Efesarja 1:17 - O Debleskro Lab 2024 (Sinte-Manouche)

¹⁷ te dell lo t'men gosvepen, te hayvenn t'mer, har baro yob hi. Yob hi o Devel maro rayestar, o Yezous Kristestar, oun maro dad an o bolepen, o ray pral halauter.

O Debleskro Drom 2021 (Sinte)

¹⁷ te dell lo tumen goswepen, te haiwenn tumer, har baro job hi. Job hi o Dewel maro rajestar, o Jesus Kristestar, un maro dad an o bolepen, o rai pral halauter.

Efesarja 1:17 Referans Kwoze

Jesaja 11:2

Oun ap koleste vell o dourho o baro Deblestar čiddo, oun dell les o gosvepen, te hayvell lo boud koova, oun djinell, hoy te krell lo. Ko Debleskro dourho dell les ninna i zoor koleske, oun sikrell les, har o baro Devel hi, oun har te djivell lo leha.

Gosewe laba 2:5

Palle hayveh, har nay djiveh o baro Debleha, oun prindjreh les boud oun boudeder.

2. Petro 1:3

Yob hi baro oun raylo, oun his menge lačo, oun das men pash peste gole. Har lam les an maro dji pre, das men o Devel an peskri zoor halauter, hoy men hounte vell, te djivas maro djipen yaake, har yob kamella.

2. Petro 3:18

Djivenn boud oun boudeder dran o lačepen, hoy maro ray, o Yezous Kristo, t'men della! Yob las men vin dran o čilačepen. Prindjrenn les boud oun boudeder! Sharedo vell yob kanna oun hako tsiro. Amen.

Efesarja 1:3

Sharas maro Debles! Yob hi o Devel oun o dad maro rayestar, o Yezous Kristestar, oun das peskro tselo bolepaskro bravlepen mende, kay ham patslo ap o Yezous Kristeste.

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

Mateo 11:27

Lauter das miro dad an mire vasta. Kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell kolen, kay patsenn ap leste, koon o dad hi.

1. Korintarja 2:10

Men das o Devel peskro Dourho. Oun o Dourho sikrell men kova, hoy hi o Debles an o dji. O Debleskro Dourho dikell an halauter, ninna an o Debleskro dji.

Jeremia 24:7

Me dau len djia, kay prindjrenn man, te djinenn le, me hom o baro Devel. Yon te venn mire menshe, oun me hom lengro Devel; pengro tselo djiyestar venn le pale pash mande.

Efesarja 3:5

An o phouro tsiro djinan i menshe kova gar. Kanna djinenn les o Debleskre bičepangre oun rakepangre. Lenge čivas les o Debleskro Dourho an o dji.

Johanni 20:17

Penas o Yezous ap late: “Ma tape ap mande! Me djom gomme gar pash o dadeste pale. Dja pash mire phralende oun pen lenge: Me djau pash miro dadeste oun pash t'maro dadeste oun pash miro Debleste oun pash t'maro Debleste.”

Bičepangre 6:10

O Debleskro Dourho das les gosvepen, te nay rakras kek lendar leske pale.

Mateo 6:13

Ma mouk men tiro dromestar tele te djal! Le men dran o bengeskro vast vin!

Johanni 14:26

Me te hom bouder gar pash t'mende, bičrell o dad t'menge o rakepaskres, kay vell ap t'mari rig. Kova hi o Debleskro Dourho. Oun yob penell t'menge halauter yaake, te nay hayvenn kova mishto. Oun yob moukell t'menge halauter an o shero te vell, hoy me t'menge penom.

2. Korintarja 12:1

T'mer kamenn, te sharap man, ninna te molell kova či. Yaake kamau te rakrap pral o bolepaskro koova, hoy o Yezous Kristo i menshes moukell te dikell.

Louka 21:15

Me dau t'men ko gosvepen, oun penau t'menge, hoy t'mer hounte penenn. Oun palle djinenn le bouder gar, hoy te penenn le.

Debleskri gili 24:7

Krenn i bare voudya bourhles pre! Ava, krenn kol phoure voudya bares pre, te nay djal o baro ray dren, kones o tselo raylepen hi.

1. Korintarja 12:8

Ko yekes dell o Debleskro Dourho i gosevo lab, oun i vavares, te hayvell lo, hoy o Devel kamella. Oun yob penell kova i vavarenge doureder. Hi yek Debleskro Dourho, kay kova lauter krella.

1. Korintarja 2:8

Kova prindjran i raya ap kay phoub gar. Te nay dikans le an o Debleskro dji, dans le o Yezouses, ko rayes pral i tsele rayende, gar ap o troushel.

Remarja 15:6

Palle nay sharenn t'mer o baro Debles halauter khetne. Yob hi o dad maro rayestar, o Yezous Kristestar.

Johanni 16:3

Yon prindjrenn o dades gar oun man vitar gar. Doleske krenn yon kova.

Daniel 10:1

An ko tsiro, har o Cyrus an o triinto bersh o baro ray his pral o them Persia, las ko Daniel, kay ninna Beltsazar kharella, i lab o Deblestar. Oun kova, hoy leste siklo vas, vell čačepah oun rakrell i pharo tsirestar. Oun yob rodas te hayvell lo les, oun dikas an i dikepen, hoy kova kamell te penell. [Yob ginell dren:]

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Johanni 14:17

Kova hi o Debleskro Dourho, kay penell i menshenge o čačepen pral o Debleste. Kolla, kay patsenn gar ap o Debleste, nay lenn les gar. Yon dikenn les gar oun prindjrenn les gar. T'mer prindjrenn les. Yob ačell pash t'mende, oun hi an t'mende.

