Efesarja 5:11 - O Debleskro Lab 2024 (Sinte-Manouche)

¹¹ Ma djan ap o čilačo drom kolentsa, kay krenna, hoy či moldo oun čilačo hi! Sike lende, har čilačo kova hi!

O Debleskro Drom 2021 (Sinte)

¹¹ Ma djan ap o tchilatcho drom kolentsa, kai krenna, hoi tchi moldo un tchilatcho hi! Sike lende, har tchilatcho kowa hi!

Efesarja 5:11 Referans Kwoze

Remarja 13:12

Kava tsiro kanna hi har i rati. Sik hi i rati bouder gar kay. Oun o dives vella. Dran kova djivas gar har i menshe, kay djivenn an i rati. Te kras bouder gar čilačo koova! Kanna hounte kras mer kova, hoy mishto hi, te vell o čilačepen gar o ray pral mende.

1. Timoteo 5:20

Kolla, kay kran čilačo koova, kolen dess trad glan lauterende, te vell kol vavaren daar.

2. Tessalonikarja 3:6

Mire phrala, an o lab maro rayestar, o Yezous Kristestar, penah t'menge zoreles: Rikrenn t'men kol phralendar krik, kay kamenn gar te boudrell! Yon djivenn gar yaake, har mer t'menge penam.

Remarja 16:17

Mire phrala, me mangau t'men, denn yak, te shounenn t'mer gar ap kolende, kay anenn čingepen mank i patslende oun sikrenn o Debleskro drom vavarčandes har kova, hoy t'mende siklo vas, oun krenn t'maro patsepen paash! Rikrenn t'men lendar pale!

Debleskro tsiro 18:4

Oun me shounom, har yek vavar dran o bolepen rakras oun penas: “Mire menshe! Djan dran ko foro vin, te lenn t'mer gar leskri doosh oun leskri bibarht ap t'mende!

Tito 2:15

Pen kava lauter i patslenge! Rake an lengre djia! Te krenn le čomone, hoy gar mishto hi, pen les lenge an o Debleskri zoor! Hakeno hounte shounell ap toute.

2. Tessalonikarja 3:14

Yek te krell kova gar, hoy mer an kava liil činam, penenn kova i vavar patslenge, oun rikrenn t'men lestar pale, te vell i ladj pral leste!

Remarja 6:21

Kova, hoy kran, his či moldo. T'mer kran savo koova, koleske kay dives ladjenn t'men. Savo koova anell an o merepen dren.

2. Timoteo 4:2

Pen i menshenge o Debleskro lab! Kre kova oun mouk gar tele, ninna te kamenn i menshe kova gar te shounell! Sike len lengri doosh! De len trad, te moukenn le o čilačepen! Kre lengre djia zoreles an o patsepen! Oun ab gar khino, te sikress len o čačo drom!

2. Timoteo 3:5

Kolla krenn yaake, har te vans le patslo. Yon prindjrenn gar koy zoor, hoy vell dran o čačo patsepen. Rike tout save menshendar pale!

Galatarja 6:8

Koon krella, hoy leske kokres mishto hi, koleskro djipen ačell gar. Koon krella, hoy o Debleskro Dourho leske penella, kova lell o Debleskro djipen, hoy gar pre-herella.

Gosewe laba 29:1

Koon moukell pes či te penell, oun djal hako tsiro pal peskro shero, savo vella ap yek kopo phagedo, oun kek hi palle koy, kay hadell les pale pre.

Gosewe laba 13:18

An čorvlepen oun ladj vell kova, kay moukell pes či te penell. An-diklo vell kova, kay shounell, te vell lo trad dino.

3. Mose 19:17

Te rhoyral tout pral yekeste tire menshendar, ma hidje tiri rholi touha trouyel. Pen leske, hoy lo gar mishto kras, te aness kek doosh ap toute.

1. Tessalonikarja 5:7

Koon sovella, sovell an i rat. Oun koon kamell pes mato te piyell, krell kova ninna an i rati.

