Debleskro tsiro 8:12 - O Debleskro Lab 2024 (Sinte-Manouche)

¹² Oun o starto bolepaskro phourdas an peskri phourdepaskri. Oun o kham las i dap, oun o triinto kotar lestar vas kalo. Ninna o čon oun i vavar bolepangre momlia lan i dap. Oun o triinto kotar lendar vas kalo. Yaake rhačas o kham gar ap o triinto kotar ap o dives, vitar gar rhačan o čon oun i bolepangre momlia ap o triinto kotar an i rat.

O Debleskro Drom 2021 (Sinte)

¹² Un o starto bolepaskro phurdas an peskri phurdepaskri. Un o kham las i dap, un o triinto kotar lestar was kalo. Ninna o tchon un i wawar bolepangre momlia lan i dap. Un o triinto kotar lendar was kalo. Jaake chatchas o kham gar ap o triinto kotar ap o diwes, witar gar chatchan o tchon un i bolepangre momlia ap o triinto kotar an i rat.

Debleskro tsiro 8:12 Referans Kwoze

Jesaja 13:10

I bolepangre momlia rhačenn bouder gar. Hi save koy, kay dikeh bouder gar. O kham vell kalo, sik pal kova kay lo pre djas. Oun o čon hi bouder gar djelto.

Joel 2:10

I phoub oun o bolepen trissenna glan lende, o kham oun o čon venn kalo, oun i bolepangre momlia rhačenn bouder gar.

Debleskro tsiro 6:12

Oun me dikom, har o terno bakro i shobti dori pre pandas, hoy ko liil khetne rikras. Koy trissas i phoub zoreles. Oun o kham vas kalo har i kalo gono. Oun o tselo čon vas lolo har o rat.

Debleskro tsiro 9:18

Koy yag oun koy khand maran hako triinto menshes.

Debleskro tsiro 9:15

Oun kol starenge van lengre shelle pre kerdo, te krenn le koy boudi, hoy hounte krenn le ap kava dives, an kava čon, an kava bersh: Yon hounte marenn hako triinto menshes ap i phoub.

Markus 13:24

An kol divessa pal ko čilačo tsiro, vell o kham kalo har i rat, oun o moonto dikell kek bouder.

Mateo 24:29

Oun sik pal kol čilače divessa, vell o kham kalo har i rat, oun o moonto dikell kek bouder. Oun i bare momlia ap o bolepen perenn tele. Oun i bolepaskri zoor perell khetne.

Debleskro tsiro 12:4

Oun leskri pori tserdell o triinto kotar kol bolepangre momelendar krik, oun vitsras len tele ap i phoub. Oun ko baro lolo sap hi glan koy djouvyate tardo, kay an o tsiro vas, te vell o ternepen. Oun yaake sik, har ko ternepen vals, kamas les lo pre te rhal.

2. Korintarja 4:4

Yon patsenn gar ap leste. O beng, kay o ray hi pral kay phoub, kras len korelo, te dikenn le gar, havo lačepen vell dran o lačo lab o Yezous Kristestar. Ko lab sikrell men o Yezouseskro raylepen. Oun yob hi yaake har o Devel.

Louka 21:25

“Ap o kham oun ap o moonto oun ap i bolepangre momlia dikenn t'mer baro koova. Pral i menshende an boud themma vell i bari traash, te dikenn le, har vell o baro pani divyo oun hadell pes pral oun dell bari gole.

Markus 15:33

His deesh-te-douyenge, koy vas o dives kalo har i rati an o tselo them. Oun kova ačas yaake bis pash trinenge.

Mateo 27:45

His deesh-te-douyenge, koy vas o dives kalo har i rat an o tselo them. Oun kova ačas yaake bis trinenge.

Jeremia 4:23

Me dikom ap kay phoub. Koya his moulo. Kek djipen his koy. Me dikom an o bolepen. Kova his tamlo.

Bičepangre 2:20

O kham vell kalo, oun o čon vell lolo har o rat. Koy djinenn t'mer, te vell ko baro dives sik, kay vell o ray Yezous pale.

Amos 8:9

O baro Devel, maro ray, penell: An ko dives djal o kham tele mashkral o dives. Oun mashkral o dives vell i rati pral o them.

Jesaja 24:23

Oun o čon vell lolo i ladjatar, oun o kham ladjell pes oun khatrell pes. O baro Devel, ko ray pral o bolepen oun i phoub, vell o baro ray ap i berga Sion an o foro Yerusalem. Oun i phoureder dikenn leskro raylepen.

Debleskro tsiro 16:10

Oun o pančto bolepaskro čoras peskro čaro vin pral o firho oun leskro them, kay yob o ray hi. Oun i rati vas ap lende. Oun leskre menshe dandran ap pengri čip i doukatar.