Esra 3:5 - O Debleskro Lab 2024 (Sinte-Manouche)

⁵ Pal ko tsiro anan le hako dives kol firhen, kay van taysarlake oun ratsyake rhačedo o baro Debleske. Oun ninna ap hako nevo čon oun ap i vavar bare divessa anan le firhen o baro Debleske. Oun dan ninna kova, hoy yek pestar kamas te dell o baro Debleste.

O Debleskro Drom 2021 (Sinte)

⁵ Pal ko tsiro anan le hako diwes kol viechen, kai wan taissarlake un ratsjake chatchedo o baro Debleske. Un ninna ap hako newo tchon un ap i wawar bare diwessa anan le viechen o baro Debleske. Un dan ninna kowa, hoi jek pestar kamas te dell o baro Debleste.

Esra 3:5 Referans Kwoze

4. Mose 29:39

Kova halauter hounte anenn t'mer o baro Debleske ap kol bare divessa, kay venn khetne glan leste. Koy pashel vell kova, hoy denn leste hakeno pestar, ninna kova, hoy dan t'men sovel, te denn les kova: firhe, hoy venn leske tseles rhačedo, djob oun mool, ninna firhe, hoy rhan t'mer khetne glan leste.

5. Mose 12:17

Kolestar, hoy o baro Debleske hi, ma rhan: ko deshto t'maro djobestar, molyatar oun djetestar, vitar gar kol groumya oun bakre, hoy i phoureder lengre dayendar hi, vitar gar kova koleske t'men sovel dan, oun kova hoy kamenn t'mendar kokres te dell, oun ko vavar koova, hoy glan činlo hi.

5. Mose 12:6

Oun kote anenn kol firhen, hoy kamenn leske te marell, save, hoy venn leske tseles rhačedo, oun save, kolengro rat leske rhačedo vell. Kote anenn ninna o deshto kotar kolestar, hoy t'menge dren anan, oun ko vavar koova, hoy glan činlo hi, oun kova hoy denna yaake, har t'men sovel dan, ninna kova, hoy hakeno pestar della, oun save bakre oun gourma, kay i phoureder lengre dayendar hi.

4. Mose 29:13

oun rhačrenn leske firhen. Oun o lačo soungepen, hoy djal pre, te venn le rhačedo, soungella mishto o baro Debleske. Ap o ersto dives rhačrenn leske deesh-te-triin terne morsh groumya, douy morsh bakre, oun deesh-te-star yek-bershengre bakre, kay gar nasselo hi.

4. Mose 29:8

Ap ko dives rhačrenn o Debleske firhen. Oun o lačo soungepen, hoy djal pre, te venn le tseles rhačedo an i yag, soungella mishto o baro Debleske. Kalla hi kol firhe, hoy hounte rhačrenn: yek terni morsh groumni, yek morsh bakro, efta yek-bershengre bakre, kay gar nasselo hi.

4. Mose 29:2

Oun t'mer hounte rhačrenn firhen o Debleske. Oun ko lačo soungepen, hoy pre djal, te venn le rhačedo, soungella mishto o baro Debleske. Kolla hi kol firhe, hoy hounte rhačrenn leske tseles: yek terni morsh groumni, yek morsh bakro, oun efta yek-bershengre bakre, kay gar nasselo hi.

4. Mose 28:27

Oun hounte rhačrenn o baro Debleske douy terne morsh groumya, yek morsh bakro, oun efta yek-bershengre bakre, kay gar nasselo hi. Oun o lačo soungepen, hoy djal pre, te vell kova halauter rhačedo an i yag, soungella mishto o baro Debleske.

4. Mose 28:19

Oun hounte rhačrenn o baro Debleske douy terne morsh groumya, yek morsh bakro, oun efta yek-bershengre bakre, kay gar nasselo hi.

4. Mose 28:14

Oun koy pashel čorenn mool vin o Debleske: douy litarya pash haki terni morsh groumni, yek-te-paash litarya pash i morsh bakro, oun yek litari pash hako terno bakro. Kava vell rhačedo hako nevo čon.

3. Mose 1:3

Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

Esra 3:6

O ersto kopo har anan le firhen, te venn le rhačedo o baro Debleske, his ap o ersto dives an o eftato čon. An ko tsiro his i telstoune barra o baro Debleskro khereske gomme gar čiddo.

Jeremia 33:18

Oun hako tsiro hi rashaya koy dran o kheer Levi, kay rhačrenn mange hako dives firhen oun rhapen, save firhe, hoy tseles rhačedo venn oun vavar, kolendar kotya mass rhačedo venn.

3. Mose 1:2

Rake i Israelentsa oun pen lenge: Te kamell i mensho t'mendar i firhes o baro Debleske te anell, palle lell lo yekes peskre groumyendar, peskre bakrendar oder peskre bouzyendar.

3. Mose 23:2

Pen ap i Israelitarya: Kalla hi i bare divessa, kay venn t'mer khetne, te vell o baro Devel sharedo.

2. Familjakro liil 31:14

Oun yek Levitari, o Kore, koleskro dad o Yimna his, yob das yak ap o voudar ap koy rig, kay o kham pre djala, oun vas kanna dren čiddo te dell lo garda ap ko koova, hoy i menshe pendar o baro Debleske dan. Oun yob hounte das kova ap i rashayende oun i Levitaryen vin, hoy lengro kotar hi, ninna kol kotya mass, hoy kokres i rashayenge his.

Nehemia 10:34

Ko roup hi i marenge, hoy o Debleske koy čiddo venn, oun ko rhapaske oun kol firhenge, hoy venn leske rhačedo hako dives; ninna kolenge, kay venn o Debleske anlo ap hako Debleskro dives, oun ap hako nevo čon oun ap i vavar bare divessa. Ko roupeha vell ninna o vavar koova playsedo, hoy denn le o Debleske, ninna kol firhe, hoy venn rhačedo, te vell i Israelengri doosh krik lino, oun i tseli boudjake an maro Debleskro kheer.