Ester 1:6 - O Debleskro Lab 2024 (Sinte-Manouche)

⁶ Kote his parne oun blauete plarhte pandlo ap roupene goustria mank turme dran marmor. Troul kol plarhte his layntikre oun lole dorya. Beshepangre i heryentsa dran sonakay oun roup his kote tardo ap i kouč barrengri phoub, hoy zenelo, parno, djelto oun kalo his.

O Debleskro Drom 2021 (Sinte)

⁶ Kote his parne un blauete plachte pandlo ap rupene gustria mank turme dran marmor. Trul kol plachte his laintikre un lole dorja. Beshepangre i herjentsa dran sonakai un rup his kote tardo ap i kutch barrengri phub, hoi senelo, parno, djelto un kalo his.

Ester 1:6 Referans Kwoze

Amos 6:4

Har djoungeles djal t'menge, kay han kanna čiddo ap čibya shoukar kerde i dandentsa foun i elefante, oun moukenn t'menge koy lačes te djal. T'mer denn t'men o per pherdo o masseha i tikne bakrendar oun terne thoulle groumyendar,

Ezekiel 23:41

Oun beshan t'men ap i rayli beshepaskri. Oun glan t'mende his i rhapaskri tardo, ap kolate lačo koova his. Oun koy pashel čivan t'mer soungepaskro koova oun djet, hoy mange his.

Amos 2:8

Ap hake platse, kay o Devel sharedo vell, sovenn le ap koola, hoy lan le i čorvelenge krik, kay siyaan pash lende hi. Oun an o kheer lengro Deblestar piyenn le mool, hoy lan le kolendar, kay siyaan pash lende hi.

Ester 7:8

Har vas o baro ray dran i baar pale pale an koy isema, kay yon khetne mool piyan, dikas lo o Haman, kay glan i divana čiddo his, kay i rani hi. Koy das lo gole: “Kamell lo kanna pash mande an miro kheer i ranyake čomone te krell?” Kol laba his gomme gar dran o baro rayeskro mouy tseles vin, koy čakran i boudepangre o Hamaneskro shero.

Ester 8:15

Oun o Mordekay djas vin o baro rayestar, rido an rayeskre koola. Kolla his blaueto oun parno. Oun ap leskro shero his shereskro sonakay. Leskri baya his dran layntikro than oun lolo bakrengro bal. Oun i menshe an o foro Susa stan oun dan gole i barhtyatar.

2. Mose 26:1

Ko kheer kress tou dran deesh pesse plarhte. Oun kolla venn sido dran lačo zorelo layntikro than, kay ninna kouč bakrengro bal dren hi. Kova hi blaueto, lolo oun lolo har yag. An kol plarhte venna bolepangre dren sido an shoukar vastengri boudi.

1. Samuel 28:23

Yob kamas gar oun penas: “Me kamau gar te rhal!” Kote rakran leskre boudepangre oun koy djouvel ap leste dren. Oun yob shounas ap lende, oun yob stas foun i phoub pre, oun beshas pes ap o čiben.

Amos 3:12

Kova penell o baro Devel: I bakro, kay an o leveskro mouy hi, kolestar nay tserdell o bakrengro gar boudeder vin har douy herya oder i kotar kand. Yaake djal i Israelenge, kay hi kanna beshdo an Samaria ap shoukar beshepangre oun ap pernitse dran phar. Lendar ačell gar boud pral.