Louka 3:19

Oun o Herodes, ko baro ray pral o them Galilea, las peskro phraleskri romyat, i Herodia, oun kras vavar čilačo koova. Oun o Yohanni penas leske: “Kova hi čilačo, hoy tou kral.”

Efesarja 5:7

Rikrenn t'men kolendar pale, kay kova lauter krenna!

Efesarja 4:22

Ma djivenn bouder gar t'maro phouro djipen! An t'maro phouro djipen vas o čilačo koova baro an t'mare djia, oun t'mer kran, hoy t'menge gar mishto hi. Savo koova krell t'maro djipen paash.

Jesaja 29:21

kolla, kay rhorhepah doosh ap i vavarende anan, oun rhorhenn i čačepangre morshen, oun anenn len pengre rhorhene labentsa yaake dour, te denn le kek čačepen koleste, kay kek doosh ap leste hi.

Gosewe laba 25:12

I gosevo mensho, kay trad dell, oun i kand, hoy ap leste shounell, kolla hi har i sonakaskri goustri oun i sonakaskri verkli troul i meen.

Debleskri gili 141:5

Lače menshe mou denn man i phagi, oun čingrenn mantsa an o lačepen. I čilačendar kamau gar, te sharenn le man. Oun me mangau o Deblestar, te krenn le mange kek čilačepen.

1. Mose 20:16

Oun ap i Sara penas yob: “Shoun, me dom tiro phrales 1.000 (yek zero) roupene beme. Kol love sikrenn kolende, kay pash toute hi, kay tou hounte ladjess gar. Yaake hal tou čačo glan i menshengre yaka.”

Gosewe laba 19:25

Te deh tou yekes, kay pral halauter sal, palle venn kolla gosevo, kolen či an o shero hi. Oun te čingreh koleha, kay hayvell, hoy mishto oun gar mishto hi, palle hayvell lo gomme boudeder.

Gosewe laba 15:12

O pre-phourdo rhoyrell pes pral koleste, kay leske penell, hoy lo gar mishto kras. Oun yob djal gar pash kolende, kay gosevo hi.

Mateo 18:15

Te krell tiro phraal čilačo koova ap toute, palle dja pash leste kokres, oun pen leske, kay kova gar mishto hi, hoy yob kras. Oun te dikell lo, kay kova čačo hi, hoy tou leske penal, palle anal tou tiro phrales pale ap miro drom.

Jeremia 15:17

Me nay hom gar vavar menshentsa barhteles khetne beshdo, oun sau lentsa, tou čival tiro vast ap mande, oun hom kokres. Tiri rholi pral kal menshende vas ninna an mande.

Gosewe laba 1:31

Doleske hounte rhan le, hoy ap lengre dromma bares vas. oun venn čalo kolestar, hoy an lengre sherya trouyel djas.

1. Timoteo 6:5

Savo čingepen djal doureder oun doureder. Kolla, kay krenn kova, hi nasselo an o shero oun hayvenn bouder gar, hoy o čačepen hi. Yon patsenna, te nashte lenn le boud love khetne, te krenn le, hoy o Devel kamella.

Gosewe laba 1:10

I čilače, te penenn le: Dik, hoy krah! Palle dja gar koy!

Gosewe laba 28:4

Kolla, kay moukan o Debleskro drom, sharenn i čilačen. Kolla, kay djan ap o Debleskro drom, kourenn pen lentsa.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

Efesarja 5:12

Kova, hoy yon čorrhanes krenna, hi yaake djoungelo, te hounte ladjell kova pes, kay kolestar rakrella.

Kolossarja 1:12

Parkrenn t'men o tselo djiyestar pash o Debleste, kay hi t'maro dad an o bolepen! Yob kras t'men moldo, te djivenn t'mer khetne i vavar patslentsa pash leste an o bolepen, kay hi kek tamlepen.

1. Timoteo 5:22

Ma čip sik tire vasta ap yekeste pre! De yak, te vell i doosh i vavarestar gar ap toute! Rike tiro dji djoudjo!