Mateo 16:17

Penas o Yezous ap leste: “Barhtelo hal tou, Simon Bar-Yona. Kol laba, hoy tou pral mande penal, kolla van gar toutar, vitar gar vavar menshendar. Miro dad an o bolepen sikras tout kova.

Mateo 11:25

Oun ap kava tsiro penas o Yezous: Tata, tou hal o ray pral o bolepen oun i phoub. Me sharau tout. Kova, hoy tou kreh, sikral tou kolende, kay gar boud djinenna. Kolla, kay gosevo hi oun boud djinenna, kolla hayvenn kova gar.

Jeremia 9:24

Shounenn, penell o baro Devel, ko tsiro vell, kay dau hakenes i phagi, kay činlo hi ap peskro mass, oun djivell, har te vals lo gar činlo:

Jeremia 2:11

Ninna te hi lengre debla kek čače debla, lenn yon kek vavar deblen an! Mire menshe, kay miro raylepen dikan, yon paran man dren yekeha, kay kek devel hi, oun koles kek zoor hi.

Debleskri gili 24:10

Koon hi kava baro ray, kones o tselo raylepen hi? Kova hi o baro Devel, ko ray pral o bolepen oun i phoub. Yob hi o baro ray, kones o tselo raylepen hi.

Debleskro tsiro 7:12

Oun yon penan: “Hi mishto, te givas mer gilya maro Debleske, hoy les hadenna, oun hoy les bares krenna. Leskro raylepen oun gosvepen hi baro. Oun les hi bari zoor. Hi mishto, te parkras men pash leste, oun te sharas les, kanna oun hako tsireske. Amen!”

Tito 1:1

Me, o Paulo, činau kava liil. Me hom o Debleskro boudepaskro. Oun o Yezous Kristo bičras man pash kolende, kolen o Devel peske vin rodas, te krap lengro patsepen zoreles, te hayvenn le o tselo čačepen, oun te djan le ap o Debleskro drom.

Daniel 5:11

Koy hi i morsh an tiro them, an koleste hi o dourho i bolepangre deblendar. An kol divessa, har tiro dad o baro ray his, sikras pes, kay an leste yaake boud gosvepen hi har i deblen hi. Yob hayvell oun djinell, hoy kek vavar hayvell oun djinell. Oun tiro dad Neboukadnezar čivas les pral i tsele dourkepangre oun dravepangre oun pral kolende, kay an i bolepangre momlia draverenn, oun kay i moulen poučenn.

1. Familjakro liil 29:11

Baro Devel, tou hal o baro ray, hal zorelo, raylo, zorleder har hako vavar, oun o pralstouno pral hako vavareste. Halauter, hoy an o bolepen oun ap i phoub hi, hi tiro. Tou hal o ray pral i tsele themma, oun tout hi penepaske pral halauter.

Jakobo 2:1

Mire phrala, t'mer patsenn ap maro rayeste, o Yezous Kristeste. Yob hi o ray pral i tsele rayende. Doleske, ma dikenn ap i menshende, koon yon hi, oun har bravelo yon hi!

1. Korintarja 14:6

Kanna, mire phrala, har vals kova, te voms me pash t'mende, oun rakroms an i rakepen, hoy kek hayvella? Kova molals t'menge či. T'menge hi boudeder moldo, te rakrap an i rakepen, hoy t'mer hayvenna, oun te penap t'menge, hoy o Devel mande sikras, oun hoy lestar djinau. Oun t'menge hi ninna boudeder moldo, te penap t'menge i lab, hoy vella o Deblestar, oun te sikrap t'men, har te djan ap o Debleskro drom.

Louka 12:12

O Debleskro Dourho sikrell t'men ap ko tsiro, hoy t'mer hounte penenna.

Louka 2:14

“Baro hi o Debleskro raylepen an o bolepen! O Debleskri barht vell ap i phoub. Yob dikell lačes ap i menshende.”

Debleskri gili 29:3

O baro Debleskro rakepen vell shounlo pral i panya. Te dell o zorelo Devel gole, hi kova har koy bari gole, hoy dell o bolepen, te dell baro brishin. O baro Devel hi o ray pral i tsele bare panya.

2. Timoteo 2:25

ninna te kamenn le gar ap leste te shounell. Yob rakrell lačes lentsa, te anell lo len ap o čačo drom! O Devel nay dell len o dji, te moukenn le pengro čilačo drom, oun te hayvenn le, hoy o čačepen hi.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

Bičepangre 7:2

Koy penas o Stefano: “T'mer phrala oun dada, shounenn! Maro baro oun raylo Devel moukas pes maro dadestar Abraham te dikell an o them Mesopotamia. Ap ko tsiro djivas o Abraham gomme gar an o foro Haran.

2. Mose 28:3

Rake kolentsa, kolen me lače vasta oun o gosvepen dom, te hayvenn le mishto te sivell. Pen lenge, te krenn le ripya o Aroneske, te vell yob mange i rashay.

Hiob 42:5

Ap ko tsiro djinom či toutar, har kova hoy mange penlo vas. Kanna dikom tout mire yakentsa.

Gosewe laba 18:15

I gosevo mensho kamell boud te djinell, oun krell peskre kanda pre, te hayvell lo, hoy čačo hi.

Efesarja 4:13

Kova te vell yaake, palle ham mer lauter khetne an yek patsepen, oun prindjrah o Debleskro čaves mishto. Boud oun boudeder hayvah, hoy yob mendar kamella, bis te djivah yaake har yob djivas.

Filiparja 3:15

Koon prindjrell kova lauter, hounte djivell yaake. Te hayvell yek t'mendar čomone vavarčandes, pale sikrell les o Devel, har kova čačo hi.

Mateo 20:33

“Ray!” penan le, “mer mangah tout: Kre mare yaka sasto, te dikas nay pale!”