Esra 6:9 - O Debleskro Lab 2024 (Sinte-Manouche)

⁹ Denn len ninna hako dives kol firhen, hoy len hounte vell, te anenn le len o bolepaskro Debleske: terne gourma, bakre oun terne bakre. Ninna djob, loon, mool oun djet denn len yaake boud har penenn t'menge lengre rashaya an o foro Yerusalem. Denn yak, te vell kova lende yaake sik dino, te hounte mangenn le gar.

O Debleskro Drom 2021 (Sinte)

⁹ Denn len ninna hako diwes kol viechen, hoi len hunte well, te anenn le len o bolepaskro Debleske: terne gurma, bakre un terne bakre. Ninna djob, loon, mool un djet denn len jaake bud har penenn tumenge lengre rashaja an o foro Jerusalem. Denn jak, te well kowa lende jaake sik dino, te hunte mangenn le gar.

Esra 6:9 Referans Kwoze

3. Mose 1:10

Te kamell yek i bakro oder i bouzni o baro Debleske te anell, te vell ko firho tseles leske rhačedo, palle anell lo i morshkano firho, hoy gar nasselo hi.

Markus 9:49

Hakeno, kay djal mantsa, hounte djivell peskro tselo djipen o Debleske. Kova hi yaake har pash i bakro, hoy o Debleske maredo oun rhačedo vella. Kova vell tseles rhačedo. Oun ap ko rhapen, hoy anenn le o Debleske, hounte čivan le loon pre. Kova sikrell: Ko rhapen hi o Debleske.

Jesaja 49:23

Oun bare raya venn touke koy oun lengre romya denn yak ap tire tikne čavende. Oun bare raya vitsrenn pen glan toute ap i phoub, oun čoumrenn i čik tire pirendar. Kote hayveh tou palle, te hom me o baro Devel. Oun kolla, kay dikenn ap mande, te vap ap lengri rig, dikenn gar čičeske ap mande.

1. Familjakro liil 9:29

Oun vavar lendar dan garda ap o yarro oun ap i mool oun o djet oun o soungepaskro koova.

3. Mose 9:2

oun penas ap o Aron: “Le touke i terno gouroum oun i morsh bakro, ko gouroum, te vell lo maredo, te vell i doosh krik lino, oun ko bakro, te vell lo maredo, oun leskro tselo mass o baro Debleske rhačedo. Kal douy hounte venn sasto. Kolla an glan o baro Debleste:

Esra 6:8

Me moukau t'menge ninna te penell, hoy t'mer lengre pralstunen hounte denn, te nay vell o Debleskro kheer pale pre-čiddo. Lenn dran o rayeskro bravlepen kol lovendar, hoy dren vell pash t'mende ap i vavar rig o panyestar Eufrat, oun denn len yaake boud, hoy len hounte vell, te hi len hako tsiro doha halauterestar.

Esra 6:10

Palle nay rhačrenn le kol firhen yaake o bolepaskro Debleske, te dikell lo lačes ap lende, oun yon nay mangenn lestar lačepen mange, miro djipen oun koleske mire čavendar.