Efesarja 6:18 - O Debleskro Lab 2024 (Sinte-Manouche)

¹⁸ Rakrenn hako tsiro o Debleha! Mangenn lestar kova, hoy o Debleskro Dourho an t'mare djia čivella! Ma moukenn tele te mangell les i tsele patslenge!

O Debleskro Drom 2021 (Sinte)

¹⁸ Rakrenn hako tsiro o Debleha! Mangenn lestar kowa, hoi o Debleskro Ducho an tumare djia tchiwella! Ma mukenn tele te mangell les i tsele patslenge!

Efesarja 6:18 Referans Kwoze

1. Tessalonikarja 5:17

Mangenn o Debles hako tsiro!

Kolossarja 4:2

Ma moukenn tele, te mangenn o Debles! Parkrenn t'men hako tsiro pash leste!

Filiparja 4:6

Ma darenn či! Hako tsiro mangenn o Deblestar, hoy t'men hounte vell, oun penenn leske lauter, hoy ap t'maro dji hi! Oun parkrenn t'men pash leste!

1. Timoteo 2:1

Me penau t'menge kanna, hoy hounte krenn oun gar moukenn: Mangenn o Debles i tsele menshenge! Penenn leske lauter, hoy ap t'maro dji hi! Parkrenn t'men pash o Debleste lautereske, hoy yob das!

Judas 1:20

T'mer, mire phrala oun phenya, ačenn zoreles an t'maro patsepen, hoy das t'men o Devel. Oun mangenn les yaake, har leskro Dourho an t'mende kamell.

Markus 14:38

Ma sovenn dren! Mangenn o Deblestar, te perenn gar miro dromestar tele! T'men kokres hi kek zoor, te ačenn pash mande, ninna te kamell kova t'maro dji.”

Louka 21:36

Denn yak hako tsiro! Mangenn o Deblestar, te venn t'mer zorelo an o patsepen tardo, oun venn mishto vin dran ko čilačo tsiro, hoy vella! Yaake hounte trashenn t'mer gar o Menshengro Čavestar, te vell lo pale.”

Mateo 26:41

Ma sovenn dren! Mangenn o Deblestar, te perenn gar miro dromestar tele! T'men kokres hi kek zoor te ačenn pash mande, ninna te kamell kova t'maro dji.”

Daniel 9:20

Oun har me yaake miro baro Debleha rakrom, oun man tele mangom, oun leske miri doosh oun i doosh mire menshendar Israel penom, oun me glan leste troul o Debleskri berga rovom,

Efesarja 1:16

Doleske parkrau man hako tsiro pash o Debleste t'menge, oun mangau lestar,

Debleskri gili 6:9

Djan t'menge, t'mer lauter, kay han čilačes! O baro Devel shounas miro ropen.

Remarja 12:12

Avenn barhtele oun dikenn ap o lačepen, hoy ap t'mende vella an ko tsiro, hoy vella! Te vell t'maro djipen pharo, rikrenn vin! Mangenn o Debles hako tsiro!

Markus 13:33

Denn yak! Rikrenn t'mare yaka pre! T'mer djinenn gar, kaana hi ko tsiro kay.

1. Petro 4:7

Ko tsiro vella sik, kay či ačella, hoy kanna koy hi. Doleske denn garda, har t'mer djivenna, te rikrell t'men či pale, te rakrenn o Debleha!

Bičepangre 1:14

Kalen lauteren his yek dji oun yek djipen oun mangan o Debles an. Pash lende his ninna djouvya, oun i Maria, o Yezouseskri day, oun o Yezouseskre phrala.

Louka 22:46

penas lo ap lende: “Hoske sovenn t'mer? Stenn pre oun mangenn o Deblestar, te nay anell t'men či o Debleskro dromestar tele!”

Debleskri gili 4:1

I gili o rayeske pral i gipangre, te givell pash o bashepen ap i doryengri bashepaskri. O David kras kay gili.

Hebrearja 5:7

Har o Yezous ap i phoub djivas, kras lo lauter, hoy o Devel kamas. Doleske shounas les o Devel. An i daar mangas o Yezous o Debles i ropah oun bari golyah. Yob djinas, kova nay lell les dran o merepen vin.

2. Timoteo 1:3

Hako dives oun haki rati moukau gar tele, te parkrap man pash o Debleste touke, oun te mangap o Debles touke. Yob hi kova, koleske boudrau me o djoudjo djiyeha, yaake har ninna mire phoure kova kran.

Filiparja 1:4

Oun hako tsiro, kay mangau o Debles t'menge lauterenge, hom barhtelo pral t'mende.

1. Rajengro liil 8:52

Baro Devel, maro ray, dik hako tsiro lačes ap tire menshende Israel oun ap lengro baro ray, oun shoun lengro mangepen hako tsiro, kay mangenn le tout, te vess ap lengri rig! Tou rodal len vin dran hake natsyone, te venn le tire menshe, yaake har rakral dran o mouy o Mosestar, koles tiro čačo vast his, an ko tsiro, kay anal mare phouren dran o them Egiptia.

