Esra 5:11 - O Debleskro Lab 2024 (Sinte-Manouche)

¹¹ Oun kova hi, hoy yon menge penan: “Mer ham i boudepangre o Deblestar, kay kras o bolepen oun i phoub, oun čivah kava kheer pale pre, kay glan boud bersha kate tardo his, oun koles i baro zorelo ray dran o them Israel moukas pre te čivell. Yaake his ko kheer shoukar koy tardo.

O Debleskro Drom 2021 (Sinte)

¹¹ Un kowa hi, hoi jon menge penan: “Mer ham i budepangre o Deblestar, kai kras o bolepen un i phub, un tchiwah kau kheer pale pre, kai glan bud bersha kate tardo his, un koles i baro sorelo rai dran o them Israel mukas pre te tchiwell. Jaake his ko kheer shukar koi tardo.

Esra 5:11 Referans Kwoze

Galatarja 6:14

Me djinau yek: An kek tsiro kamau me te sharap man. Me sharau ko troushel kokres, kay maro ray, o Yezous Kristo, meras. Kanna hi mange kova lauter bouder či moldo, hoy i menshenge yaake boud moldo hi. Me nashau ko koova bouder gar palla.

Remarja 6:16

T'mer djinenna: Koon t'maro ray hi, ap koleste hounte shounenn. Koleskre boudepangre han t'mer. Te shounenn t'mer ap o čilačepen, palle hi o čilačepen o ray pral t'mende, oun t'mer merenna. Te shounenn t'mer ap o Debleste, palle krell lo t'men čačo.

Remarja 1:16

Me ladjau gar glan i menshende, te penap lenge o lačo lab o Yezous Kristestar. An kava lab hi o Debleskri zoor. Oun o Debleskri zoor lell kolen dran o čilačepen oun o merepen vin, kay ap ko lab patsenna, – i bibolden oun kolen, kay kek bibolde hi.

Bičepangre 27:23

Kay rat vas i bolepaskro pash mande. Koles bičras miro Devel, koleske boudrau.

Louka 12:8

Me penau t'menge: Koon glan i menshende penella: O Yezous hi miro ray! kolestar penau me glan o Debleskre bolepangre: Yob hi miro.

Mateo 10:32

Me penau t'menge: Koon glan i menshende penella: O Yezous hi miro ray! kolestar penau me glan miro dadeste an o bolepen: Yob hi miro!

Jona 1:9

Oun yob penas ap lende: “Me hom i Hebreari oun mangau o baro Debles an, ko Devel pral o bolepen, kova kay kras o baro pani oun ninna o them.”

Daniel 3:26

Oun o Neboukadnezar djas pash ko voudar ko bobestar oun das gole: “Shadrak, Meshak oun Abed-Nego, t'mer boudepangre o pralstouno Deblestar, avenn koy vin, oun venn pash mande!” Oun o Shadrak, o Meshak oun o Abed-Nego djan vin dran i yag.

Debleskri gili 119:46

Glan i bare rayende rakrau kolestar, hoy tou menge penal, hoy te kras mer, oun ladjau man gar.

Josua 24:15

Hi t'menge gar mishto an t'mare yaka, te mangenn o baro Debles an, palle rodenn kava dives kate vin, kones t'mer kamenn an-te-mangell: Kol deblen, kolen t'mare phoure an-mangan, har yon gomme ap i vavar rig o lengsto panyestar his, oder kol rhorhene deblen, kolen i Amorarya an-mangenn, an kolengro them t'mer kanna djivenn. Me oun miro kheer, mer kamah o baro Debles an-te-mangell.”

1. Rajengro liil 6:38

Oun an o deesh-te-yekto bersh an o čon Bul, – kova hi o orhtato čon – his o kheer kerdo. Oun lauter his yaake har hounte vals kova. Oun yon boudran efta bersha ap leste.

Esra 5:10

Oun ninna poučam mer lendar pal lengre laba, yaake te nay činas mer len pre oun nay penas touke, koon i pralstoune pral kay boudi hi.

Debleskri gili 136:26

Sharenn o Debles pral o bolepen! Leskro lačepen ačella hako tsireske!

1. Mose 24:3

oun de tout sovel ap o baro Debleste, ap o Debleste pral o bolepen oun i phoub, te less miro čaveske kek romyat, kay vell kate dran o them Kanaan.

1. Rajengro liil 9:10

Biish bersha boudran o Salomeskre boudepangre ap kol douy khera, ap o baro Debleskro kheer oun ap o baro rayeskro kheer.