Debleskro tsiro 3:19 - O Debleskro Lab 2024 (Sinte-Manouche)

¹⁹ Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!

O Debleskro Drom 2021 (Sinte)

¹⁹ Lauteren, kai kamau o djijestar, kolende sikrau lengri doosh, un penau lenge dawentsa, te shunenn le ap mande. Mukenn kanna tumaro tchilatcho drom, un awenn pale ap miro drom!

Debleskro tsiro 3:19 Referans Kwoze

1. Korintarja 11:32

Te lah mer i phagi o Deblestar, palle krell yob kova, te djas mer gar khetne i vavar menshentsa nashedo.

Debleskro tsiro 2:5

Moukenn t'menge kova an o shero te djal, har dour t'mer mandar tele peran. Avenn pale o tselo djiyeha pash mande! Djivenn ko djipen, hoy djivan, har t'maro patsepen ap mande terno his. Te krenn kova gar, palle vau, oun lau t'mari momeli krik, oun čivrau lat ap i rig.

Hiob 5:17

Dik, barhtelo hi ko mensho, koleske o Devel leskri doosh sikrell! Doleske ma hade tout khatar leste, te dell tout o zorelo Devel.

2. Korintarja 7:11

T'menge his ropaske pral ko koova, hoy mank t'mende djas, oun o Devel dikas lačes ap t'mende. Kanna dikenn, havo lačo koova dran kova vas: T'mer kamenn lauter mishto te krell, oun kamenn te sikrell, te hi t'men kek doosh. T'mer van rhoyedo pral koleste, kay ko koova kras. Oun t'men his daar miri rholyatar. O tselo djiyestar kaman t'mer kova te krell, hoy mishto hi an mire yaka. Doleske dan t'mer koles i phagi, kay doosh ap leste his. Yaake sikran, kay his t'men kek doosh pral ko koova.

Jeremia 31:18

Shounom mishto, har o Efrayim rovas: “Baro Devel, homs har i terno gouroum, kay djinas gar, har te tserdell lo. Tou sikral man daventsa, hoy te krap. An man pale, me kamau pash toute te vell. Tou hal miro Devel.

Jeremia 10:24

Baro Devel, de man i phagi an o čačepen, oun gar an tiri rholi, te maress man gar!

Jeremia 7:28

Doleske pen ap lende: t'mer han kal menshe, kay shounan gar ap lengro baro Debleste. Oun t'mer moukenn t'men či te penell. O čačepen hi moulo. Kek rakrell bouder pral o čačepen.

Jesaja 26:16

Baro Devel, an o pharo tsiro rodan tire menshe tout. Har dal len i phagi, dan le darenes ap toute gole.

Gosewe laba 22:15

Tikne čave krenn dinelo koova. Te rhan le dava, krenn le kova bouder gar.

Gosewe laba 15:32

Koon gar shounell, te vell lo trad dino, činell pes an peskro mass. Koon moukell pes čomone te penell, kova vell gosveder.

Debleskri gili 69:9

Vom har i gadjo mire phralenge. I čave miri datar prindjrenn man bouder gar.

Debleskri gili 39:11

Me mangau tout: Le tiro vast mandar krik. Te deh tou man doureder, hounte merap.

5. Mose 8:5

Yaake hayvenn t'mer an t'mare djia, t'maro baro Devel kras t'mentsa har i dad peskro čaveha.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Remarja 12:11

Ma avenn khino! Krenn t'mari boudi i tseli zoryah! Halauter, hoy t'mer krenna, krenn o Yezouseske, maro rayeske!

Jeremia 30:11

Me, o baro Devel, hom pash t'mende, te vap ap t'mari rig. Kol natsyone, mank kolende tradom t'men, kolla hounte djan tele. T'mer djan gar tele. T'mende dau i phagi har t'menge mishto hi. Kek daventsa nay moukau t'men gar. Vals gar mishto, te dap t'men kek phagi.

Debleskri gili 94:10

Kova, kay i menshen an i vavar themma čingrell, dell lo t'men kek phagi? Yob hi o sikepaskro halauterendar – hi les kek gosvepen?

Debleskri gili 6:1

I gili o rayeske pral i gipangre, te givell pash o bashepen ap i bashepaskri orhta doryentsa. O David kras kay gili.

2. Samuel 7:14

Me kamau leskro dad te vell. Oun yob vell miro čavo. Oun yob te krell i čilačo koova, dau me les i phagi, yaake har menshe i phagi denna.

2. Korintarja 6:9

Pash yekeste ham prindjedo, pash i vavarende ham gar prindjedo. Ninna te hi o merepen glan mare yaka, ham gomme djido. Mer lam dava oun meram gar.

Johanni 2:17

Koy vas o Yezouseskre malenge an o shero, hoy an o Debleskro lab činlo hi: Miro kamlepen tiro khereske rhal man pre har i yag.

Gosewe laba 15:10

Kolla, kay o Debleskro drom moukenn, lenn i phari phagi. Koon moukell pes či te penell, hounte merell.

Galatarja 4:18

Me penau t'menge: Nashenn kova palla, hoy lačo hi! Krenn kova hako tsiro, ninna te hom me gar pash t'mende!

Zefanja 3:2

Te dell yek kol menshen kote trad, shounenn le gar, oun moukenn penge či te penell. Ap o baro Debleste rikran le pen gar, pengro Deblestar kamenn le či te djinell.

Jeremia 2:30

Koy tseli phagi, hoy dom t'men, his čičeske. T'mer moukan t'men gar te tserdell. Mire rakepangren, kay pash t'mende bičrom, maran t'mer. T'maro rharo rhas len har i rhoyedo levo.

Mateo 25:7

Koy stan i tsele terne ča pre, oun kran i yag an pengre momlia bareder.