Esra 7:5 - O Debleskro Lab 2024 (Sinte-Manouche)

⁵ koleskro dad o Abishoua, koleskro dad o Pinhas, koleskro dad o Elazar, koleskro dad o Aron, ko baro rashay.

O Debleskro Drom 2021 (Sinte)

⁵ koleskro dad o Abishua, koleskro dad o Pinhas, koleskro dad o Eleasar, koleskro dad o Aron, ko baro rashai.

Esra 7:5 Referans Kwoze

Hebrearja 5:4

Kek morsh nay penella: Me vau baro rashay. Na-a, o Devel rodell les vin, yaake har yob glan i rah tsiro ninna o Arones vin rodas, te vell lo i baro rashay.

2. Familjakro liil 26:20

Oun o pralstouno rashay Asarya dikas leske an o mouy oun i vavar rashaya ninna. Oun čačepah, pral leskre yaka his ko djoungelo nasslepen ap leskro mass. Oun yon tradan les vin dran o kheer. Oun sik nashas lo peske. Kay phagi vas o baro Deblestar.

2. Familjakro liil 19:11

Dikenn, o pralstouno rashay, o Amarya hi pral t'mende tardo an o Debleskro tselo koova. Oun o Sebadja, koleskro dad o Ismael his, – yob hi o pralstouno pral o kheer Youda – les hi penepaske pral halauter, hoy an miro, o baro rayeskro, vast hi. Oun i Levitarya hi t'mare činepangre, kay činenn an lila, hoy hounte vell pre činlo. Krenn t'mari boudi kek daryah! O baro Devel vell kolenge ap i rig, kay krenn, hoy mishto hi.”

1. Familjakro liil 6:4

O Merari, leskre čave his: o Mali oun o Moushi. Oun kalla hi i menshe, kay van pal o Levi pal lengre dadengre khera:

Josua 24:33

Ninna o Elazar, koleskro dad o Aron his, meras oun vas paskedo an o foro Gibea. Kova his ko foro, hoy leskro čaveske, o Pinhas, dino vas ap i berge Efrayim.

Josua 22:31

Oun o Pinhas, koleskro dad o rashay Elazar his, penas ap lende: “Kanna djinah, te hi o baro Devel mashkral mende. T'mer peran gar lestar tele. Oun yob hounte dell peskre menshen Israel kek phagi.”

Josua 22:13

Oun yon bičran i bičepaskres pash lende an o them Gilead. Kova his o Pinhas, koleskro dad o rashay Elazar his.

Josua 14:1

Oun kalla hi kol kotya them, hoy i Israelende dino van an o them Kanaan. O rashay Elazar oun o Yosua, koleskro dad o Noun his, khetne kol pralstunentsa pral i bare familyende, yon his kolla, kay dan ko them vin, te lell haki familya peskro kotar them.

4. Mose 31:54

O Mose oun ko rashay Elazar lan ko sonakay kol pralstunendar oun anan kova an o Debleskro plarhteno kheer, te bistrell o baro Devel gar, te dikell lo lačes ap i Israelitarya.

4. Mose 31:31

O Mose oun o rashay Elazar kran yaake har o baro Devel kova o Moseske penas.

4. Mose 31:6

Oun o Mose bičras len an o kourepen. Lentsa djas o Pinhas, koleskro dad o rashay Elazar his. Oun o Pinhas las o Debleskro koova peha, ninna kol kourepaskre phourdepangre.

4. Mose 27:2

Kolla van pash o voudar glan o Debleskro kheer oun penan ap o Moseste oun ap o Elazar, ko rashayeste, glan kol pralstunende oun i tsele Israelitarya, kay koy hi:

4. Mose 3:32

O ray pral i tsele pralstunende mank i Levitarya vell o Elazar, ko čavo o rashayestar Aron, te dell yob yak ap kolende, kay boudrenn an o Debleskro kheer.

3. Mose 10:16

O Mose rodas koy morsh bouzni, hoy o Debleske anlo vas, te vell i doosh krik lino, oun hatsas vin, te vas lakro mass rhačedo. Kote vas o Mose rhoyedo pral o Elazar oun o Itamar, kol douy čave o Aronestar, oun poučas lendar:

3. Mose 10:12

O Mose penas ap o Aron oun ap koleskre douy morsh čavende, kay leske pral ačan, ap o Elazar oun o Itamar: “Kova, hoy pral ačas ko yarrestar, hoy glan o baro Debleste anlo vas, nay lenn t'menge. Čivenn kek shoutlo yarro koy pashel. Rhan les pash o Debleskri rhačepaskri. Kava rhapen hi i Debleskro rhapen. Kokres i rashaya nay rhan les, oun kek vavar.

3. Mose 10:6

O Mose penas ap o Aron oun koleskre vavar douy čavende, o Elazar oun o Itamar: “Moukenn t'mare phralen, kol vavar Israelitaryen, te rovenn le kolenge, kay o baro Devel koy yagah maras. T'mer hounte moukenn gar t'mare balla ap t'maro shero divyes trouyel čiddo, oun hounte tserdenn gar t'mare koola an kotya, te sikrenn, har phares t'mare djia hi. Te krenn kova, hounte merenn. Oun o baro Debleskri rholi vell pral o tselo kheer Israel.

2. Mose 6:25

O Aroneskro čavo, o Elazar, las peske i romni. Kolakro dad his o Poutiel. Oun yoy las i čavo, o Pinhas. Kal phoure dadendar venna bare familye, yon hi lauter Levitarya.

Esra 7:4

koleskro dad o Zeraya, koleskro dad o Usi, koleskro dad o Boukki,

Esra 7:6

Kava morsh Esra djas vin dran o them Babilonia, te djal lo an o foro Yerusalem. Yob his i sikepaskro, oun djinas kol laba mishto, hoy an o Moseskre lila činlo hi. Kol laba das o baro Devel peskre menshende Israel. Oun har o Esra gomme an Babilonia his, rikras o baro Devel peskre vasta pral leste, oun kras, te das o baro ray o Esraes halauter, hoy yob lestar mangas.