Ester 10:3 - O Debleskro Lab 2024 (Sinte-Manouche)

³ yaake te vas o biboldo Mordekay o douyto pal o baro rayeste Ahasveros. Oun yob his baro pash i biboldende oun lačes an-diklo pash i tsele biboldende. Yob rodas o lačepen lenge oun rakras, hoy leskre menshenge ko feteder his.

O Debleskro Drom 2021 (Sinte)

³ jaake te was o biboldo Mordekai o duito pal o baro rajeste Ahasveros. Un job his baro pash i biboldende un latches an-diklo pash i tsele biboldende. Job rodas o latchepen lenge un rakras, hoi leskre menshenge ko feteder his.

Ester 10:3 Referans Kwoze

Nehemia 2:10

Oun har shounan kova o Sanballat, ko Horonari, oun leskro boudepaskro, ko Ammonari o Tobiya, van le an bari rholi, te vas yek, kay kamas i Israelenge lačepen te krell.

Remarja 14:18

Koon yaake djivella, kova sharell o Yezous Kristes. Ap leste dikell o Devel lačes. Oun pash i menshende hi lo an-diklo.

Remarja 10:1

Mire phrala, miro tselo djiyeha kamoms, te venn i bibolde dran o Debleskri rholi vin. Oun kova mangau o Deblestar zoreles.

Daniel 5:29

Har o Daniel kol laba rakras, penas o Belsazar, te rivenn le les an lole rayengre koola, oun čivenn leske i sonakaskri verkli troul leskri meen. Oun yob hadas les, te vell lo o triinto pralstouno an o rayeskro them.

2. Familjakro liil 28:7

Oun o Zikri, i kourepaskro lourdo dran o them Efrayim, maras o baro rayeskro čaves, leskro lab his Maasseya. Ninna maras lo o pralstounes pral o rayeskro kheer, leskro lab his Asrikam. Oun kova, koles his penepaske pal o baro rayeste, leskro lab his Elkana, koles maras o Zikri ninna.

1. Mose 41:40

Tou vess ray pral miro baro kheer. I tsele menshe an miro them hounte krenn kova, hoy tou peneh. Me kokres hom bareder har tou oun ačau baro ray pral o them Egiptia.”

Daniel 5:16

Toutar shounom, te nay peneh tou, hoy kova kamell te penell, oun te nay čakreh tou pre, hoy kek djinell. Hayveh tou kanna kol laba te draverell, hoy kote činlo hi oun nay peneh mange, hoy kolla kamenn te penell, palle veh tou rido an rayengre lole koola, oun leh koy pashel i sonakaskri verkli troul tiri meen. Oun tou veh o triinto pralstouno an miro them.”

Ester 3:2

Oun o baro ray penas, te djan i tsele pralstoune, kay an o baro voudar glan leskro kheer hi, ap i phoub glan o Haman oun parkrenn les. Oun yaake kran le. Kokres o Mordekay kamas gar, oun djas gar glan leste tele ap i phoub.

1. Samuel 23:17

Oun o Yonatan penas ap o David: “Ma dare, miro dadeskro vast nay hatsell tout gar. Tou veh o baro ray pral o Israel. Oun me vau o douyto pal toute. Oun ninna miro dad, o Saul, djinell kova mishto.”

Daniel 6:3

Oun pral kolende čivas lo triin rayen. Yek kolendar his o Daniel. Kolenge hounte penenn i pralstoune, kitse love yon an pengro them dre-lan oun vi-dan, oun hoy le lauter kran, yaake te hounte dikas gar o baro ray ap savo koova.

1. Mose 45:10

Tou djivess an o them Gosen, hoy hi gar dour mandar: tou oun tire čave oun tire čavengre čave, ninna tire bakre oun bouzya, tire groumya oun halauter, hoy tout hi.

1. Mose 45:11

Oun me dau tout halauter, hoy tout hounte vell djipaske. Yaake te vess gar čorvelo, tou oun tiri familya oun lauter hoy tout hi. Panč bersha hi glan mende, kay hi i menshen či te rhal.

1. Samuel 18:16

O tselo Israel oun o tselo Youda kaman les, har dikan le, havo lačo kourepaskro yob hi.

Ester 2:5

Oun an o zorelo kheer an Susa djivas i biboldo. Kova kharas Mordekay. Leskro dad his o Yayr, oun leskro papo his o Shimi. Koleskro dad his o Kish. Kova his i Benyaminari.