Debleskro tsiro 4:11 - O Debleskro Lab 2024 (Sinte-Manouche)

¹¹ “Tou, o Devel, maro ray, tou hal moldo, te less o raylepen, oun o sharepen, oun i zoor. Tou kral o bolepen oun i phoub. Yaake, har tou kamal, yaake kral tou kova, oun vas kova.”

O Debleskro Drom 2021 (Sinte)

¹¹ “Tu, o Dewel, maro rai, tu hal moldo, te less o railepen, un o sharepen, un i soor. Tu kral o bolepen un i phub. Jaake, har tu kamal, jaake kral tu kowa, un was kowa.”

Debleskro tsiro 4:11 Referans Kwoze

Debleskro tsiro 5:12

Oun yon givenn zoreles: O terno bakro, hoy vas maredo, kova hi moldo, te vell les i bari zoor, ninna o bravlepen, oun o gosvepen, oun o sharepen, oun o raylepen, oun i gilya, hoy les hadenna, oun bares krenna.

Jesaja 40:28

Hayvan t'mer gar? Shounan t'mer gar? O baro Devel hi i Devel kay ačell hako tsireske. Yob kras i tseli phoub. Khino vell lo gar, oun lestar djal i zoor gar krik. Leskro gosvepen hi yaake baro, te nay hatsell les kek vin.

Gosewe laba 16:4

Lauter, hoy o baro Devel kras, hi čomoneske, ninna kras lo o čilačo menshes ko diveske, kay i bibarht vella.

Debleskro tsiro 10:6

oun das pes sovel pash koleste, kay djivella kanna oun hako tsiro, kova hoy o bolepen kras, oun lauter, hoy an leste hi, ninna i phoub oun lauter, hoy ap late hi, oun ninna o baro pani, oun lauter, hoy an leste hi. Oun o bolepaskro penas: “O tsiro hi trouyel.”

Debleskro tsiro 14:7

Oun yob das bari gole: “Darenn o Deblestar oun sharenn les! Ko tsiro hi kanna kay, kay yob o čačepen pral i tsele menshende vi-rakrella. Vitsrenn t'men tele glan koleste, kay kras o bolepen oun i phoub, oun o baro pani, oun mangenn les an!”

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.

Hebrearja 1:10

Pale penas lo ap leste: Tou hal o baro ray, oun kral i phoub glan i rah tsiro. Oun tire vasta kran o bolepen.

1. Mose 1:1

Glan i rah rah tsiro kras o Devel o bolepen oun i phoub.

Remarja 11:36

Lestar vas halauter. Halauter djivell lestar, oun halauter djal pale pash leste. Sharas o Debles kanna oun hako tsiro! Amen.

Efesarja 3:9

oun te sikrap lauterende, har kras o Devel kova, hoy his les an o dji. Kova djinan i menshe i rah tsiro gar. O Devel kokres, kay kras o bolepen oun i phoub, djinas les.

Bičepangre 14:15

“Morshale, hoy krenn t'mer kote? Mer ham menshe har t'mer, oun penah t'menge o lačo lab o djido Deblestar. Yob kamell, te venn t'mer ap leskro drom, oun mangenn bouder gar kol rhorhene deblen dran kasht oun bar an. Yob hi ko Devel, kay kras o bolepen oun i phoub, oun o baro pani, oun lauter, hoy djivella.

Jeremia 32:17

Baro Devel, miro ray, tou kral o bolepen oun i phoub dran tiri bari zoor oun tiro zorelo vasteha. Oun či hi koy, hoy nay kreh gar.

Debleskri gili 18:3

Baro Devel, tou hal mange har i baro zorelo bar, kay nay khatrau man, har i zorelo kheer, kay nay krell kek mange čilačepen. Miro Devel, tou hal kova, pash koleste nay vau oun man khatrau. Tire vasta rikreh tou pral mande. Tou hal ko zorelo ap miri rig, oun hal mange har i zorelo kheer pral ap i berga.

Nehemia 9:5

Oun i Levitarya, o Yeshoua, oun o Kadmiel, oun o Bani, oun o Hashabneya, oun o Sherebya, oun o Hodiya, oun o Shebanya, oun o Petaya penan: Stenn pre! Sharenn o baro Debles! Yob hi t'maro Devel. Sharenn les kanna oun hako tsireske! Baro Devel, hakeno te sharell tiro raylo lab! Kek vavar lab hi yaake baro oun raylo har tiro lab.

Bičepangre 17:24

Ko Devel kras o bolepen oun i phoub, oun lauter, hoy koy pre hi. Yob hi o ray pral o bolepen oun i phoub. Yob djivell gar an i Debleskre khera, kay i menshe pengre vastentsa kran.

2. Samuel 22:4

Me sharau o baro Debles! Te dau ap leste gole, lell lo man vin dran i vasta kolendar, hoy mange čilačepen kamenna.

Debleskro tsiro 5:2

Oun me dikom i zorelo bolepaskres, kova das zoreles gole: “Koon hi moldo, te nay krell lo ko liil pre, te dikell lo dren?”

Hiob 36:3

Me sikrau touke ko boud koova, hoy me djinau, te sikrap, te hi kova čačo oun mishto, hoy kras o Devel, kova, kay man kras.

Debleskri gili 68:34

Yob oulerell pral pre ap o bolepen, hoy hako tsiro koy his. Shounenn, har zoreles yob gole dell!

Hebrearja 1:2

Kanna, an kava tsiro, bičras lo peskro čaves pash mende, te rakras yob ap mende. Koleste das o Devel lauter an leskre vasta, te vell yob o ray pral lauter. Koleha kras lo o bolepen oun i phoub.

Jeremia 10:11

Pen lenge: Kol deblenge, kay kran gar o bolepen, vitar gar i phoub, hi kek platsa ap kay phoub oun tel o bolepen, oun nay ačenn gar.

Jesaja 40:26

Hadenn t'mare yaka pre, oun dikenn: Koon kras kova? Yob anell kol tsele bolepangre momlia ap lengro drom, oun djinell kitse yon hi, oun dell hakeni pash peskro lab gole. Oun kek hi koy, hoy palle gar vell. Yaake baro oun zorelo hi lo.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

2. Mose 20:11

An shob divessa kras o baro Devel o bolepen oun i phoub, o pani oun halauter, hoy koy dren hi. Oun o eftato dives kras lo či. Doleske penas lo: Kava dives hi i baro dives mange. Kava dives hi miro.

Debleskro tsiro 1:6

Yob kras men raya oun rashaya o Debleske, peskro dadeske. Leske hi o raylepen oun i zoor kanna oun hako tsireske! Amen.

Debleskro tsiro 19:1

Oun pal kova dan boud menshe an o bolepen bari gole: “Halleluya! Maro Devel las men dran o čilačepen oun o merepen vin. Yob hi o ray, oun les hi i zoor pral halauter.