tsele shoukar terne čen kate an tiro zorelo kheer an o foro Susa, oun kote an o djouvyengro kheer. Oun de len an o vast ko pralstunestar, o Hegay, kay dell yak ap i djouvyende. Oun yob moukell lauter ap lende te krell, hoy i djouvyat shoukar krell.

Bičepangre 7:10

oun las les vin dran halauter, hoy o Yosefeske pharo his. Oun o Devel das les boud gosvepen oun kras, te dikas o baro ray pral o them Egiptia lačo ap o Yosefeste. Ko baro ray kras, te vas o Yosef o ray pral o tselo them Egiptia oun pral o tselo rayeskro kheer.

Ester 9:29

Oun i rani Ester, kolakro dad o Abihayil his, činas i douyto liil, khetne lakro kakeha, o biboldeha Mordekay. An kava liil činas li, te hounte vell lauter yaake kerdo har an ko liil, hoy o Mordekay činas pral kol divessa Pourim.

Kamlepaskri gili 8:10

Me hom i massouri, oun mire čoučya hi har turme. Doleske dikell lo ap mande har ap yekate, kay anell leske barht.

Ester 2:14

Ap i rat djas li dren oun taysarlake djas li palle an i vavar djouvyengro kheer, tel i vasta ko pralstunestar, kay kharas Shaashgas. Kova das ap kol djouvyende yak, kay o baro rayeskre vavar djouvya his. Oun kek kol djouvyendar vas i douyto kopo pash o baro rayeste, kokres kolla, kay his shoukar an leskre yaka, oun kolen yob moukas pash pengro lab te kharell.

Ester 2:16

Oun yaake vas i Ester pash o baro rayeste Ahasveros an leskro rayeskro kheer anlo. Oun kova his an o deshto čon, har yob an o eftato bersh o baro ray his. Kava čon kharas Tebet.

Ester 8:1

Ap ko dives das o baro ray, o Ahasveros, i ranyate Ester ko kheer, hoy his o Hamanes, kay i bibolden kamas te marell. Oun i Ester penas o baro rayeske, kay o Mordekay lakro kako hi. Oun o baro ray moukas les glan peste te vell.

Gosewe laba 15:33

Kolla, kay djivenn o baro Debleha, dikenn dren, hoy lenge mishto hi, oun venn gosveder. Kolenge, kay krenn pen gar bares, vell ko tsiro, kay sharenn len i vavar.