Esra 10:12 - O Debleskro Lab 2024 (Sinte-Manouche)

¹² Oun lauter penan zoryah, har yek morsh: “Yaake har tou penal, yaake krah kova!”

O Debleskro Drom 2021 (Sinte)

¹² Un lauter penan sorjah, har jek mursh: “Jaake har tu penal, jaake krah kowa!”

Esra 10:12 Referans Kwoze

Debleskri gili 78:57

Yon peran lestar tele. Oun yaake har lengre phoure menshe kran, kran yon ninna, oun kaman o Deblestar bouder či te djinell. Či-moldo his le har i bogo, koleskri dori bouder gar zorelo hi.

Debleskri gili 78:37

Pengre djiyentsa his le gar pash leste, oun ap leskre laba, hoy le leha vin kran, rikran le gar pengro tselo djiyeha.

Nehemia 13:23

An ko tsiro dikom me bibolden, kay lan penge romyen dran o Filistarengro foro Ashdod, ninna dran i themma Ammon oun Moab.

Esra 10:11

Oun kanna, penenn t'mari doosh leske, ko baro Debleske t'mare phourendar! Oun krenn, hoy yob kamella, oun rikrenn t'men pale kol vavar menshendar, oun bičrenn t'mare romyen, kay lendar hi, t'mendar krik!”

Esra 10:13

Oun yon penan palle: “Dik, mer ham yaake boud menshe, oun kanna hi brishinengro tsiro, oun mer nay ačah gar halauter vin tardo an o brishin. Ninna hi ko koova gar an yek, douy divessa kerdo, yaake boud mendar anan an kava koova doosh pral mende.