Efesarja 4:14 - O Debleskro Lab 2024 (Sinte-Manouche)

¹⁴ Palle ham bouder gar har tikne čave, kay lauter patsenna, kava dives yaake oun ko vavar dives vavarčandes. Oun mer shounah bouder gar ap kolende, kay rhorhenna, oun kamenn men o čačo dromestar tele te anell.

O Debleskro Drom 2021 (Sinte)

¹⁴ Palle ham buder gar har tikne tchawe, kai lauter patsenna, kau diwes jaake un ko wawar diwes wawartchandes. Un mer shunah buder gar ap kolende, kai chochenna, un kamenn men o tchatcho dromestar tele te anell.

Efesarja 4:14 Referans Kwoze

Hebrearja 13:9

Te hi menshe koy, kay sikrenn t'men vavar dromma oun kamenn t'men o Debleskro dromestar tele te anell, palle patsenn lenge gar! Har shoukar hi kova, te venn t'mer zorelo an o dji! Kova krell o Devel, kay hi yaake lačo ap t'mende. Kolla, kay penenn t'menge, hoy te rhan oun hoy te rhan gar, kolla nay krenn gar t'maro patsepen zoreles. Lengre laba hi či moldo.

1. Korintarja 14:20

Mire phrala, ma avenn har tikne čave, kay gomme gar boud djinenna. Avenn gosevo har i phoure! Pash čilačo koova, avenn har tikne čave, hoy o čilačepen gar hayvenna!

1. Johanni 4:1

Lače phrala oun phenya, ma patsenn hakenes, koon penella, te hi les o Debleskro Dourho! Dikenn ap leskro rakepen, te djinenn t'mer, te vell kova čačepah o Deblestar! Boud rhorhene rakepangre nashenn ap i phoub trouyel. Kolla penenna i menshenge, te vell lengro rakepen o Deblestar. Kova hi gar čačo.

2. Korintarja 2:17

Boud rakepangre penenn o Debleskro lab, te lenn le i menshenge love lendar tele. Yaake ham mer gar. Mer penah o Debleskro lab čičeske. Kova krah o Yezous Kristeske. Mare laba venna o Deblestar. Oun yob shounell, hoy rakrah.

Jakobo 1:6

Tou te mangeh, hounte patsess, kay leh kova ninna. Te patseh tou kova gar, hal tou har i pani, kay phourdell i zorelo dourho pral oun tradell les kate te kote.

Efesarja 6:11

O beng kamell t'men an peskro vast te lell. Doleske rivenn kol koola ap t'mende, hoy dell o Devel t'mende, te ačenn nay zoreles tardo an o kourepen o bengeha!

Mateo 24:24

Boud rhorhene morsha penenn ap t'mende: Me hom ko baro ray, kolestar o Devel penas, te vell yob. Oun rhorhene rakepangre penenna: Me hom o Debleskro bičedo. Oun yon krenna baro oun zorelo koova, hoy i mensho nashte krell gar dran peskri zoor. Kova krenn le, te anenn le i menshen o čačo dromestar tele. Te djals kova, anans le ninna kolen o Debleskro dromestar tele, kolen o Devel peske vin rodas.

2. Timoteo 4:3

Vell i tsiro, kay kamenn le o Debleskro čačepen bouder gar te shounell. Yon djivenna, har yon kamenna, oun rodenn penge save sikepangre, kay kova len sikrenna, hoy yon kamenn te shounell.

Judas 1:12

Kol menshenge hounte ladjenn t'men. Te venn t'mer khetne, te piyenn oun te rhan, palle rhan yon pen thoulles pash t'mende oun ladjenn pen gar. Yon dikenn ap pende kokres, te djal lenge kokres mishto. Yon krenn bare laba, hoy či moldo hi. Yon hi har rouka, ap kolende či baro vella, vitar kek patria, oun kay hi tseles moulo oun venn tele dino.

Debleskro tsiro 19:20

Oun ko firho vas tapedo, ninna leskro rhorheno rakepaskro. Ko rakepaskro kras boud baro koova, oun anas kolen ap o bengeskro drom, kay o firheskro lab ap pende lan, oun ko firhes an-mangan, hoy i menshendar kerdo vas. Oun djides van kol douy an i bari yag vitsedo, hoy zoreles rhačella oun khandella.

