Debleskro tsiro 21:12 - O Debleskro Lab 2024 (Sinte-Manouche)

¹² Troul o foro hi i bari massouri. An koy massouri hi deesh-te-douy bare voudya, ap kolende denn deesh-te-douy bolepangre yak. Oun ap kol bare voudya hi i laba činlo kol deesh-te-douy Israeleskre čavendar.

O Debleskro Drom 2021 (Sinte)

¹² Trul o foro hi i bari massuri. An koi massuri hi deesh-te-dui bare wudja, ap kolende denn deesh-te-dui bolepangre jak. Un ap kol bare wudja hi i laba tchinlo kol deesh-te-dui Israeleskre tchawendar.

Debleskro tsiro 21:12 Referans Kwoze

Debleskro tsiro 21:25

Oun o foreskre bare voudya ačenn hako tsiro pre, oun venn bouder gar pandlo. Della kek rati bouder.

Jesaja 54:12

I turme ap tire massourya hi dran roubine, tire voudya dran kristallo, oun tire massourya dran shoukar barra, hoy boud moldo hi.

Debleskri gili 122:7

Kek kourepen te vell an toute! An tire shoukar khera te vell bravlepen!”

Jesaja 60:18

I kourepaskri gole vell gar bouder shounlo an tiro them. Paash-dine forya oun kourepen dell gar bouder koy. Na-a, mank tire massourya krell kek touke čilačepen, oun tou shareh man koleske.

Debleskri gili 51:18

Fiche, hoy anenn le touke, kameh gar. Te vals yaake, doms len toute. Fiche, hoy touke rhačedo venna, krenn tiro dji gar barhtelo.

Nehemia 12:27

Oun har i massouri troul o foro Yerusalem kerdo vas, kran le i baro festo, oun moukan i Levitaryen gole te dell dran lengre tsele gaba, te denn yon i massouri an o Debleskro vast oun parkrenn pen pash leste barhtele djiyentsa, oun givenn oun bashrenn leske ap sasterne patria, hoy venn khetne dino, oun ap doryengre bashepangre, hoy kharenna Harfe oun Laute.

Bičepangre 26:7

Mare menshe, kay venna i deesh-te-douy Israeleskre čavendar, kolla mangenn o Debles dives oun rati, te vell kova, hoy yob mare phourenge penas. Baro Agrippa, me patsau, kay kova vas, kolestar o Devel penas, te vell yob. Doleske kamenn man i bibolde i phagi te dell.

Esra 9:9

Mer hams pandle boudepangre, oun tou, maro Devel, moukal men gar kokres an maro pandepen. Tou kral, te dikan i raya pral o them Persia lačes ap mende, oun dal men nevi zoor, te nay čivas mer tiro kheer pale pre, yaake te vas dran kol paash dine oun rhačede barra i nevo kheer touke. Kova kral tou, te djivas mer pale an o them Youda oun an o foro Yerusalem kek trashah.

Hebrearja 1:14

I tsele bolepangre hi leskre boudepangre. Kolen bičras o Devel ap i rig kolendar, kay djan ap o Debleskro drom, te lenn le o Debleskro djipen, hoy gar pre-herella.

Louka 16:22

O dives vas, kay ko čorvelo meras. Oun i bolepangre anan les an o bolepen, te beshas lo pes pash o Abraham. I tsiro koy pre meras ninna ko bravelo, oun las i shoukar paskepen.

Louka 15:10

Me penau t'menge ninna: O Debleskre bolepangre hi barhtelo pral yekeste, kay moukell peskro čilačo drom oun djal ap o Debleskro drom.

Mateo 18:10

Ma čivenn kol tiknen ap i rig, har te vans le či moldo. Me penau t'menge: I bolepangre, kay ap lende yak denna, kolla nay djana hako tsiro glan miro dadeste an o bolepen, te mangenn le les lenge.

2. Mose 28:21

Oun čin an lende i laba o Israeleskre čavendar, kolendar i deesh-te-douy bare familye venn. Čin an hako bar yek lab.

Debleskro tsiro 21:13

An i massouri hi ap haki rig triin bare voudya: Kote, kay o kham pre djala hi triin voudya, oun kote, kay hi o kham shila, hi triin voudya, oun kote, kay hi o kham tato hi, triin voudya, oun kote, kay o kham tele djala, triin voudya.

Debleskro tsiro 21:15

Oun ko bolepaskro, kay mantsa rakras, koles his i sonakaskro kasht an leskro vast, te ginell lo tele, har baro o foro hi, oun har baro lengre voudya hi, oun har baro koy massouri hi, hoy djal troul o foro.

Debleskro tsiro 22:14

Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.

2. Familjakro liil 9:19

Oun deesh-te-douy leve his tardo ap kol shob stufe, ap haki stufa čačes oun serves yek levo. An kek vavar them oun kek tsiro vas o baro rayeske savi shoukar beshepaskri kerdo.