1. Rajengro liil 9:3

Oun o baro Devel penas leske: Me shounom, har man an-mangal, oun har mandar mangal, te dikap lačes ap toute. Yaake rodom kava kheer mange vin, hoy tou kral, te djivap kote hako tsiro. Me dau garda koy pre. Kote krau miro dji t'menge pre.

1. Rajengro liil 8:54

Oun har o Salomo o baro Deblestar yaake mangas, his lo čiddo ap peskre čanga glan o Debleskri rhačepaskri oun rikras peskre vasta an o bolepen. Har yob halauter penas, hoy yob kamas te penell, stas lo pre oun las ninna peskre vasta pale tele.

Efesarja 6:19

Mangenn mange ninna, te dell o Devel man i čače laba, oun te darap gar i menshendar, te sikrap lende o Debleskro drom oun penap lenge kova, hoy djinenn le gar.

Bičepangre 12:5

Har o Petro an o stilepen his, mangan i tsele patsle pengro tselo djiyeha o Debles leske ap i rati oun ap o dives.

Hosea 12:4

Har lo an o per peskri datar his, rhorhras lo peskro phrales. Oun har lo i morsh vas, kouras lo pes o Debleha.

Daniel 6:10

Yaake moukas o baro ray kava lab pre te činell oun čivas peskro lab tele.

Jesaja 26:16

Baro Devel, an o pharo tsiro rodan tire menshe tout. Har dal len i phagi, dan le darenes ap toute gole.

1. Rajengro liil 8:59

Mou venn kal laba oun hoy lestar mangom, maro baro Debleske an o shero, ap o dives oun an i rati, te dell lo men čačepen hako tsiro, man, kay leskro boudepaskro hom, oun ninna leskre tsele menshende Israel.

Filemon 1:5

Me shounom, kay tou kameh i tsele patslen o djiyestar. Oun tou patseh ap maro rayeste, o Yezouseste, yaake har mer ap leste patsah. Me mangau o Deblestar, te vell tiro patsepen yaake zoreles an toute, te hayvess tou boud oun boudeder har baro o lačepen hi, hoy das men o Yezous Kristo.

Zakarie 12:10

O Davideskre menshenge oun i menshenge an Yerusalem krau lengre djia pre, te venn le kamles yek ap o vavareste oun mangenn mandar lačepen. Oun yon dikenn ap koleste, kay dan le an i rig čourye. Oun yon denn gole i ropah pral leste, har yek pral peskro moulo čaveste gole dell, koles kek vavar čave hi, oun har rovenn i menshe pral pengro phoureder čavo, kay meras.

Hiob 27:10

Yob hi gar savo mensho, kay hatsell peskri barht pash o zorelo Debleste, oun dell hako tsiro gole ap leste.

Ester 4:8

Oun o Mordekay das les i liil peha, kay kol laba tele činlo his, hoy an o foro Susa ap i kasht dino his, kay tardo hi, te venn i bibolde maredo. Kava liles te sikrell lo i Esterake, oun te penell lo lake lauter, oun mangell latar, te djal li pash o baro rayeste dren, oun mangell les i ropah, te krell lo peskro dji pre lakre menshenge.

Bičepangre 10:2

Kova his i lačo morsh oun patsas ap o Debleste peskre tsele menshentsa. Yob das boud i čorvelende, oun mangas o Debles hako dives an.

Bičepangre 6:4

Mer kamah o Debles an-mangell, oun i menshenge o Debleskro lab te penell.”

Efesarja 3:18

Yaake nay hayvenn t'mer i tsele patslentsa, har baro o Yezous Kristeskro dji t'menge hi,

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Remarja 8:15

O Devel das t'men gar peskro Dourho, te darenn lestar, har i boudepangre darenna pengro rayestar. Na-a, t'mer han o Debleskre čave. Oun o Debleskro Dourho krell, te penah mer: “Tata” ap o Debleste.

Efesarja 2:22

Ninna t'mer djivenn o Yezous Kristeha khetne. Doleske han t'mer ninna har barra an o Debleskro kheer, kay o Debleskro Dourho djivella.

Louka 3:37

o Matusalem, o Henok, o Yered, o Mahalalel, o Kenan,

Galatarja 4:6

Kanna ham leskre čave. Doleske das o Devel peskro čaveskro Dourho an mare djia. Kova dell gole: Tata, miro dad!

Louka 3:26

o Mahat, o Matatias, o Shimi, o Yosek, o Yoda,

Kolossarja 1:3

Mer shounam, har t'mer patsenn ap o Yezous Kristeste, oun har t'mer i tsele patslen o djiyestar kamenna. Doleske parkrah men t'menge pash o Debleste hako tsiro, kay mangah les t'menge. Yob hi o dad maro rayestar, o Yezous Kristestar.

1. Samuel 1:12

Oun har yoy i rah tsiro o baro Debleha rakras, das o Eli yak ap lakro mouy.