Galatarja 3:1

Hoske kamenn t'mer patsle an Galatia kova gar te hayvell? Koon kras t'menge dinelo? T'menge vas o Yezouseskro merepen ap o troushel yaake penlo, har te dikans kova t'mare yakentsa!

Mateo 24:11

Ninna venna boud rhorhene rakepangre oun penenna, te hi le bičedo o Deblestar. Kolla anenn boud menshen o čačo dromestar tele.

1. Johanni 2:26

Kava činom t'menge, te moukenn t'men gar o Debleskro dromestar tele te anell.

2. Timoteo 3:13

Kol čilače menshe oun kol rhorhene, kay krenn yaake, har te vans le patslo, kolentsa vell djoungleder oun djoungleder. Yon peran o Debleskro dromestar tele, oun tserdenn ninna vavaren o Debleskro dromestar tele.

Jesaja 28:9

Yon penenn: “Menge kamell yob čomone pashel te anell oun leskre dromma te sikrell? Mer ham bouder kek tikne čave, kay glan i tikno tsiro gomme o thoud pash pengre daya piyan!

2. Korintarja 4:2

Djungelo koova, hoy krenn i menshe čorrhanes, kova krah mer gar. Mer rhorhah kek menshen oun penah o Debleskro lab yaake har činlo hi, oun gar vavarčandes. Yaake djivah glan o Debleste oun rakrah o čačepen, te hayvell nay hakeno, kova, hoy penah, hi čačo.

Mateo 11:7

Oun har o Yohanneskre mala penge djana, rakras o Yezous ap kol boud menshende pral o Yohanneste, oun penas: Hoske djan t'mer an o moulo them? Kaman t'mer i morshes te dikell, kay hi har i patri, hoy i zorelo dourho pral i phoub phourdella? Na-a, savo morsh hi lo gar!

1. Korintarja 12:2

Har t'mer gomme gar patslo hans, tserdas t'men bari zoryah pash kol figure, kay nashte rakrenn gar, kolen i menshe an-mangenna, har te vans le o Devel.

Bičepangre 23:21

Tou patsess len gar. Boudeder har star-deesh morsha lourenn ap leste ap o drom. Kolla dan pen sovel, te rhan le či, te piyenn le či, bis te maran le les. Yon hi koy khatedo te nay marenn le les yaake sik, har tou moukeh les vin te anell.”

Micha 7:2

Kek, kay o Debleskro drom djal, hi bouder an kava them. Kek dell mank i menshende, kay an o čačepen tardo hi. Yek rodell, har te marell lo o vavares. Oun hakeno lell o vavares palla, te taprell lo les.

Debleskri gili 59:3

Le man vin dran i vasta kol čilačendar, kol menshendar, kay kamenn te dikell, har miro rat nashell.

Debleskri gili 10:9

Čorrhanes khatedo har i levo an i bourra, yaake lourell yob ap o čorveleste, oun taprell les an peskri netsa oun tserdell les krik.

1. Johanni 2:19

Kolla van mendar. Yon his gar čačepah mendar. Te vans yon mendar, ačans le pash mende. Oun har yon penge djan, nay dikas hakeno, te his le gar mendar.

2. Petro 2:18

Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre.

Jakobo 3:4

Dikenn ninna ap kol bare shiffe, kolen i zorelo dourho pral o baro pani tradell. Lengro ray anell len o tikno kashteha kote, kay yob kamella.

1. Timoteo 3:6

I phoureder mank i patslende hounte vell gar neves an o patsepen, te nay phourdell lo pes gar pre. Te phourdas pes lo pre, nay tserdell les o beng o Debleskro dromestar tele.

2. Timoteo 1:15

Tou djineh, kay moukan man kol tsele patsle, kay hi an o them Asia. Mank lende hi ninna i phrala Figelo oun Hermogeno.

1. Korintarja 3:19

Kova, hoy pash i menshende gosvepen hi, hi an o Debleskre yaka dinlepen. An o Debleskro lab hi činlo: O Devel taprell kolen an lengro rhorhepen, kay penenn pendar, kay yon gosevo hi.