Esra 6:21 - O Debleskro Lab 2024 (Sinte-Manouche)

²¹ Oun i Israelitarya, kay van dran o pandepen pale, rhan o Passa, oun lentsa khetne ninna i tsele vavar menshe an kava them, kay moukan pengre menshen, kay vavar deblen an-mangenn. Oun yon rikran pen kanna pash i Israelitaryen, te mangenn le kolengro Debles an. Kova hi o baro Devel.

O Debleskro Drom 2021 (Sinte)

²¹ Un i Israelitarja, kai wan dran o pandepen pale, chan o Passa, un lentsa khetne ninna i tsele wawar menshe an kau them, kai mukan pengre menshen, kai wawar deblen an-mangenn. Un jon rikran pen kanna pash i Israelitarjen, te mangenn le kolengro Debles an. Kowa hi o baro Dewel.

Esra 6:21 Referans Kwoze

Esra 9:11

kay tou kolenge penal, kay tire boudepangre, tire rakepangre his, te penenn le kova menge doureder. Tou penal menge: Ko them, kay t'mer koy venna, te lenn les t'menge, hi i pale-čiddo them. I menshe, kay kote djivenn, kran les pale-čiddo ko tselo djoungelo koveha, hoy le kran, har mangan le vavar deblen an. Lengre moule debla hi an o tselo them yek rigyatar bis ap i vavar.

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

Jesaja 52:11

Djan vin! Djan vin! Djan kotar vin, oun taprenn či an, hoy pale-čiddo hi! T'mer rashaya, kay hidjrenn o baro Debleskro koova, djan dran Babilonia vin, oun thovenn t'men yaake har glan činlo hi, te han djoudjo glan o Debleste!

Nehemia 9:2

Oun hakeno, kay i Israelendar hi, moukas kolen, kay gar peskre menshendar hi. Oun yon van glan o Debleste oun mangan pen tele, oun penan havi doosh yon oun pengre phoure ap pende anan.

Esra 9:1

Har kova halauter kerdo his, van i pralstoune pash mande oun penan: “I menshe dran Israel, i rashaya oun i Levitarya rikran pen gar pale i vavar menshendar, kay djivenn an kava them: kol Kanaanitarya, Hetarya, Perisarya, Yebousarya, Ammonarya, Moabarya, Egiptarya oun Amorarya. i Israelitarya krenn yaake djoungelo koova har kolla.

2. Korintarja 6:17

Doleske penell o Devel: Djan kolendar krik, kay sharenn vavar koova! Ma avenn lentsa khetne! Lenn či an t'mare vasta, hoy hi pale-čiddo glan mire yaka! Palle lau t'men kamles pash mande pre.

Ezekiel 36:25

Me vitsrau djoudjo pani ap t'mende, te venn djoudjo halauterestar, hoy kras t'men pale-čiddo. Ko tselo čilačepen, hoy ap t'mende anan, har mangan i rhorhene deblen an, thovau t'mendar tele.

Debleskri gili 93:5

Tiro lab hi o čačepen, oun tiro kheer hi hako tsiro touke kokres, baro Devel, yaake rah har i phoub koy hi.

Nehemia 10:28

Mallouk, Harim, Baana.