Efesarja 3:13 - O Debleskro Lab 2024 (Sinte-Manouche)

¹³ Doleske mangau t'men: Ma avenn gar khino an t'maro patsepen, ninna te shounenn t'mer, kay me t'menge stildo hom. Kova, hoy lau ap mande, sikrell t'mende, har boud t'mer mange moldo han.

O Debleskro Drom 2021 (Sinte)

¹³ Doleske mangau tumen: Ma awenn gar khino an tumaro patsepen, ninna te shunenn tumer, kai me tumenge stildo hom. Kowa, hoi lau ap mande, sikrell tumende, har bud tumer mange moldo han.

Efesarja 3:13 Referans Kwoze

2. Tessalonikarja 3:13

T'mer, mire phrala, ma avenn khino te krenn kova, hoy lačo hi!

Kolossarja 1:24

Oun kanna hom barhtelo an kol douka, hoy anom t'menge ap mande. Yaake har o Yezous Kristo anas douka ap peste i patslenge, yaake hounte anap me ninna douka ap mande i patslenge.

2. Korintarja 1:6

Te vell pharo koova ap mende, vell kova, te venn t'mare djia zoreles, oun te lenn t'mer o Debleskro djipen. Te kras o Devel mare djia zoreles, venn ninna t'mare djia zoreles. Oun t'mer nay rikrenn kol douka vin, hoy ap mende ninna hi.

Efesarja 3:1

Doleske bičras o Yezous Kristo man, o Paules, pash t'mende, kay kek bibolde han. Dran kova hom me kanna an o stilepen. T'mer shounan, har das man o Devel miri boudi, te penap kolenge, kay kek bibolde hi, har baro leskro lačepen ninna lenge hi.

Zefanja 3:16

An ko tsiro vell penlo ap i menshende an o foro Yerusalem: Ma trashenn t'men, t'mer an Yerusalem! Ma moukenn t'mare vasta tele te perell!

Galatarja 6:9

Dikas, te vas gar khino, te kras lačo koova. Vell ko tsiro, kay lah ninna lačo koova.

Bičepangre 14:22

djan pash i patslende oun dan len zoor an o dji, oun rakran lenge an o dji, te ačenn yon an o patsepen. Oun yon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

5. Mose 20:3

“Morshale dran Israel, shounenn! T'mer djan kava dives an o kourepen, te kourenn t'men kolentsa, kay kamenn t'men gar an o them. Avenn zorelo! Ma darenn lendar! Oun ma moukenn t'men traash te krell!

2. Korintarja 4:1

O Debles hi i baro dji menge, oun das men kay boudi, te sikras i menshende leskro drom. Doleske vah gar khino, te kras kova.

Filiparja 2:18

Avenn t'mer ninna barhtelo koy pral! Ava, avenn barhtelo mantsa!