Efesarja 3:8 - O Debleskro Lab 2024 (Sinte-Manouche)

⁸ Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

O Debleskro Drom 2021 (Sinte)

⁸ Ninna te hom me o tikneder kol tsele patslendar, das lo man koi shukar budi, te djap pash kolende, kai hi kek bibolde, te penap lenge, hawo baro brawlepen o Jesus Kristes lenge hi,

Efesarja 3:8 Referans Kwoze

Kolossarja 1:27

Kolen sikras o Devel, har baro oun shoukar ko drom hi, hoy anell ninna kol menshen pash leste, kay kek bibolde hi. Oun ko drom hi o Yezous Kristo, kay djivell an t'mende. Doleske djinenn nay, te djivenn t'mer leha khetne an o bolepen.

1. Korintarja 15:9

Me lom i patslen palla, te marap len. Doleske hom me o tikneder mashkral lende, kolen o Yezous bičras, te penenn le i menshenge o lačo lab lestar. Oun me hom gar moldo, te penenn yon, kay me yek lendar hom.

Efesarja 3:16

Oun leskri zoor hi bari. Doleske mangau lestar, te krell leskro Dourho t'mare djia zoreles.

Efesarja 2:7

Yaake baro hi leskro lačepen ap mende, kay patsah ap o Yezous Kristeste. Ninna an ko tsiro, hoy vella, dikenna i menshe, har baro leskro lačepen ap mende hi.

1. Timoteo 2:7

Doleske bičras man o Devel pash kolende, kay kek bibolde hi, te penap lenge o lačo lab o Yezous Kristestar, oun te sikrap lende o čačo patsepen. Man hi o Yezouseskro vast. Kova hi o čačepen. Me rhorhau gar.

1. Timoteo 1:13

His i tsiro, kay rakrom djoungeles pral leste, oun lom i patslen palla, te marap len. An ko tsiro prindjrom les gar, oun djinom gar, hoy me krom. Yob kras mange peskro dji pre, oun las man dran o čilačepen vin.

Remarja 11:33

Har baro hi o Debleskro lačepen ap lauterende! Har baro hi leskro gosvepen! Yob djinell halauter, hoy kek vavar nay djinella. Kek nay djinell, har yob rakrell o čačepen vin. Kek nay hayvell leskre tsele dromma.

Remarja 2:4

Hi touke o Debleskro baro lačepen či moldo? Les hi i baro dji oun dell i menshen gar sik pre. Djineh tou gar o Debleskro lačepen, hoy kamell tout ap leskro drom te anell?

2. Timoteo 1:11

O Devel bičras man, te penap o lačo lab o Yezous Kristestar i menshenge, oun sikrap len leskro drom.

Efesarja 3:19

ninna te hi leskro kamlepen bareder har lauter, hoy an mare shere dren djala. Te hayvah leskro kamlepen boud oun boudeder, palle djivell o Devel boud oun boudeder an mende.

1. Korintarja 2:9

An o Debleskro lab hi činlo: Ko lačo koova, hoy kek yak dikas, oun hoy kek kand shounas, oun hoy an kek mensheskro dji dren vas, kova lauter dell o Devel kolen, kay les o djiyestar kamenna.

Remarja 12:10

Kamenn i phralen oun i phenyen o tselo djiyestar! Hakeno hounte rikrell o vavares bareder har pes kokres.

Bičepangre 5:41

Koy djan yon penge i pralstunendar. Oun yon his barhtelo, te hi le o Debleske yaake boud moldo, te rodas lo len vin, te rhan le dava o Yezouseske.

Debleskro tsiro 3:18

Doleske penau t'menge: Ginenn mandar sonakay, savo sonakay, hoy an i yag thodo vas, yaake te venn t'mer čačepah bravelo. Ginenn mandar ninna parne ripya, oun rivenn kolla ap t'mende, te han bouder gar nango, oun hounte ladjenn t'men bouder gar. Oun ginenn kouč djet, oun makenn t'mare yaka, te nay dikenn pale!

1. Timoteo 1:15

Hi čačo, hoy kanna penau. Oun t'mer nay patsenn man: Maro ray, o Yezous Kristo, vas ap kay phoub, te anell lo kolen ap o drom pash o Debleste, kay dour lestar an o čilačepen djivenna. Kolendar hom me o djoungleder.

Bičepangre 9:15

Penas o ray Yezous leske: “Dja pash leste! Me rodom koles vin, te vell yob mange koy, te djal lo pash kolende, kay kek bibolde hi, pash lengre bare rayende, oun pash kol tsele biboldende, te penell lo lenge mandar.

Filiparja 4:19

Miro Devel dell ninna t'men lauter, hoy t'men hounte vell djipaske. Les hi i baro bravlepen an o bolepen. Kova dell lo kolen, kay djan ap o Yezous Kristeskro drom.

Galatarja 2:8

Kova, kay bičras o Petres pash i biboldende, hi kova, kay man bičras pash kolende, kay kek bibolde hi.

Debleskri gili 31:19

kolla rhorhene, kay hi pre-phourde oun praasenn kolen, kay an o čačepen tardo hi.

Filiparja 2:3

Kek te krell čomone, hoy leske kokres mishto hi, vitar či, te vell lo sharedo pash i menshende! Kek te krell, har te vals lo feteder har ko vavar! Na-a, ap hakeneste penau: Dik yaake ap o vavareste, har te vals lo bareder har tou!

1. Korintarja 1:30

O Devel kras, te van t'mer ap o Yezous Kristeskro drom. Kanna djinah, hoy čačepah gosvepen hi. O Yezous Kristo kras men čačo glan o Debleste. Yob rodas men vin, te vas leske koy, oun las mari doosh mendar krik.

Johanni 1:16

Mer halauter lam pale oun pale boud lačepen lestar, kay les yaake boud hi.

1. Familjakro liil 17:16

djas o baro ray David an o Debleskro plarhteno kheer, vitsras pes tele glan o baro Debleste oun penas: “Baro Devel, miro ray, koon hom me, oun hoy hi miro kheer, kay tou kral yaake boud mange?

Efesarja 3:1

Doleske bičras o Yezous Kristo man, o Paules, pash t'mende, kay kek bibolde han. Dran kova hom me kanna an o stilepen. T'mer shounan, har das man o Devel miri boudi, te penap kolenge, kay kek bibolde hi, har baro leskro lačepen ninna lenge hi.

Louka 14:22

Oun pal i tsiro vas o boudepaskro pale oun penas: Me krom, hoy tou penal. O kheer hi gar pherdo.