Esra 9:15 - O Debleskro Lab 2024 (Sinte-Manouche)

¹⁵ Baro Devel, tou o Israeleskro Devel, hal an o čačepen tardo oun lal men, kay pral ačam, vin dran o merepen, yaake har kava dives hi. Dik, kate ham glan toute an mari doosh, oun djinah, mer nay ačah gar tardo glan toute!”

O Debleskro Drom 2021 (Sinte)

¹⁵ Baro Dewel, tu o Israeleskro Dewel, hal an o tchatchepen tardo un lal men, kai pral atcham, win dran o merepen, jaake har kau diwes hi. Dik, kate ham glan tute an mari doosh, un djinah, mer nai atchah gar tardo glan tute!”

Esra 9:15 Referans Kwoze

Debleskri gili 130:3

Te činals tou, baro Devel, mari doosh an i liil, koon nay ačals palle glan toute tardo?

Johanni 8:24

Doleske penom t'menge: T'mer merenn an t'maro čilačepen. T'mer te patsenn gar, kay me kova hom, koon me hom, palle merenn t'mer an t'maro čilačepen.”

Remarja 3:19

Mer djinah: Kova, hoy an o Moseskre laba penlo hi, hi kolenge penlo, kay lan kol laba. Kolla hi i bibolde. Yaake nay penell kek mensho, vitar kek biboldo: Man hi kek doosh. Kek mensho krell o čačepen. Doleske hi kek mensho čačo glan o Debleste.

Johanni 8:21

Pale penas o Yezous ap lende: “Me djau mange. T'mer rodenn man, oun t'mer merenn an t'maro čilačepen. Kote, kay me djaua, nay venn t'mer gar.”

Remarja 10:3

Yon hayvenn gar, har o Devel i menshen an o čačepen čivella. Oun yon djan ap pengro drom, oun djivenn pal pengro čačepen. Yaake krenn le gar, hoy o Devel lendar kamella.

Daniel 9:14

Oun yaake dal tou yak, baro Devel, te vell koy bari bibarht pral mende. Čačepah, tou maro baro Devel hal an o čačepen an halauter hoy kreh. Oun mer shounam gar ap toute.

Ezekiel 33:10

Tou mensho, pen ap o kheer Israel: T'mer penenn: Mari doosh oun ko čilačo koova, hoy kram, hi phares ap mende čiddo. Mer nay hidjrah kova bouder gar. Har nay djivah mer gomme?

Jeremia 12:1

Baro Devel, kamoms gar te penap, kay tou doosh ap toute anal. Djinau, tou hal an tiro čačepen. Ninna te hi yaake, kamau te poučap toutar, har nay hayvap tiro čačepen. Hoske djal kolenge mishto, kay djivenn i čilačo djipen? Hoske hi kolen, kay toutar krik djan, halauter, hoy len hounte vell?

Debleskri gili 143:2

De man, tiro boudepaskres, kek phagi; glan toute hi kek mensho an o čačepen tardo.

1. Korintarja 15:17

Te stas o Yezous Kristo gar i moulendar pre, yaake hi t'maro patsepen čičeske. Oun ko čilačo koova, hoy t'mer kran, hi gomme ap t'mende.

Esra 9:6

oun penom: “Miro Devel, me ladjau oun trashau man, te hadap mire yaka pral pash toute, miro Devel; mari doosh vas pral maro shero, oun maro čilačepen hi baro bis pral an o bolepen.

Debleskri gili 76:7

Har dal tou len trad, tou, o Yakobeskro Devel, peran i graya oun kolla, kay ap lende beshdo hi, an o sopen.

Debleskri gili 116:5

O baro Devel hi lačo oun čačo, oun o djiyestar kamlo hi maro Devel.

Debleskri gili 119:137

Baro Devel, tou hal an o čačepen tardo, oun tire čačepaskre laba hi mishto.

Ezekiel 7:16

Oun kolla, kay nay nashenn penge, djivenn ap i berge har darene taube mank i bare barra, oun rovenn pral pengri doosh.

3. Mose 26:40

Palle penenn yon, te his lengri doosh oun i doosh lengre phourendar, te rikran le gar ap mande oun sikran mange o doumo.

3. Mose 26:41

Doleske sikrom lenge o doumo, oun tradom len an o them kolendar, kay kouran pen lentsa. Kote krenn le pen tiknes glan mande. Te hidjran le pengri phagi tele,

Josua 22:15

Oun har van le an o them Gilead, penan le ap lende:

Esra 1:4

Oun hakeno, kay pral ačas o Debleskre menshendar, kay lo ninna djivell an kava them, koleske hounte venn kolla ap i rig, pash kolende yob djivell, oun hounte denn les roup oun sonakay oun firhe oun vavar lačo koova. Oun hoy hakeno pestar kamell te dell, te vell o baro Debleskro kheer pre-čiddo an o foro Yerusalem, kova hi hakeneskro koova kokres.

Nehemia 9:8

Oun har dikal, te rikrell lo pes ap toute peskro tselo djiyeha, kral tou leha vin oun dal tou tiro lab, te dess leskre čavende oun kolengre čavende, kay pal lende venn, ko them, kay djivenn i Kanaanitarya, oun i Hetarya, oun i Amorarya, oun i Perisarya, oun i Yebousarya, oun i Girgasharya. Oun tou rikral tiro lab. Tou hal tardo an o čačepen.