Debleskro tsiro 21:10 - O Debleskro Lab 2024 (Sinte-Manouche)

¹⁰ Oun o Debleskro Dourho vas ap mande. Oun o bolepaskro anas man ap i bari, bari berga, oun sikras mande o Debleskro foro Yerusalem, har ko foro tele vas o Deblestar dran o bolepen.

O Debleskro Drom 2021 (Sinte)

¹⁰ Un o Debleskro Ducho was ap mande. Un o bolepaskro anas man ap i bari, bari berga, un sikras mande o Debleskro foro Jerusalem, har ko foro tele was o Deblestar dran o bolepen.

Debleskro tsiro 21:10 Referans Kwoze

Debleskro tsiro 21:2

Oun me dikom o Debleskro foro, o nevo Yerusalem, har vas ko foro tele o Deblestar dran o bolepen. O foro his shoukar kerdo har i terni čay, kay romedinerell oun shoukar kerdo vas peskro romeske.

Ezekiel 11:24

Oun an ko dikepen, hoy dikom, oun hoy vas o Deblestar, hadas man o dourho pre, oun anas man pale pash kolende, kay pandlo krik anlo van an o them Babilonia. Oun ko dikepen, hoy dikom, djas krik.

Debleskro tsiro 17:3

Oun o Debleskro Dourho vas pral mande. Oun o bolepaskro anas man an o moulo them. Oun me dikom i djouvel ap i lolo firho beshdo, hoy les efta shere oun deesh shinga his. Oun ap koleste his save laba činlo, hoy praasenn o Debles.

Debleskro tsiro 1:10

Ap o Debleskro dives vas o Debleskro Dourho zoreles pral mande. Oun me shounom pal mande i zorelo rakepen. Kova his har i gole, hoy dell i phourdepaskri.

Bičepangre 8:39

Har yon dran o pani vin djan, las o Debleskro Dourho o Filipes ap yek kopo kote krik. Oun ko pralstouno dikas les bouder gar. Oun yob djas barhteles peskro drom doureder.

Ezekiel 11:1

Oun o dourho hadas man pre oun anas man glan o baro Debleskro kheer, pash ko baro voudar, hoy kote hi, kay o kham pre djala. Oun glan ko baro voudar his 25 (biish-te-panč) morsha. Oun me dikom mashkral lende o Yazania, koleskro dad o Assour his, oun o Pelatya, koleskro dad o Benaya his. Kolla his pralstoune pral i menshende.

Ezekiel 8:3

Oun yob čivas čomone har i vast pal mande vin, oun tapras man ap mire balla ap o shero. Oun an ko dikepen, hoy dikom, oun hoy vas o Deblestar, hadas man o dourho pre dour pral i phoub, oun anas man an o foro Yerusalem pash o baro voudar, hoy hi ap i nordetikri rig, glan koy platsa, hoy djal troul o Debleskro kheer. Kote his i figura tardo, hoy i menshe an-mangan, oun pral kolate o baro Devel bares rhoyedo his.

Debleskro tsiro 4:2

Oun ap yek kopo vas o Debleskro Dourho zoreles ap mande, oun me dikom i rayeskro beshepaskro an o bolepen tardo. Oun ap koleste his yek beshdo.

Ezekiel 3:14

Oun o dourho hadas man pre oun las man krik. Oun an mande his i bari rholi. Kova, hoy o baro Devel mande sikras, his phares čiddo ap mande.

1. Rajengro liil 18:12

Hoy hi, te djau kanna toutar, oun o baro Debleskro dourho lell tout krik oun anell tout ap i vavar kotar phoub, hoy me gar djinau? Oun me vau palle pash o Ahab oun penau leske, tou hal kay, oun yob hatsell tout gar? Palle moukell lo man te marell. Tou djineh, me, tiro boudepaskro, shounau ap o baro Debleste foun tiknes pre.

2. Rajengro liil 2:16

Oun penan ap leste: “Mer ham tire boudepangre. Mashkral mende hi paash-sheel zorele morsha. Kolen mouk te djal, te rodenn le tiro rayes. Kova nay vas yaake, kay las o baro Debleskro dourho les oun vitsras les ap i berga oder an i tala.” Koy penas yob: “Na-a, moukenn len gar te djal!”

Galatarja 4:26

Hi ninna i foro Yerusalem an o bolepen. Ko Yerusalem hi har i rayetsa, i Sara. Lakre čave hi gar pandlo ap o Moseskre laba. Yoy hi mari day.

Debleskro tsiro 3:12

Kova, kay zoreles an o patsepen ačas, oun gar pre das, dran koleste krau me yekes, kay hi har i baro bar, hoy rikrell miro Debleskro kheer. Oun kova ačell koy tardo hako tsireske. Oun me činau o lab miro Deblestar ap leste, oun o lab o Debleskro forestar. Kova hi o nevo Yerusalem, hoy dran o bolepen tele vella. Oun miro nevo lab činau ninna ap leste.

Debleskro tsiro 11:2

Oun ko kotar phoub glan o Debleskro baro kheer, kote čip ko kasht gar pre. Ko kotar phoub vell kolende dino, kay kek bibolde hi. Oun yon stakrenn o Debleskro foro khetne star-deesh-te-douy čon.