Esra 1:5 - O Debleskro Lab 2024 (Sinte-Manouche)

⁵ Kote kran le pen ap o drom, te čivenn le o baro Debleskro kheer pale pre an o foro Yerusalem. Kolla, kay djan, his i pralstoune pengre familyendar dran Youda oun Benyamin, ninna i rashaya oun i Levitarya, halauter kolla, kolenge o Devel o dji pre kras, te djan le kote.

O Debleskro Drom 2021 (Sinte)

⁵ Kote kran le pen ap o drom, te tchiwenn le o baro Debleskro kheer pale pre an o foro Jerusalem. Kolla, kai djan, his i pralstune pengre familjendar dran Juda un Benjamin, ninna i rashaja un i Levitarja, halauter kolla, kolenge o Dewel o dji pre kras, te djan le kote.

Esra 1:5 Referans Kwoze

Esra 1:1

An o ersto bersh, kay o Cyrus o baro ray pral o them Persia his, kras o baro Devel, te vas ko lab čačo, hoy lo ap o Yeremia rakras, oun kova i menshenge doureder penas. O baro Devel das o baro rayeske, o Cyrus an o dji, te moukell lo an peskro tselo them vin te kharell oun i lilendar halauterenge te penell:

Filiparja 2:13

Yob sikrell t'men, hoy yob kamella. Ninna krell lo an t'mende, te kamenn t'mer kova, hoy yob kamella, oun te nay krenn kova ninna.

2. Korintarja 8:16

Me parkrau man pash o Debleste, te das yob maro phrales, o Tites, i baro dji t'menge.

Nehemia 2:12

krom man rati pre, lom douy, triin morshen mantsa, oun penom kek mensheske, hoy miro Devel mange an o dji čivas, te krap me o foreske Yerusalem. Oun his kek gray pash mande, har ko yek ap koleste me klissom.

2. Familjakro liil 36:22

An o ersto bersh, kay o Cyrus o baro ray pral o them Persia his, kras o baro Devel, te vas ko lab čačo, hoy lo ap o Yeremia rakras, oun yob i menshenge doureder penas. O baro Devel das o baro rayeske, o Cyrus an o dji, te moukell lo an peskro tselo them vin te kharell oun i lilentsa halauterenge te penell:

3. Johanni 1:11

Lačo phraal, ma kre o čilačepen palla! Kre o lačepen! Kova, kay krell lačo koova, vell o Deblestar. Kova, kay o čilačepen krella, kova prindjrell o Debles gar.

Gosewe laba 16:1

O mensho lell pes čomone glan an peskro dji. Hoy čačepah vella, penell o baro Devel.

Esra 1:2

Yaake rakrell o Cyrus, ko ray pral o them Persia: O baro Devel an o bolepen das man i tsele themma ap kay phoub. Oun yob penas mange, te krap leske i kheer an o foro Yerusalem an o them Youda.

Esra 1:4

Oun hakeno, kay pral ačas o Debleskre menshendar, kay lo ninna djivell an kava them, koleske hounte venn kolla ap i rig, pash kolende yob djivell, oun hounte denn les roup oun sonakay oun firhe oun vavar lačo koova. Oun hoy hakeno pestar kamell te dell, te vell o baro Debleskro kheer pre-čiddo an o foro Yerusalem, kova hi hakeneskro koova kokres.

Haggai 1:14

Oun o baro Devel čivas lenge an o dji, te boudrenn le ap o baro Debleskro kheer. Oun yaake vas o Zorobabel, ko pralstouno pral o them Youda, koleskro dad o Shealtiel his, oun o Yeshoua, ko rashay, koleskro dad o Yozadak his, oun kol tsele menshe, kay gar pandles krik anlo van, te boudrenn le ap o kheer o baro Deblestar, ko rayestar pral o bolepen oun i phoub.