Esra 6:20 - O Debleskro Lab 2024 (Sinte-Manouche)

²⁰ Koleske thovan pen i Levitarya yaake har glan činlo his, te venn le djoudjo glan o Debleste. Oun hake morsha lendar his djoudjo oun maran i terne bakre, hoy venn Passa kharedo, lauterenge, kay van dran o pandepen pale, ninna lengre phralenge oun i rashayenge oun penge kokres.

O Debleskro Drom 2021 (Sinte)

²⁰ Koleske thowan pen i Levitarja jaake har glan tchinlo his, te wenn le djudjo glan o Debleste. Un hake mursha lendar his djudjo un maran i terne bakre, hoi wenn Passa kharedo, lauterenge, kai wan dran o pandepen pale, ninna lengre phralenge un i rashajenge un penge kokres.

Esra 6:20 Referans Kwoze

2. Familjakro liil 35:11

Oun yon maran i terne bakre, dan o rat i rashayende, oun kolla vitsran les troul i rhačepaskri. Oun i Levitarya tserdan i hauta tele.

Hebrearja 7:27

Yob hi gar har kol vavar bare rashaya, oun hounte anell gar hako dives i maredo firhes o Debleske, te vell peskri doosh krik lino. Ninna hounte anell lo gar i vavar menshenge marede firhen o Debleske, te vell lengri doosh krik lino. Na-a, yob kokres das peskro djipen an o merepen yek kopo hako tsireske.

2. Familjakro liil 29:34

Kote his gar doha rashaya, te tserdenn le i hauta kol tsele marede firhendar tele. Doleske van lenge lengre phrala, kol Levitarya, pash o vast, bis te i tseli boudi kerdo his, oun boudeder rashaya pen djoudjo kran o baro Debleske. [I Levitarya his sikeder koy pashel, te krenn le pen djoudjo o Debleske har i rashaya.]

2. Mose 12:21

Oun o Mose moukas i tsele phoureden i menshendar Israel pash peste te vell, oun penas ap lende: “Lenn t'menge t'mare familyenge bakre vin ko rhapaske, hoy kharella Passa! Marenn len!

2. Familjakro liil 35:14

Oun koy pal kran i Levitarya o rhapen penge oun i rashayenge; i rashayen dran o kheer Aron his yaake boud boudi kol tsele firhentsa, hoy van tseles rhačedo oun ko thulepah, hoy vas rhačedo, te kran i Levitarya penge oun i rashayenge ko rhapen.

2. Familjakro liil 35:15

Oun i gipangre dran o kheer Asaf ačan ap penge platse tardo. Yaake penas kova o David oun o Asaf oun o Heman oun o Yedoutoun, kova his o baro rayeskro dikepaskro. Ninna kol morsha, kay dan garda ap i tsele voudya, moukan gar pengre platse. Oun i Levitarya kran ninna lenge o rhapen.